လံာ်လူၤကၣ် 2:7 - Sgaw Karen Common Bible

⁷ အဝဲဒၣ်ဆံးစၢ်ထီၣ်အဖိခွါဝဲၢ်ကိတဂၤ, ဒီးဘိၣ်ဘံဃာ်အီၤလၢတၢ်ကံးယာ်ဒီး ပုာ်မံလီၤအီၤလၢကျီၢ်အီၣ်ဆၣ်အကျိးအပူၤလီၤ. အဂ့ၢ်ဒ်အံၤ, ဖဲပှၤသမှံၤအဘျီၣ်ပူၤန့ၣ်ဒၢးတအိၣ် ကလီလၢအဝဲသ့ၣ်အဂီၢ်နီတဖျၢၣ်ဘၣ်.

လံာ်လူၤကၣ် 2:7 Iomraidhean Croise

လံာ်တၢ်ကဲထီၣ်အခီၣ်ထံး 42:27

ဖဲတၢ်လီၢ်လၢအဝဲသ့ၣ်ကမံဝဲန့ၣ်, အဝဲသ့ၣ်အကျါတဂၤအိးထီၣ် အထၢၣ်လၢကဒုးအီၣ်အကသ့ၣ်ယီၤအဆၣ်ဒီး, ထံၣ်န့ၢ်အစ့ဒၣ်ဝဲလၢအထၢၣ်အခိၣ်ထိးန့ၣ်လီၤ.

လံာ်တၢ်ကဲထီၣ်အခီၣ်ထံး 43:21

ဖဲပက့ၤဆူဟံၣ်လၢကျဲ, ဖဲပသူၣ်ဒဲအိၣ်ဘှံးအလီၢ်န့ၣ်ပအိးထီၣ် ပထၢၣ်တဖၣ်, ဒီးပဝဲတဂၤဘၣ်တဂၤစုာ်စုာ်ပထံၣ်ပစ့ကိးဘ့ၣ်ဒဲးလၢပထၢၣ်အခိၣ် ထိးန့ၣ်လီၤ. ဒီးပဟဲစိာ်ကဒါက့ၤစ့အံၤဆူနအိၣ်လီၤ.

စံးထီၣ်ပတြၢၤ 22:6

မ့မ့ၢ်ယဲဒၣ်အံၤယတမ့ၢ်လၢၤပှၤကညီလၢၤဘၣ်. ယမ့ၢ်ဒၣ်ထိးကလဲာ်တဘိလၢ အဘၣ်တၢ်သးဘၣ်အၢအီၤ ဒီးဘၣ်တၢ်ဒုၣ်ဒွဲၣ်လၢပှၤကိးဂၤဒဲးန့ၣ်လီၤ.

လံာ်တၢ်ဟးထီၣ်ကွံာ် 4:24

ဒီးလၢအတၢ်လဲၤကျဲဖဲတၢ်အိၣ်ဘှံးအလီၢ်တတီၤန့ၣ်ယွၤထံၣ် စီၤမိၤၡ့ဒီးအဲၣ်ဒိးမၤသံအီၤလီၤ.

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်မးသဲ 1:25

ဘၣ်ဆၣ်ဒီးတချုးလၢအဆံးစၢ်န့ၢ်အဖိခွါဘၣ်န့ၣ်, စီၤယိၤသးတမံဃုာ်ဒီးအမါဘၣ်. စီၤယိၤသးယုၢ်န့ၢ်ဖိသၣ်အမံၤလၢယ့ၣ်ၡူးလီၤ.

လံာ်မးသဲ 13:55

အဝဲဒၣ်အံၤတမ့ၢ်ပှၤစုသ့အဖိခွါဘၣ်ဧါ. အမိၢ်န့ၣ်တမ့ၢ်နီၢ်မၤရံဘၣ်ဧါ. ဒီးအဒီပုၢ်ဝဲၢ်တဖၣ်န့ၣ် တမ့ၢ်ဘၣ်စီၤယၤကိာ်, စီၤယိၤသး, ဒီးစီၤၡံမိၣ်ဒီးစီၤယူဒၤတဖၣ်န့ၣ်ဘၣ်ဧါ.

လံာ်မးသဲ 8:20

ယ့ၣ်ၡူးစံးဆၢအီၤဒီးစံး, “ထွံၣ်မံၤတဖၣ်အိၣ်ဒီးအပူၤဒီးထိၣ်လၢတၢ်ဖးဖီတဖၣ်အိၣ်ဒီးအသွံတဖၣ်လီၤ. ဘၣ်ဆၣ်ဒီးပှၤကညီဖိခွါအံၤထဲအကပာ်လီၤအခိၣ်ဒၣ်လဲာ်တၢ်လီၢ် တအိၣ်ဘၣ်.”

လံာ်လူၤကၣ် 10:34

အဝဲဒၣ်လဲၤဃီၤဆူအအိၣ်, လူလီၤသိဒီးစပံးထံလၢအပူၤလီၢ်ပူၤကျဲတဖၣ်အလိၤ, ဒီးဘိၣ်ဘံထီၣ်ဝဲလီၤ. အန့ၣ်ဝံၤအလီၢ်ခံအဝဲဒၣ်ပာ်ထီၣ်အီၤလၢအနီၢ်ကစၢ်ဒၣ်ဝဲအဆၣ်ဖိကီၢ်ဖိ အလိၤ, ဒီးဆှၢအီၤဆူပှၤသမှံၤအဘျီၣ်တဖျၢၣ်ဒီးအံးထွဲကွၢ်ထွဲအီၤဖဲန့ၣ်လီၤ.

လံာ်လူၤကၣ် 2:6

ဒီးဖဲအဝဲသ့ၣ်အိၣ်လၢဝ့ၢ်ဘ့ၤသလ့ဃ့ၣ်အဖၢမုၢ်န့ၣ်, အဆၢကတီၢ်တုၤဃီၤလၢအဝဲဒၣ်ကဆံးစၢ်ထီၣ်အဖိလီၤ.

လံာ်လူၤကၣ် 2:8

ဖဲကီၢ်အဝဲန့ၣ်အပူၤန့ၣ်, ပှၤကွၢ်သိအိၣ်ဝဲဒၣ်တနီၤလၢ အကွၢ်အသိလၢမုၢ်နၤခီဖဲပျီပူၤန့ၣ်လီၤ.

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

၂ ကရံၣ်သူး 8:9

သုသ့ၣ်ညါပကစၢ်ယ့ၣ်ၡူးခရံာ်အဘျုးအဖှိၣ်လီၤ. အဝဲဒၣ်ထူးတီၤဆံးအါသနာ်က့, လၢသုဃိ, လၢသုဂီၢ်အဝဲဒၣ်မၤဖှီၣ်လီၤအသးဒ်သိးအကဒုး ထူးထီၣ်တီၤထီၣ်သုခီဖျိအဝဲအတၢ်ဖှီၣ်တၢ်ယာ်န့ၣ်လီၤ.

ကလၤတံ 4:4

ဘၣ်ဆၣ်ဒီး, ဖဲတၢ်ဆၢကတီၢ်အဘၣ်တုၤဃီၤဝဲန့ၣ်, ကစၢ်ယွၤဆှၢလီၤအဖိခွါဒၣ်ဝဲလီၤ. အဝဲဒၣ်ဟဲဒ်မိၢ်လၢအမ့ၢ်ပှၤဟီၣ်ခိၣ်ဖိတဂၤအဖိအသိးဒီးအိၣ် မူလၢယူဒၤဖိအတၢ်သိၣ်တၢ်သီအဖီလာ်,