လံာ်လူၤကၣ် 20:20 - Sgaw Karen Common Bible

²⁰ လၢတၢ်န့ၣ်အဃိ, အဝဲသ့ၣ်အိၣ်ခိးကွၢ်တၢ်ဆၢကတီၢ်လၢ အကြၢးဝဲဘၣ်ဝဲလီၤ. အဝဲသ့ၣ်ဟ့ၣ်ပှၤတနီၤစ့ဒ်သိးအကပာ်မၤအသးလၢအမ့ၢ်ပှၤ အသးဘျၢ, ဒီးဆှၢလီၤအဝဲသ့ၣ်လၢအကသံကွၢ်သံဒိးယ့ၣ်ၡူး ဒီးဖီၣ်န့ၢ်အီၤလၢအတၢ်ကတိၤဒ်သိးအဝဲသ့ၣ်ဟ့ၣ်လီၤကွံာ်အီၤ ဆူရိမ့ၤအပဒိၣ်ဖးဒိၣ်အတၢ်စိတၢ်ကမီၤအပူၤကသ့ဝဲအဂီၢ် န့ၣ်လီၤ.

လံာ်လူၤကၣ် 20:20 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:2

လၢတၢ်န့ၣ်အဃိ, အဝဲမၢပှၤကိးန့ၢ်အီၤပိာ်မုၣ်တဂၤလၢအကူၣ်သ့ဒိၣ်မး လၢအအိၣ်ဆိးဝဲလၢဝ့ၢ်တကိၤန့ၣ်လီၤ. ဖဲပိာ်မုၣ်န့ၣ်ဟဲတုၤဒီးအဝဲစံးဘၣ်အီၤဒ်အံၤ, “ပာ်မၤနသးဒ်နအိၣ်လၢတၢ်ဟီၣ်တၢ်ယၢၤအပူၤ, ကူထီၣ်ကၤထီၣ်တၢ်ဘၣ်မိၣ်ဘၣ်မးအကူအသိးတဖၣ်ဒီးခွံနခိၣ်သူတဂ့ၤ. မၤနသးဒ်ပိာ်မုၣ်တဂၤလၢအဟီၣ်တၢ်ဖးယံာ်ဖးထၢလံအသိးန့ၣ်တက့ၢ်.

စံးထီၣ်ပတြၢၤ 38:12

ပှၤလၢအအဲၣ်ဒိးမၤသံယၤပာ်လီၤပျံၤသကွီၤလၢယဂီၢ်, ပှၤလၢအအဲၣ်ဒိးမၤဆါယၤကတိၤပျံၤကတိၤဖုးတၢ်လၢကမၤဟး ဂီၤယၤလီၤ. အဝဲသ့ၣ်ကူၣ်တၢ်အၢထီဒါယၤသ့သ့တနံၤလီၤ.

စံးထီၣ်ပတြၢၤ 66:3

စံးဘၣ်ကစၢ်ယွၤ, “နမၤတၢ်တဖၣ်န့ၣ် မ့ၢ်တၢ်ပျံၤအလီၢ်ဆံးဒိၣ်လဲၣ်. လၢနစိဒိၣ်ကမီၤထီအဃိန့ၣ်, နဒုၣ်နဒါတဖၣ်ဆီၣ်လီၤအသးလၢ နခီၣ်ထံးမဲာ်ညါလီၤ.

စံးထီၣ်ပတြၢၤ 81:15

ပှၤလၢအသးဟ့ယၤတဖၣ်ကဆုးလီၤအခိၣ်လၢ ယမဲာ်ညါလၢတၢ်ပျံၤအပူၤ, တၢ်သိၣ်ဃီၣ်လၢအဂီၢ်ကအိၣ်ဝဲလီၤစိၤလီၤထီလီၤ.

လံာ်ယံးရမံယၤ 11:19

ယမၤယသးဒ်သိဖိတဒုလၢအနာ်ညီတၢ်လၢအဘၣ်တၢ်ဟံးထီၣ်အီၤ ဒ်သိးတၢ်ကမၤသံအီၤအဂီၢ်, ဒီးယတသ့ၣ်ညါဘၣ်လၢအဝဲသ့ၣ်ကူၣ်ထီၣ်တၢ်အၢတၢ်သီတဖၣ်အံၤ ထီဒါယၤန့ၣ်ဘၣ်လီၤ. အဝဲသ့ၣ်စံးဝဲဒၣ်, “မ်ပကူာ်လီၤကွံာ် သ့ၣ်အံၤဖဲအဂံၢ်အဘါဂ့ၤဒံးအခါတက့ၢ်. မ်ပမၤသံကွံာ်အီၤဒ်သိးပှၤ သုတသ့ၣ်နီၣ်လၢၤအီၤနီတဂၤတဂ့ၤန့ၣ်တက့ၢ်.”

လံာ်ယံးရမံယၤ 18:18

အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်ယံးရမံယၤ 20:10

ယနၢ်ဟူဘၣ်ပှၤကိးဂၤဒဲးကတိၤကသွံကသွါတၢ်ဒီးစံး, “တၢ်လီၤပျံၤလီၤဖုးအိၣ်ဝဲလၢတၢ်လီၢ်ကိးပူၤဒဲးလီၤ. အဃိဒီးမ်ပလဲၤဘိးဘၣ်သ့ၣ်ညါအဝဲအဂ့ၢ်ဆူပှၤ န့ၢ်စိန့ၢ်ကမီၤတဖၣ်အအိၣ်တက့ၢ်.” ယတံၤသကိးလၢအဘူးကတၢၢ်ဒီးယၤတဖၣ်ဒၣ်လဲာ် အိၣ်ခိးကွၢ်လၢ်ယတၢ်ဟးဂီၤန့ၣ်လီၤ. အဝဲသ့ၣ်စံးဝဲ, “ဘၣ်သ့ၣ်သ့ၣ်ပလီန့ၢ်ဝ့ၤန့ၢ်အတၢ်ကန့ၢ်လီၤ. အန့ၣ်ဒီးပကဖီၣ်န့ၢ်အီၤဒီးမၤကၣ်က့ၤအီၤန့ၣ်လီၤ.”

လံာ်ဒၤနံးယ့လး 6:4

တုၤနုၤတစု, ပှၤပၢဆှၢအံးထွဲကွၢ်ထွဲတၢ်အဂၤတဖၣ်ဒီးပဒိၣ်ဖးဒိၣ် တဖၣ်ကျဲးစၢးဝဲဒ်သိးကထံၣ်န့ၢ်တၢ်ကမၣ်လၢစီၤဒၤနံးယ့လးအတၢ်ပၢ ဆှၢဘီမုၢ်အကျိၤအကျဲအပူၤန့ၣ်လီၤ. ဘၣ်ဆၣ်ဒီးတထံၣ်န့ၢ်ဘၣ်ဝဲဘၣ်. အဂ့ၢ်ဒ်အံၤ, စီၤဒၤနံးယ့လးန့ၣ်ဘၣ်တၢ်နာ်န့ၢ်အီၤဒီးတမၤက မၣ်တၢ်နီတမံၤမ့ၢ်ဂ့ၤ, တမၤတၢ်တတီတလိၤဘၣ်မ့ၢ်ဂ့ၤန့ၣ်ဘၣ်.

လံာ်မးသဲ 27:2

အဝဲသ့ၣ်စၢဃာ်ယ့ၣ်ၡူးအစုလၢပျံၤထးတဖၣ်, မိၤထီၣ်အီၤဒီးဟ့ၣ်လီၤအီၤဆူရိမ့ၤအပဒိၣ်ဖးဒိၣ်စီၤပံၤလးအစုပူၤလီၤ.

လံာ်မၢ်ကူး 3:2

ပှၤအိၣ်စ့ၢ်ကီးဖဲန့ၣ်တနီၤလၢအအဲၣ်ဒိးပာ်တၢ်ကမၣ်လၢယ့ၣ်ၡူး အလိၤသတးဒီးကွၢ်ဟုၣ်ကွၢ်စုာ်ဝဲမ့ၢ်အဝဲဒၣ်ကမၤဘျါက့ၤ ပှၤတဂၤန့ၣ်လၢပှၤယူဒၤဖိအမုၢ်အိၣ်ဘှံးနံၤဧါန့ၣ်လီၤ.

လံာ်လူၤကၣ် 11:54

ဒ်သိးအကအိၣ်ခိးကနၣ်ဝဲ, ဒီးဖီၣ်န့ၢ်အီၤလၢအတၢ်ကတိၤဒၣ်ဝဲအဂီၢ်န့ၣ်လီၤ.

လံာ်လူၤကၣ် 20:21

ပှၤကွၢ်ဟုၣ်ကွၢ်စုာ်တၢ်တဖၣ်အံၤစံးဘၣ်ယ့ၣ်ၡူး, “သရၣ်ဧၢ, ပသ့ၣ်ညါလၢနတကွၢ်မဲာ်ပှၤကညီအလီၢ်အလၤဘၣ်. မ့မ့ၢ်နသိၣ်လိတၢ်မ့ၢ်တၢ်တီဘၣ်ဃးဒီးကစၢ်ယွၤ အတၢ်ဘၣ်အသးလၢပှၤကညီအဂီၢ်လီၤ.

လံာ်လူၤကၣ် 20:26

လၢပှၤဂီၢ်မုၢ်တဖၣ်အမဲာ်ညါန့ၣ်, အဝဲသ့ၣ်ဖီၣ်အီၤလၢအတၢ်ကတိၤတန့ၢ်နီတဘီဘၣ်. လၢတၢ်န့ၣ်အဃိအဝဲသ့ၣ်အိၣ်ဘှီၣ်ကလာ်, ဒီးကမၢကမၣ်ဝဲလၢယ့ၣ်ၡူးအတၢ်စံးဆၢအဃိလီၤ.

၂ ပ့းတရူး 2:3

ဒီးလၢအတၢ်သူၣ်လီသးကွံဒိၣ်အပူၤ, သရၣ်အဘျၣ် တဖၣ်အံၤကဃုအဘျုးလၢသုဖီခိၣ်ခီဖျိအစံးဘၣ်တဲဘၣ် သုပူလၢပှၤကညီဒုးကဲထီၣ်အီၤတဖၣ်လီၤ. အဝဲသ့ၣ်အပှၤစံၣ်ညီၣ်ကွီၢ်အိၣ်ကတဲာ်ကတီၤအသးယံာ် တ့ၢ်လံ, ဒီးပှၤလၢအကမၤဟးဂီၤအီၤတဂၤန့ၣ်တမံသပ့ၤ ဝဲဘၣ်.