လံာ်လူၤကၣ် 20:17 - Sgaw Karen Common Bible

¹⁷ ယ့ၣ်ၡူးကွၢ်ဃီၤအဝဲသ့ၣ်ဒီးသံကွၢ်ဝဲ, “မ့မ့ၢ်ဒ်န့ၣ်ဒီး, တၢ်ကွဲးအသးလၢလာ်တတီၤအံၤအခီပညီမ့ၢ်မနုၤလဲၣ်. ‘လၢၢ်တဖျၢၣ်ဃီလၢပှၤဘှီတၢ်ဖိ တဖၣ်ညိကွံာ်ဝဲဒ်တၢ်လၢအလုၢ်အပှၤတအိၣ်ဘၣ်န့ၣ်, ကဲထီၣ်လၢလၢၢ်အကါဒိၣ်ကတၢၢ်တဖျၢၣ် တခီန့ၣ်လီၤ.’

လံာ်လူၤကၣ် 20:17 Iomraidhean Croise

စံးထီၣ်ပတြၢၤ 118:22

လၢၢ်လၢပှၤသူၣ်ထီၣ်တၢ်ဖိတဖၣ်ညိကွံာ် ဝဲဒ်တၢ်ကလီကလီအသိးန့ၣ်, ကဲထီၣ်လၢၢ်လၢအကါဒိၣ်ကတၢၢ်န့ၣ်လံ.

လံာ်ယၡါယၤ 28:16

မၤသးဒ်န့ၣ်ဒီးခဲအံၤစိဒိၣ်ကမီၤဒိၣ်ယွၤစံးဝဲ, “ယပာ်လီၤတၢ်ခီၣ်ထံးအဂၢၢ်အကျၢၤဒီးဆူၣ်ဝဲတခါလၢ ဝ့ၢ်စံယိၣ်အပူၤလီၤ. လၢအပူၤန့ၣ်, ယပာ်လၢၢ်သနၢၣ်ဂၢၢ်ကျၢၤတ ဖျၢၣ်လၢအအိၣ်ဒီးတၢ်ကတိၤလၢအကွဲးလီၤအသးလၢအလိၤ, ‘တၢ်နာ်လၢအဂၢၢ်ဝဲကျၢၤဝဲန့ၣ်သးစူၤစ့ၢ်ကီးဝဲလီၤ.’

လံာ်စကၤရယၤ 10:4

လၢအဝဲသ့ၣ်အကျါန့ၣ်ပဒိၣ်ပပှၢ်တဖၣ်, ပှၤခိၣ်ပှၤနၢ်တဖၣ်, ဒီးသုးခိၣ်သုးနၢ်တဖၣ်ကအိၣ်ထီၣ်ဝဲလၢကပၢ ယပှၤဂီၢ်မုၢ်န့ၣ်လီၤ.

လံာ်စကၤရယၤ 3:9

ယပာ်လီၤလၢၢ်တဖျၢၣ်လၢအအိၣ်ဒီးအမဲာ်သၣ်နွံကပၤလၢစီၤယိၤၡူ အမဲာ်ညါလီၤ. ယကစိးပျၤတၢ်ကွဲးတမံၤလၢအလိၤ, ဒီးလၢတနံၤဃီအတီၢ်ပူၤန့ၣ်ယကစိာ် ကွံာ်ကီၢ်အံၤအတၢ်ဒဲးဘးန့ၣ်လီၤ.

လံာ်မးသဲ 21:42

ယ့ၣ်ၡူးစံးဘၣ်အဝဲသ့ၣ်, “တၢ်ကွဲးအသးစီဆှံလၢအစံး, ‘လၢၢ်တဖျၢၣ်လၢပှၤသူၣ်ထီၣ်ဟံၣ်တဖၣ်ညိကွံာ်အီၤဒ် တၢ်လၢအလုၢ်အပှ့ၤတအိၣ်ဘၣ်အသိးန့ၣ်, ကဲထီၣ်က့ၤလၢၢ်ခိၣ်စိလၢ အကါဒိၣ်ကတၢၢ်တဖျၢၣ်လီၤ. အအံၤမ့ၢ်ကစၢ်အတၢ်မၤ, ဒီးမ့ၢ်တၢ်လီၤလးဒိၣ်မးလၢပမဲာ်ညါလီၤ’ န့ၣ်, မ့ၢ်သုတဖးဘၣ်ဘၣ်ဧါ” (စံး. ၁၁၈:၂၂-၂၃).

လံာ်မၢ်ကူး 10:23

ယ့ၣ်ၡူးကွၢ်တရံးတၢ်ဆူအပျဲၢ်အဘီၣ်တဖၣ်အအိၣ်ဒီးစံးဘၣ် အဝဲသ့ၣ်, “ပှၤလၢအအိၣ်ဒီးတၢ်စုလီၢ်ခီၣ်ခိၣ်အါအါဂီၢ်ဂီၢ်တဖၣ် ကလဲၤနုာ်ဆူကစၢ်ယွၤအဘီအမုၢ်အပူၤန့ၣ်, မ့ၢ်တၢ်ကီဒိၣ်မးလဲၣ်.”

လံာ်မၢ်ကူး 12:10

တၢ်ကွဲးအသးအံၤမ့ၢ်သုတဖးဘၣ်ဒံးဘၣ်ဧါ. ‘လၢၢ်တဖျၢၣ်လၢပှၤဘှီထီၣ်ဟံၣ်တဖၣ်ညိကွံာ်ဝဲ ဒ်တၢ်လၢအဘျုးတအိၣ်နီတမံၤဘၣ်န့ၣ်, ကဲထီၣ်တ့ၢ်လံဟံၣ်သနၢၣ်အလၢၢ် လၢအဘျုးအဖှိၣ်အိၣ်ဒိၣ်ကတၢၢ်န့ၣ်လီၤ.

လံာ်မၢ်ကူး 3:5

ယ့ၣ်ၡူးကွၢ်ဃီၤပှၤတဖၣ်လၢအအိၣ်ဝးတရံးအီၤဒီး အသးဒိၣ်ဘၣ်အဝဲသ့ၣ်လီၤ. ဘၣ်ဆၣ်ဒီးတဘျီဃီဖဲန့ၣ်အသးအုးဝဲလၢအဝဲသ့ၣ်တဖၣ်ပာ်ကိၤ အသးဒိၣ်ဒိၣ်ကလဲာ်ဒီးအတၢ်ပာ်သးကမၣ်အဃိလီၤ. အန့ၣ်ဝံၤစံးဘၣ်ပှၤတဂၤန့ၣ်, “ယူာ်ထီၣ်နစုတက့ၢ်.” အဝဲဒၣ်ယူာ်ထီၣ်အစုဒီးအစုန့ၣ်ဂ့ၤထီၣ်က့ၤဝဲဒၣ်လီၤ.

လံာ်လူၤကၣ် 19:41

အဝဲဒၣ်ဟဲဘူးထီၣ်ဒီးဝ့ၢ်ယရူၤၡလ့ၣ်, ဒီးဖဲအထံၣ်ဘၣ်ဝ့ၢ်န့ၣ်, ဟီၣ်ဝဲလၢအဃိဒီး

လံာ်လူၤကၣ် 22:37

အဂ့ၢ်ဒ်အံၤ, ယစံးဘၣ်တဲဘၣ်သုတၢ်တမံၤအံၤ, တၢ်ကွဲးအသးလၢအစံးဝဲ, ‘အဝဲဘၣ်တၢ်ဂံၢ်ဃုာ်အီၤလၢပှၤလုၣ်သ့ၣ်ခါပတာ်ထံကီၢ် အတၢ်သိၣ်တၢ်သီတဖၣ်အသိးအကျါ,’ တတီၤန့ၣ်, ကဘၣ်ဟဲလၢထီၣ်ပှဲၤထီၣ်ဝဲလၢယၤလီၤ. အဂ့ၢ်ဒ်အံၤ, တၢ်လၢအဘၣ်တၢ်ကွဲးတ့ၢ်အီၤလၢယဂ့ၢ်န့ၣ် ဟဲလၢထီၣ်ပှဲၤထီၣ်ဝဲဒၣ်လီၤ.”

လံာ်လူၤကၣ် 22:61

ကစၢ်ဃၣ်တရံးအသးဒီးကွၢ်ဃီၤတၢ်လိၤလိၤဆူစီၤပ့းတရူးအအိၣ်, ဒီးစီၤပ့းတရူးသ့ၣ်နီၣ်ထီၣ်ကစၢ်အတၢ်ကတိၤလၢအစံးဘၣ်တ့ၢ်အီၤ, “တနၤအံၤတချုးဆီဖါကီၢ်အိၣ်အိထီၣ်န့ၣ်, နကသမၢယၤသၢစုန့ၣ်လီၤ.”

လံာ်လူၤကၣ် 24:44

အန့ၣ်ဝံၤဒီး စံးဘၣ်အဝဲသ့ၣ်, “တၢ်သ့ၣ်တဖၣ်အံၤမ့ၢ်ဒၣ်တၢ်တဖၣ်လၢ ယစံးဘၣ်တ့ၢ်သုဖဲယအိၣ်ဒံးယဲဒီးသုအဆၢကတီၢ်န့ၣ်လီၤ. တၢ်ခဲလၢာ်လၢအဘၣ်တၢ်ကွဲးတ့ၢ်အသးလၢယဂ့ၢ်ဖဲစီၤမိၤၡ့အတၢ်သိၣ်တၢ်သီ အလံာ်တဖၣ်အပူၤ, ဝံအတၢ်ကွဲးတဖၣ်, ဒီးလံာ်စံးထီၣ်ပတြၢၤတဖၣ်အပူၤန့ၣ်, ကဘၣ်လၢထီၣ်ပှဲၤထီၣ်ဝဲဒၣ်လီၤ.”

လံာ်ယိၤဟၣ် 15:25

ဘၣ်ဆၣ်ဒီး, တၢ်အံၤကဘၣ်မၤအသးဒ်သိးတၢ်လၢ အဘၣ်တၢ်ကွဲးဃာ်အီၤလၢအဝဲသ့ၣ်အတၢ်သိၣ်တၢ်သီ အပူၤကလၢထီၣ်ပှဲၤထီၣ်ဝဲအဂီၢ်လီၤ. တၢ်ကွဲးဃာ် အသးလၢအစံးဝဲ, ‘အဝဲသ့ၣ်သးဟ့ယၤလၢတၢ်အဂ့ၢ် အခၢးတအိၣ်နီတမံၤဘၣ်အပူၤန့ၣ်လီၤ’ (စံး ၆၉:၄).

မၤတၢ် 4:11

တၢ်ကွဲးအသးစံးတၢ်ဘၣ်ဃးယ့ၣ်ၡူးအဂ့ၢ်, ‘လၢၢ်တဖျၢၣ်လၢသုဝဲပှၤဘှီထီၣ်ဟံၣ်တဖၣ် ညိကွံာ်ဝဲန့ၣ်, ကဲထီၣ်လံဟံၣ်သနၢၣ်အလၢၢ်လၢ အကါဒိၣ်ကတၢၢ်န့ၣ်လီၤ.’

အ့းဖ့းစူး 2:20

သုဘၣ်တၢ်သူၣ်ထီၣ်သုလၢတၢ်ခီၣ်ထံးလၢအမ့ၢ် ပှၤတၢ်မၢဖိဒီးဝံတဖၣ်အဖီခိၣ်, ယ့ၣ်ၡူးခရံာ်အနီၢ်ကစၢ် မ့ၢ်ဟံၣ်န့ၣ်အလၢၢ်သနၢၣ်,

၁ ပ့းတရူး 2:6

အဂ့ၢ်ဒ်အံၤ, တၢ်ကွဲးအသးစံးဝဲဒၣ်, “ယဃုထၢလၢၢ်လုၢ်ဒိၣ်ပှ့ၤဒိၣ်တဖျၢၣ်, လၢယပာ်လီၤအီၤဒ်လၢၢ်သနၢၣ်လၢ စံယိၣ်အပူၤလီၤ. ဒီးပှၤတဂၤလၢ်လၢ်လၢအနာ်အီၤန့ၣ် တသးဟးဂီၤဘၣ်ဝဲနီတဘျီဘၣ်” (ၡါ ၂၈:၁၆).