လံာ်လူၤကၣ် 2:47 - Sgaw Karen Common Bible

⁴⁷ ကယဲၢ်ပှၤလၢအနၢ်ဟူဘၣ်အဝဲအတၢ်စံးတၢ်ကတိၤတဖၣ်န့ၣ်, ကမၢကမၣ်ဝဲလၢအတၢ်စံးဆၢလၢအပှဲၤဒီးတၢ်ကူၣ်ဘၣ်ကူၣ်သ့, တၢ်သ့ၣ်ညါနၢ်ပၢၢ်တဖၣ်အဃိလီၤ.

လံာ်လူၤကၣ် 2:47 Iomraidhean Croise

စံးထီၣ်ပတြၢၤ 119:99

ယအိၣ်ဒီးတၢ်နၢ်ပၢၢ်အါန့ၢ် ပှၤသိၣ်လိယၤခဲလၢာ်တက့ၢ်လီၤ. အဂ့ၢ်ဒ်အံၤ, ယဆိကမိၣ် နတၢ်အုၣ်နသးတဖၣ်အဂ့ၢ်အကျိၤလီၤ.

လံာ်မးသဲ 13:54

အဝဲက့ၤကဒါဝဲဆူဝ့ၢ်နစၤရ့း, ဒီးသိၣ်လီၤသီလီၤတၢ်လၢဘူၣ်ဘျီၣ်လၢအမ့ၢ် တၢ်ဘါလီၢ်တဖၣ်အပူၤလီၤ. ပှၤလၢအနၢ်ဟူအတၢ်သိၣ်လီၤသီလီၤတဖၣ် ကမၢကမၣ်ဝဲဒီးစံး, “ပှၤအံၤလဲၤမၤန့ၢ်အတၢ်ကူၣ်ဘၣ်ကူၣ်သ့ ဒီးတၢ်စိတၢ်ကမီၤလၢအကမၤတၢ်လီၤလးတဖၣ်အံၤဖဲလဲၣ်.

လံာ်မးသဲ 22:33

တုၤပှၤဂီၢ်မုၢ်တဖၣ်နၢ်ဟူတၢ်အံၤဒီး, အဝဲသ့ၣ်ကမၢကမၣ်ဝဲဒိၣ်မးလၢယ့ၣ်ၡူးအတၢ်သိၣ်လီၤသီလီၤ အဃိလီၤ.

လံာ်မးသဲ 7:28

တုၤယ့ၣ်ၡူးစံးတၢ်တဖၣ်အံၤဝံၤဒီး, ပှၤဂီၢ်မုၢ်တဖၣ်ကမၢကမၣ်ဝဲလၢ အတၢ်သိၣ်လီၤသီလီၤအဃိန့ၣ်လီၤ.

လံာ်မၢ်ကူး 1:22

ဒီးတုၤပှၤဂီၢ်မုၢ်တဖၣ်နၢ်ဟူအတၢ်သိၣ်လီၤသီလီၤဒီး, တၢ်လီၤကမၢကမၣ်ဘၣ်အဝဲသ့ၣ်လီၤ. အဂ့ၢ်ဒ်အံၤအဝဲဒၣ်သိၣ်လီၤသီလီၤတၢ်ဒ်ပှၤလၢအအိၣ်ဒီးတၢ်စိ တၢ်ကမီၤနီၢ်နီၢ်တဂၤအသိးဒီးတမ့ၢ်ဒ်ပှၤသ့တၢ်ဘူၣ်တၢ်ဘါ အတၢ်သိၣ်တၢ်သီတဖၣ်အသိးဘၣ်.

လံာ်မၢ်ကူး 11:18

ပှၤလုၢ်တၢ်အခိၣ်အဒိၣ်တဖၣ်ဒီးပှၤသ့တၢ်ဘူၣ်တၢ်ဘါ အတၢ်သိၣ်တၢ်သီတဖၣ်နၢ်ဟူဘၣ်တၢ်ဂ့ၢ်အံၤသတးဒီး ဃုဝဲကျဲလၢအကမၤသံယ့ၣ်ၡူးအဂီၢ်လီၤ. အဝဲသ့ၣ်တဖၣ်ပျံၤဘၣ်အီၤ, မ့ၢ်လၢပှၤဂီၢ်မုၢ်ခဲလၢာ်ကမၢကမၣ်ဒိၣ်ဒိၣ်ကလဲာ်လၢယ့ၣ်ၡူး အတၢ်သိၣ်လိသီလိအဃိလီၤ.

လံာ်မၢ်ကူး 6:2

တုၤပှၤယူဒၤဖိအမုၢ်အိၣ်ဘှံးနံၤတုၤဃီၤဒီးအဝဲဒၣ်စးထီၣ် သိၣ်လီၤသီလီၤတၢ်လၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤလီၤ. ပှၤအါဒံအါဂၤလၢအနၢ်ဟူအတၢ်သိၣ်လီၤသီလီၤတဖၣ်ကမၢကမၣ်ဒီး စံးဝဲ, “တၢ်ကူၣ်သ့ကူၣ်ဘၣ်ဒီးတၢ်သ့မၤတၢ်လီၤလးတဖၣ်ခဲလၢာ်အံၤ မ့ၢ်အလဲၤမၤန့ၢ်ဝဲဖဲလဲၣ်. တၢ်ဟ့ၣ်အီၤတၢ်ကူၣ်သ့ကူၣ်ဘၣ်တခါအံၤမ့ၢ်တၢ်ဒ်လဲၣ်. တၢ်လီၤလးတဖၣ်အံၤမၤဝဲဒ်လဲၣ်.

လံာ်လူၤကၣ် 2:18

ကယဲၢ်ပှၤလၢအနၢ်ဟူဘၣ်တၢ်ဂ့ၢ်တမံၤန့ၣ်, ကမၢကမၣ်ဝဲလၢတၢ်လၢပှၤကွၢ်သိတဖၣ်စံးကတိၤဝဲလၢအဂ့ၢ် အဃိန့ၣ်လီၤ.

လံာ်လူၤကၣ် 2:46

ဖဲသၢသီတသီန့ၣ်အဝဲသ့ၣ်ထံၣ်အီၤလၢတၢ်လုၢ်ဟံၣ်အပူၤ, ဆ့ၣ်နီၤလၢယူဒၤအသရၣ်သမါတဖၣ်အသိးအကျါ, ဒိကနၣ်အဝဲသ့ၣ်အတၢ်စံးတၢ်ကတိၤ, ဒီးသံကွၢ်တၢ်သံကွၢ်တဖၣ်လီၤ.

လံာ်လူၤကၣ် 4:22

အဝဲသ့ၣ်ကိးဒံကိးဂၤဒဲးဘၣ်သူၣ်ဘၣ်သးလၢယ့ၣ်ၡူး, ဒီးကမၢကမၣ်ဝဲလၢတၢ်ကတိၤအသ့အဘၣ်လၢ အဝဲဒၣ်စံးကတိၤတ့ၢ်ဝဲတဖၣ်အဃိန့ၣ်လီၤ. အဝဲသ့ၣ်စံးဝဲ, “အဝဲဒၣ်တမ့ၢ်စီၤယိၤသးအဖိခွါဘၣ်ဧါ.”

လံာ်လူၤကၣ် 4:32

အဝဲသ့ၣ်ကမၢကမၣ်ဝဲကိးဒံကိးဂၤဒဲးလၢအတၢ်သိၣ်လီၤသီလီၤ အဃိ, အဂ့ၢ်ဒ်အံၤ, အဝဲဒၣ်စံးကတိၤတၢ်အိၣ်ဒီးတၢ်စိတၢ်ကမီၤလီၤ.

လံာ်ယိၤဟၣ် 7:15

ပှၤယူဒၤဖိအခိၣ်အနၢ်တဖၣ်ကမၢကမၣ်ဝဲဒိၣ်မးဒီးစံး, “ပှၤတဂၤအံၤတမၤလိဘၣ်တၢ်လၢပှၤယူဒၤဖိတၢ်သိၣ် တၢ်သီအသရၣ်ဒိၣ်တဖၣ်အစုပူၤသနာ်က့, သ့ၣ်ညါ တၢ်အါထဲအံၤညါန့ၣ်, ဟဲအသးဒ်လဲၣ်.”

လံာ်ယိၤဟၣ် 7:46

တၢ်လုၢ်ဟံၣ်အပှၤပၢၤတၢ်ဖိတဖၣ်စံးဆၢတၢ်ဒီးစံးဝဲ, “ပှၤကတိၤတၢ်ဒ်ပှၤတဂၤအံၤအသိးတအိၣ်နီတဂၤဒံးဘၣ်.”