လံာ်လူၤကၣ် 2:48 - Sgaw Karen Common Bible

⁴⁸ အဝဲဒၣ်အမိၢ်အပၢ်တဖၣ်ကမၢကမၣ်ဝဲဖဲအထံၣ်ဘၣ်အီၤဒီး အမိၢ်စံးဘၣ်အီၤ, “ဖိခွါဧၢ, နမၤပှၤဒ်သိးအံၤဘၣ်မနုၤအဃိလဲၣ်. နပၢ်ဒီးယၤပလူၤဃုတ့ၢ်နၤလၢတၢ်သူၣ်ကိၢ်သးဂီၤအပူၤလီၤ.”

လံာ်လူၤကၣ် 2:48 Iomraidhean Croise

လံာ်မးသဲ 12:46

ဖဲယ့ၣ်ၡူးကတိၤဒံးတၢ်ဒီးပှၤတဖၣ်အဖၢမုၢ်န့ၣ်, အမိၢ်ဒီးအဒီပုၢ်ဝဲၢ်တဖၣ်ဟဲတုၤဝဲလၢတၢ်ချၢဒီးဃ့ ကတိၤတၢ်ဒီးအီၤလီၤ.

လံာ်လူၤကၣ် 2:49

အဝဲဒၣ်စံးဆၢအဝဲသ့ၣ်, “ဘၣ်မနုၤအဃိသုဘၣ်လူၤဃုယၤလဲၣ်. မ့ၢ်သုတသ့ၣ်ညါလၢယကဘၣ်အိၣ်လၢယပၢ်အဟံၣ်ပူၤဘၣ်ဧါ.”

လံာ်လူၤကၣ် 3:23

ဖဲယ့ၣ်ၡူးစးထီၣ်အတၢ်ဖံးတၢ်မၤန့ၣ်, အဝဲအသးအိၣ်သၢဆံဃၣ်ဃၣ်လီၤ. ပှၤအတၢ်ဆိကမိၣ်အိၣ်ဝဲဒၣ်လၢအမ့ၢ် စီၤယိၤသးလၢအဘၣ်တၢ်ထီၣ်ဖိအီၤလၢစီၤဟ့ၤလံတဂၤန့ၣ်အဖိခွါလီၤ.

လံာ်လူၤကၣ် 4:22

အဝဲသ့ၣ်ကိးဒံကိးဂၤဒဲးဘၣ်သူၣ်ဘၣ်သးလၢယ့ၣ်ၡူး, ဒီးကမၢကမၣ်ဝဲလၢတၢ်ကတိၤအသ့အဘၣ်လၢ အဝဲဒၣ်စံးကတိၤတ့ၢ်ဝဲတဖၣ်အဃိန့ၣ်လီၤ. အဝဲသ့ၣ်စံးဝဲ, “အဝဲဒၣ်တမ့ၢ်စီၤယိၤသးအဖိခွါဘၣ်ဧါ.”

လံာ်ယိၤဟၣ် 1:45

စီၤဖံလံးပူးထံၣ်န့ၢ်စီၤနၤသန့လးဒီးစံးဘၣ်အီၤ, “ပထံၣ်န့ၢ်လံပှၤလၢစီၤမိၤၡ့ကွဲးလၢအဂ့ၢ်လၢလံာ် တၢ်သိၣ်တၢ်သီအပူၤဒီးဝံသ့ၣ်တဖၣ်ကွဲးစ့ၢ်ကီးလၢ အဂ့ၢ်တဂၤလံန့ၣ်လီၤ. အဝဲမ့ၢ်ပှၤနစၤရ့းဖိယ့ၣ်ၡူးလၢ အမ့ၢ်စီၤယိၤသးအဖိခွါန့ၣ်လီၤ.”