လံာ်လူၤကၣ် 2:46 - Sgaw Karen Common Bible

⁴⁶ ဖဲသၢသီတသီန့ၣ်အဝဲသ့ၣ်ထံၣ်အီၤလၢတၢ်လုၢ်ဟံၣ်အပူၤ, ဆ့ၣ်နီၤလၢယူဒၤအသရၣ်သမါတဖၣ်အသိးအကျါ, ဒိကနၣ်အဝဲသ့ၣ်အတၢ်စံးတၢ်ကတိၤ, ဒီးသံကွၢ်တၢ်သံကွၢ်တဖၣ်လီၤ.

လံာ်လူၤကၣ် 2:46 Iomraidhean Croise

လံာ်စီၤပၤအခီၣ်ထံးတဘ့ၣ် 12:12

သၢနံၤတနံၤဝံၤအလီၢ်ခံ, စီၤယၤရၤဘၣ်ဒီးကယဲၢ်ပှၤဂီၢ်မုၢ်ခဲ လၢာ်ဟဲကဒါက့ၤဆူစီၤပၤရဃၤဘၣ်အအိၣ်ဒ်အဝဲမၤလိာ်တ့ၢ်အဝဲ သ့ၣ်အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:5

အဝဲဒၣ်စံးဆၢဝဲ, “ဟဲက့ၤကဒါက့ၤလၢသၢသီအတီၢ်ပူၤဒီး ယကဟ့ၣ်သုယတၢ်စံးဆၢန့ၣ်လီၤ.” လၢတၢ်န့ၣ်အဃိ, အဝဲသ့ၣ်ဟးထီၣ်ကွံာ်ဝဲန့ၣ်လီၤ.

လံာ်ယၡါယၤ 50:4

ယွၤပၢဘၣ်တၢ်ခဲလၢာ်အကစၢ်သိၣ်လိတ့ၢ်ယၤတၢ်လၢယကဘၣ်စံး ကတိၤ ဒ်သိးယဒုးဆူၣ်ထီၣ်ပှၤလၢအလီၤဘှံးလီၤတီၤအဂံၢ်အဘါကသ့ဝဲ အဂီၢ်လီၤ. ကိးဂီၤဒဲးန့ၣ်, အဝဲထိၣ်ဂဲၤယသးလၢယကဆူလၢ်ဟူတၢ်လၢ အဝဲကသိၣ်လိယၤလီၤ.

လံာ်မးသဲ 12:40

အဂ့ၢ်ဒ်အံၤ, ဒ်စီၤယိၤနါအိၣ်လၢညၣ်ဖးဒိၣ်အဟၢဖၢပူၤသၢနံၤသၢနၤ အသိးန့ၣ်, ပှၤကညီဖိခွါအံၤကအိၣ်လၢဟီၣ်ခိၣ်အသးကံၢ်ပူၤသၢနံၤသၢနၤ စ့ၢ်ကီးလီၤ.

လံာ်မးသဲ 16:21

စးထီၣ်ဖဲအကတီၢ်န့ၣ်, ယ့ၣ်ၡူးတဲနၢ်ပၢၢ်အပျဲၢ်အဘီၣ်တဖၣ်, လၢအဝဲကဘၣ်လဲၤဆူဝ့ၢ်ယရူၤၡလ့ၣ်, ဒီးတူၢ်ဘၣ် ပှၤယူဒၤဖိကရၢအခိၣ်အနၢ်တဖၣ်, ဒီးပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်အတၢ်မၤနးမၤဖှီၣ် အီၤအါမံၤ, ဒီးလၢအကဘၣ်တၢ်မၤသံအီၤဒီးလၢသၢသီတသီန့ၣ် ယွၤကဒုးဂဲၤဆၢထၢၣ်က့ၤအီၤန့ၣ်လီၤ.

လံာ်လူၤကၣ် 2:47

ကယဲၢ်ပှၤလၢအနၢ်ဟူဘၣ်အဝဲအတၢ်စံးတၢ်ကတိၤတဖၣ်န့ၣ်, ကမၢကမၣ်ဝဲလၢအတၢ်စံးဆၢလၢအပှဲၤဒီးတၢ်ကူၣ်ဘၣ်ကူၣ်သ့, တၢ်သ့ၣ်ညါနၢ်ပၢၢ်တဖၣ်အဃိလီၤ.

လံာ်လူၤကၣ် 5:17

ဘၣ်တနံၤဖဲယ့ၣ်ၡူးသိၣ်လီၤသီလီၤတၢ်အဆၢကတီၢ်န့ၣ်, ပှၤဖၤရံၤၡဲတဖၣ်ဒီးပှၤသိၣ်လိတၢ်သိၣ်တၢ်သီတဖၣ်ဆ့ၣ်နီၤအိၣ်ဖဲ န့ၣ်လီၤ. အဝဲသ့ၣ်ဟဲလၢကယဲၢ်ဝ့ၢ်အိၣ်ဖဲကီၢ်ကၤလံၤလါ ဒီးကီၢ်ယူဒၤဒီးလၢဝ့ၢ်ယရူၤၡလ့ၣ်လီၤ. ကစၢ်အစိကမီၤအိၣ်ဝဲဒီး ယ့ၣ်ၡူးလၢအကမၤဘျါပှၤဆူးပှၤဆါတဖၣ်အဂီၢ်လီၤ.

လံာ်ယိၤဟၣ် 3:10

ယ့ၣ်ၡူးစံးဆၢအီၤ, “နမ့ၢ်သရၣ်ဖးဒိၣ်တဂၤလၢပှၤအံၣ်စရ့လးဖိ အကျါဒီးနတသ့ၣ်ညါတၢ်အံၤဘၣ်ဧါ.

မၤတၢ် 5:34

ဘၣ်ဆၣ်ဒီးလၢကီၣ်ကးတဖုန့ၣ်အကျါပှၤဖၤရံၤၡဲတဂၤလၢ အမံၤမ့ၢ်စီၤကမၤလ့လး, ပှၤသိၣ်လိလံာ်တၢ်သိၣ်တၢ်သီဒီးမ့ၢ်ပှၤတဂၤလၢပှၤခဲလၢာ် ယူးယီၣ်ပာ်ကဲအီၤဒိၣ်ဒိၣ်ကလဲာ်န့ၣ်, ဂဲၤဆၢထၢၣ်ဒီးဟ့ၣ်လီၤအကလုၢ်လၢပှၤပၢၤတၢ်ဖိတဖၣ်ကမိၤထီၣ် ကွံာ်တၢ်မၢဖိတဖၣ်န့ၣ်ဆူတၢ်ချၢတစိၢ်တလီၢ်လီၤ.

၁ တံၤမသ့း 1:7

အဝဲသ့ၣ်အဲၣ်ဒိးကဲထီၣ်ကစၢ်ယွၤအတၢ်သိၣ်တၢ်သီအသရၣ် တဖၣ်, ဘၣ်ဆၣ်ဒီးအဝဲသ့ၣ်တနၢ်ပၢၢ်က့ၤအတၢ်ကတိၤဒၣ်ဝဲ တဖၣ်မ့ၢ်ဂ့ၤ, တၢ်ဂ့ၢ်တၢ်ကျိၤတဖၣ်လၢအဝဲသ့ၣ်စံးကတိၤ ဝဲလၢအဂ့ၢ်လၢတၢ်စူၢ်ဂၢၢ်နာ်ကျၢၤအပူၤတဖၣ်မ့ၢ်ဂ့ၤန့ၣ်ဘၣ်.