လံာ်လူၤကၣ် 20:16 - Sgaw Karen Common Bible

¹⁶ “အဝဲဒၣ်ကဟဲဒီးမၤသံပှၤသ့ၣ်တဖၣ်န့ၣ်, ဒီးဟ့ၣ်လီၤက့ၤစပံးလီၢ်ဆူ ပှၤမၤဟီၣ်ခိၣ်အဂၤတဖၣ်အစုပူၤလီၤ.” ဖဲပှၤဂီၢ်မုၢ်တဖၣ်နၢ်ဟူတၢ်အံၤန့ၣ်, အဝဲသ့ၣ်စံးဝဲ, “မ်တၢ်သုတမၤအသးဒ်န့ၣ်တဂ့ၤ.”

လံာ်လူၤကၣ် 20:16 Iomraidhean Croise

လံာ်မးသဲ 21:34

တုၤတၢ်ဒ့စပံးသၣ်အဆၢကတီၢ်ဘူးထီၣ်ဒီး, အဝဲဆှၢလီၤအခ့အပှၤတဖၣ်ဆူ ပှၤလၢအဒိးလဲစပံးလီၢ်တဖၣ်အအိၣ်, ဒ်သိးအကန့ၢ်ဘၣ်က့ၤတၢ်လၢအဂ့ၤန့ၢ်ဘၣ်ဝဲအဂီၢ်န့ၣ်လီၤ.

လံာ်မးသဲ 21:41

အဝဲသ့ၣ်စံးဆၢအီၤ, “ကမၤသံပှၤအၢပှၤသီတဖၣ်န့ၣ်သပှၢ်ကတၢၢ်လီၤ. ဒီးကဒိးလဲလီၤဝဲစပံးလီၢ်ဆူပှၤဒိးလဲစပံးလီၢ်အဂၤ, လၢအကဟ့ၣ်အီၤတၢ်လၢအဂ့ၤဒိးန့ၢ်ဝဲဘၣ်ဆၢဘၣ်ကတီၢ် တဖၣ်န့ၣ်လီၤ.”

လံာ်မးသဲ 22:7

စီၤပၤန့ၣ်အသးဒိၣ်ထီၣ်ဒိၣ်ဒိၣ်ကလဲာ်, ဒီးဆှၢလီၤအသုးဖိတဖၣ်လၢအကမၤသံကွံာ် ပှၤမၤသံတၢ်ဖိတဖၣ်, ဒီးဒွဲၣ်ကွံာ်အဝဲသ့ၣ်အဝ့ၢ်န့ၣ်လီၤ.

လံာ်မၢ်ကူး 12:9

ယ့ၣ်ၡူးသံကွၢ်ဝဲ, “မ့မ့ၢ်ဒ်န့ၣ်ဒီးစပံးလီၢ်ကစၢ်တဂၤန့ၣ်ကမၤဝဲဒ်လဲၣ်. အဝဲဒၣ်ကဟဲဒီးမၤသံကွံာ်ပှၤဒိးလဲအီၣ်စပံးလီၢ်တဖၣ်န့ၣ်, ဒီးကဒိးလဲလီၤက့ၤအစပံးလီၢ်လၢပှၤဂၤတဖၣ်လီၤ.

လံာ်လူၤကၣ် 19:27

မ့မ့ၢ်, ယဒုၣ်ယဒါတဖၣ်အံၤလၢအတအဲၣ်ဒိးယကဲအစီၤပၤန့ၣ်, ဆှၢအဝဲသ့ၣ်တဖၣ်ဆူအံၤ, ဒီးမၤသံအီၤလၢယမဲာ်ညါတက့ၢ်.’ ”

လံာ်လူၤကၣ် 20:15

လၢတၢ်န့ၣ်အဃိအဝဲသ့ၣ်ကွံာ်ထီၣ်ကွံာ်အီၤဆူစပံးလီၢ်အချၢ ဒီးမၤသံအီၤလီၤ. မ့မ့ၢ်ဒ်န့ၣ်ဒီး, စပံးလီၢ်ကစၢ်ကမၤ ပှၤမၤစပံးလီၢ်တဖၣ်ဒ်လဲၣ်.” ယ့ၣ်ၡူးသံကွၢ်ဝဲ,

မၤတၢ် 13:46

ဘၣ်ဆၣ်ဒီးစီၤပီလူးဒီးစီၤဘၢ်နါဘၤကတိၤထီၣ်တၢ်ဒူဒိၣ်န့ၢ်ဒံး အလီၢ်တက့ၢ်ဒီးစံး, “အလီၢ်အိၣ်လၢပဘၣ်စံးကတိၤဆိကစၢ်ယွၤအကလုၢ်ကထါလၢသုလီၤ. ဘၣ်ဆၣ်မ့ၢ်လၢသုတစူၢ်တနာ်အီၤဘၣ်ဒီးသုစံၣ်ညီၣ်လီၤဒၣ်သုသး ဒ်ပှၤလၢအတကြၢးတဘၣ်လၢအကဒိးန့ၢ်တၢ်မူအထူအယိာ်အဃိ, ပကပာ်တ့ၢ်သုဒီးလဲၤဆူပှၤကလုာ်အဂၤတဖၣ်အအိၣ်လီၤ.

ရိမ့ၤ 11:1

မ့မ့ၢ်ဒ်န့ၣ်ဒီး, ယစံး, မ့ၢ်ကစၢ်ယွၤညိကွံာ်လံအပှၤကလုာ်ဒၣ်ဝဲ န့ၣ်ဧါ. တညိကွံာ်လ့ၤတက့ၤဘၣ်. ယကစၢ်ဒၣ်ယဲယမ့ၢ်ပှၤအံၣ်စရ့လးဖိတဂၤလၢအဟဲလီၤစၢၤလီၤ သွဲၣ်လၢစီၤအၤဘြၤဟၣ်လၢအဘၣ်ဃးဒီးစီၤဘံၣ်ယၤမံၣ်အဒူၣ် န့ၣ်လီၤ.

ရိမ့ၤ 11:11

မ့မ့ၢ်ဒ်န့ၣ်ဒီး, ယစံး, ဖဲပှၤယူဒၤဖိတဖၣ်အခီၣ်ဘၣ်တိၢ်န့ၣ်, မ့ၢ်အဝဲသ့ၣ်လီၤဃံၤဒီးဟးဂီၤကွံာ်လံန့ၣ်ဧါ. တမ့ၢ်ဒ်န့ၣ်ဘၣ်. မ့ၢ်လၢအဝဲသ့ၣ်မၤတၢ်ဒဲးဘးအဃိဒီး တၢ်အုၣ်က့ၤခီၣ်က့ၤတုၤအိၣ်ဝဲပှၤကလုာ်ဂၤတဖၣ်ဒ်သိး ပှၤယူဒၤဖိတဖၣ်ကသးက့ၣ်အဝဲသ့ၣ်အဂီၢ်န့ၣ်လီၤ.

ရိမ့ၤ 3:31

တၢ်အဝဲအံၤအခီပညီမ့ၢ်ပတၢၤကွံာ်တၢ်သိၣ်တၢ်သီလၢတၢ် စူၢ်တၢ်နာ်အံၤန့ၣ်ဧါ. တမ့ၢ်ဒ်န့ၣ်ဘၣ်. မ့မ့ၢ်ပပာ်ဂၢၢ်ပာ်ကျၢၤတၢ်သိၣ်တၢ်သီအံၤတခီန့ၣ်လီၤ.

ရိမ့ၤ 3:4

တမ့ၢ်ဒ်န့ၣ်ဘၣ်. ပှၤကညီကိးဂၤဒဲးမ့မ့ၢ်ပှၤလီတၢ်သနာ်က့, ကစၢ်ယွၤတီဝဲလိၤဝဲလီၤ. ဒ်တၢ်ကွဲးအသးစံးဝဲအသိး, “နကဘၣ်တၢ်ပာ်တီပာ်လိၤနၤလၢ နတၢ်ကတိၤတဖၣ်အပူၤ, ဒီးနကမၤနၢၤတၢ်ဖဲ နဘၣ်တၢ်လိာ်ကွီၢ်နၤန့ၣ်လီၤ.”

ရိမ့ၤ 3:6

တမ့ၢ်ဒ်န့ၣ်ဘၣ်. ယွၤမ့ၢ်တတီတလိၤဘၣ်ဒီး, အဝဲစံၣ်ညီၣ်ဟီၣ်ခိၣ်ကသ့လၢကျဲဒ်လဲၣ်.

ရိမ့ၤ 6:15

မ့မ့ၢ်ဒ်န့ၣ်ဒီး, မ့ၢ်လၢပအိၣ်လၢတၢ်ဘျုးတၢ်ဖှိၣ်အဖီလာ်ဒီး တမ့ၢ်ဘၣ်လၢတၢ်သိၣ်တၢ်သီအဖီလာ်အဃိ, မ့ၢ်ပကမၤ တၢ်ဒဲးဘးဧါ. တမ့ၢ်ဒ်န့ၣ်လ့ၤတက့ၤဘၣ်.

ရိမ့ၤ 6:2

တမ့ၢ်ဒ်န့ၣ်ဘၣ်. ပသံသဒၣ်ကွံာ်တၢ်ဒဲးဘးလံ. မ့မ့ၢ်ဒ်န့ၣ်ဒီး, ပအိၣ်မူဒံးလၢတၢ်ဒဲးဘးအပူၤကသ့လၢကျဲဒ်လဲၣ်.

ရိမ့ၤ 7:13

မ့မ့ၢ်ဒ်န့ၣ်ဒီး, တၢ်အဝဲအံၤမ့ၢ်ပကပာ်အခီပညီလၢတၢ် အဂ့ၤတမံၤမၤသံကွံာ်ယၤန့ၣ်ဧါ. တမ့ၢ်ဒ်န့ၣ်လ့ၤတက့ၤဘၣ်. မ့မ့ၢ်တၢ်ဒဲးဘးမၤသံယၤခီဖျိတၢ်သူတၢ်အဂ့ၤ, ဒ်သိးတၢ်ဒဲးဘးအက့ၢ်အဂီၤနီၢ်နီၢ်ကဘၣ်တၢ်လီၣ်ဖျါထီၣ် အီၤအဂီၢ်လီၤ. သတးဒီး, ခီဖျိတၢ်မၤလိာ်န့ၣ်, တၢ်ဒဲးဘးဘၣ်တၢ်ဒုးနဲၣ်အီၤဒ်အမ့ၢ်တၢ်လၢအအၢဒိၣ်န့ၣ် အလီၢ်တက့ၢ်န့ၣ်လီၤ.

ရိမ့ၤ 7:7

မ့မ့ၢ်ဒ်န့ၣ်ဒီး, ပကစံးဒ်လဲၣ်. တၢ်သိၣ်တၢ်သီအိၣ်ဒၣ်အတၢ် န့ၣ်မ့ၢ်တၢ်ဒဲးဘးဧါ. တမ့ၢ်ဒ်န့ၣ်ဘၣ်. ဘၣ်ဆၣ်တၢ်သိၣ်တၢ်သီမ့ၢ်တၢ်လၢအဒုးသ့ၣ်ညါ ယၤတၢ်ဒဲးဘးမ့ၢ်တၢ်မနုၤလဲၣ်န့ၣ်လီၤ. တၢ်သိၣ်တၢ်သီမ့ၢ် တစံး “သူၣ်လီသးကွံတၢ်တဂ့ၤ” ဒီးတၢ်သူၣ်လီ သးကွံမ့ၢ်တၢ်မနုၤလဲၣ်န့ၣ် တမ့ၢ်ယကသ့ၣ်ညါဘၣ်.

ရိမ့ၤ 9:14

မ့မ့ၢ်ဒ်န့ၣ်ဒီး, ပကစံးလၢကစၢ်ယွၤမၤတၢ်တတီဘၣ်န့ၣ်ဧါ. တမ့ၢ်ဒ်န့ၣ်လ့ၤတက့ၤဘၣ်.

1 ကရံၣ်သူး 6:15

သုသ့ၣ်ညါသုဝဲလၢသုနီၢ်ခိတဖၣ်မ့ၢ်ဝဲက့ၢ်ဂီၤတဖၣ်လၢ အဘၣ်ထွဲဒီးခရံာ်အနီၢ်ခိန့ၣ်လီၤ. မ့ၢ်ယကဟံးန့ၢ်က့ၢ်ဂီၤတခီလၢအဘၣ်ထွဲဒီးခရံာ်အနီၢ်ခိ ဒီးဒုးကဲထီၣ်အီၤက့ၢ်ဂီၤတခီလၢအဘၣ်ထွဲဒီးဃဲသဲမုၣ် အနီၢ်ခိန့ၣ်ဧါ. တသ့ဘၣ်.

ကလၤတံ 2:17

မ့မ့ၢ်ဒ်န့ၣ်ဒီး, ဖဲပဂုာ်ကျဲးစၢးမၤလိၤမၤဘၣ်ပသးဒီးကစၢ်ယွၤ ခီဖျိပတၢ်မ့ၢ်တၢ်တမံၤဃီဒီးခရံာ်အဖၢမုၢ်, တၢ်မ့ၢ်ထံၣ်န့ၢ်ပှၤလၢပမ့ၢ်ပှၤတၢ်ဒဲးဘးဖိထဲသိးဒီးပှၤကလုာ်ဂၤ တဖၣ်န့ၣ်, တၢ်အံၤအခီပညီမ့ၢ်ခရံာ်ဆီၣ်ထွဲမၤစၢၤတၢ်ဒဲးဘး အခံန့ၣ်ဧါ. တမ့ၢ်လ့ၤတက့ၤဘၣ်.

ကလၤတံ 3:21

မ့မ့ၢ်ဒ်န့ၣ်ဒီး, တၢ်သိၣ်တၢ်သီထီဒါကစၢ်ယွၤအတၢ်အၢၣ်လီၤ အီလီၤတဖၣ်ဧါ. တမ့ၢ်လ့ၤတက့ၤဘၣ်. အဂ့ၢ်ဒ်အံၤပှၤဟီၣ်ခိၣ်ဖိ မ့ၢ်ဒိးန့ၢ်တၢ်သိၣ်တၢ်သီလၢအဟ့ၣ်တၢ်မူသ့ဒီး, ပှၤကိးဂၤဒဲးကဘၣ်တၢ်မၤလိၤမၤဘၣ်အီၤဒီးကစၢ်ယွၤခီဖျိတၢ် ဒိကနၣ်တၢ်သိၣ်တၢ်သီန့ၣ်လီၤ.

ကလၤတံ 6:14

မ့မ့ၢ်ယဲဒၣ်အံၤ, ယကပာ်ကဖၢလၢယသးထဲဒၣ်လၢပကစၢ် ယ့ၣ်ၡူးခရံာ်အထူၣ်စုညါအဃိလီၤ. အဂ့ၢ်ဒ်အံၤ, ခီဖျိလၢ အထူၣ်စုညါန့ၣ်, တၢ်ဘၣ်ဃးဒီးဟီၣ်ခိၣ်သံသဒၣ်ကွံာ်ယၤဒီး ယသံသဒၣ်ကွံာ်တၢ်ဘၣ်ဃးဒီးဟီၣ်ခိၣ်န့ၣ်လီၤ.