လံာ်လူၤကၣ် 20:1 - Sgaw Karen Common Bible

¹ ဘၣ်မုၢ်တနံၤဖဲယ့ၣ်ၡူးအိၣ်လၢတၢ်လုၢ်ဟံၣ်အပူၤ, သိၣ်လီၤသီလီၤပှၤဂီၢ်မုၢ်တဖၣ်, ဒီးစံၣ်တဲၤတဲလီၤတၢ်သးခု ကစီၣ်အဖၢမုၢ်န့ၣ်, ပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်, ဃုာ်ဒီးပှၤယူဒၤဖိကရၢအခိၣ်အနၢ်တဖၣ်ဟဲဝဲ,

လံာ်လူၤကၣ် 20:1 Iomraidhean Croise

လံာ်မးသဲ 26:55

တုၤနုၤတစု, ယ့ၣ်ၡူးကတိၤတၢ်ဒီးပှၤဂီၢ်မုၢ်ဒီးစံး, “မ့ၢ်သုဘၣ်ဟဲစိာ်နးဒီးနီၣ်တီၢ်လၢ သုကဖီၣ်န့ၢ်ယၤအဂီၢ်, ဒ်ပှၤလၢအမၤကမၣ်တၢ်သိၣ်တၢ်သီတဂၤအသိးန့ၣ်ဧါ. ကိးနံၤဒဲးယဆ့ၣ်နီၤဒီးသိၣ်လီၤသီလီၤတၢ်လၢတၢ်လုၢ်ဟံၣ် အပူၤ, ဒီးသုတဖီၣ်ယၤမးလဲၣ်.

လံာ်လူၤကၣ် 20:2

ဒီးစံးဘၣ်အီၤ, “စံးဘၣ်တဲဘၣ်ပှၤတက့ၢ်. နမၤတၢ်သ့ၣ်တဖၣ်အံၤန့ၣ်, နအိၣ်ဒီးတၢ်ခွဲးတၢ်ယာ်မနုၤတမံၤလဲၣ်. မ့ၢ်မတၤဟ့ၣ်စိဟ့ၣ်ကမီၤနၤလၢနကမၤတၢ်သ့ၣ်တဖၣ်အံၤအဂီၢ်န့ၣ်လဲၣ်.”

လံာ်လူၤကၣ် 8:1

တၢ်မၤအသးဝံၤအလီၢ်ခံတစိၢ်တလီၢ်န့ၣ်, ယ့ၣ်ၡူးလဲၤတၢ်ဒီးခီဂာ်ဝ့ၢ်တဖၣ်ဒီးသဝီတဖၣ်, ဒီးစံၣ်တဲၤတဲလီၤတၢ်သးခုအကစီၣ်ဘၣ်ဃးကစၢ်ယွၤ အဘီအမုၢ်လီၤ. ပှၤတၢ်မၢဖိတဆံခံဂၤလဲၤဃုာ်ဒီးအီၤ,

လံာ်ယိၤဟၣ် 18:20

ယ့ၣ်ၡူးစံးဆၢတၢ်ဒီးစံးဝဲ, “ယကတိၤတၢ်ထီဘိလၢပှၤအါဂၤ အမဲာ်ညါဒီးလၢပှၤကိးဂၤဒဲးန့ၣ်လီၤ. ယတၢ်သိၣ်လိသီလိခဲလၢာ်ဘၣ်တၢ်မၤအီၤလၢဘူၣ်ဘျီၣ် လၢအမ့ၢ်တၢ်ဘါအလီၢ်အပူၤဒီးတၢ်လုၢ်ဟံၣ်အပူၤ, ဖဲပှၤယူဒၤဖိခဲလၢာ်ဟဲပာ်ဖှိၣ်အသးန့ၣ်လီၤ. ယတစံးကတိၤတၢ်လၢတၢ်ခူသူၣ်အပူၤနီတဘျီဘၣ်.

မၤတၢ် 4:1

ဖဲစီၤပ့းတရူးဒီးစီၤယိၤဟၣ်ကတိၤဒံးတၢ်ဒီးပှၤတဖၣ်အဖၢမုၢ်န့ၣ်, ပှၤလုၢ်တၢ်အခိၣ်တနီၤ, တၢ်လုၢ်ဟံၣ်အပှၤပၢၤတၢ်ဖိအခိၣ်တဂၤ, ဃုာ်ဒီးပှၤစးဒူၤကဲတနီၤဟဲတုၤဝဲဒၣ်လီၤ.

မၤတၢ် 6:12

အဝဲသ့ၣ်မၤဝဲဒ်သိးအံၤန့ၣ်, မ့ၢ်အမၤဂဲၤထီၣ်ပှၤဂီၢ်မုၢ်ဒီးပှၤယူဒၤဖိကရၢ အခိၣ်အနၢ်တဖၣ်ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ် အသူၣ်အသးလီၤ. အဝဲသ့ၣ်ဖီၣ်စီၤစတ့းဖၣ်ဒီးမိၤထီၣ်အီၤဆူကီၣ်ကး အမဲာ်ညါလီၤ.