လံာ်လူၤကၣ် 20:19 - Sgaw Karen Common Bible

¹⁹ ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ် ဒီးပှၤလုၢ်တၢ်အခိၣ်အဒိၣ်တဖၣ်ဂုာ်ကျဲးစၢးဟံးဃာ် ယ့ၣ်ၡူးတဘျီဃီဖဲန့ၣ်, အဂ့ၢ်မ့ၢ်လၢအဝဲသ့ၣ်သ့ၣ်ညါလၢ ယ့ၣ်ၡူးကတိၤတၢ်ကတိၤဒိအဝဲအံၤထီဒါအဝဲသ့ၣ်အဃိ န့ၣ်လီၤ. ဘၣ်ဆၣ်ဒီးအဝဲသ့ၣ်ပျံၤပှၤဂီၢ်မုၢ်လီၤ.

လံာ်လူၤကၣ် 20:19 Iomraidhean Croise

လံာ်မၢ်ကူး 11:18

ပှၤလုၢ်တၢ်အခိၣ်အဒိၣ်တဖၣ်ဒီးပှၤသ့တၢ်ဘူၣ်တၢ်ဘါ အတၢ်သိၣ်တၢ်သီတဖၣ်နၢ်ဟူဘၣ်တၢ်ဂ့ၢ်အံၤသတးဒီး ဃုဝဲကျဲလၢအကမၤသံယ့ၣ်ၡူးအဂီၢ်လီၤ. အဝဲသ့ၣ်တဖၣ်ပျံၤဘၣ်အီၤ, မ့ၢ်လၢပှၤဂီၢ်မုၢ်ခဲလၢာ်ကမၢကမၣ်ဒိၣ်ဒိၣ်ကလဲာ်လၢယ့ၣ်ၡူး အတၢ်သိၣ်လိသီလိအဃိလီၤ.

လံာ်မၢ်ကူး 12:12

ပှၤယူဒၤဖိအခိၣ်အနၢ်လၢယ့ၣ်ၡူးကတိၤတ့ၢ်တၢ်ဒီးအီၤတဖၣ်နၢ် ပၢၢ်ဝဲလၢတၢ်ကတိၤဒိအံၤမ့ၢ်တၢ်ကတိၤထီဒါအဝဲသ့ၣ်အဃိ, ဃုကျဲလၢအကဖီၣ်န့ၢ်အီၤလီၤ. ဘၣ်ဆၣ်ဒီးမ့ၢ်လၢအဝဲသ့ၣ်ပျံၤဘၣ်ပှၤဂီၢ်မုၢ်တဖၣ်အဃိ, ပာ်တ့ၢ်အီၤဒီးဟးထီၣ်ကွံာ်ဝဲဖဲန့ၣ်လီၤ.

လံာ်လူၤကၣ် 20:14

ဘၣ်ဆၣ်ဒီး, ဖဲပှၤမၤစပံးလီၢ်တဖၣ်ထံၣ်အီၤန့ၣ်, အဝဲသ့ၣ်စံးလိာ်အသးတဂၤဒီးတဂၤ, ‘အဝဲအံၤမ့ၢ်စပံးလီၢ်ကစၢ်အဖိခွါလီၤ. မ်ပမၤသံအီၤတက့ၢ်. ဒီးအဝဲအတၢ်န့ၢ်သါကကဲထီၣ်ပတၢ်လီၤ.’