လံာ်လူၤကၣ် 2:40 - Sgaw Karen Common Bible

⁴⁰ ဖိသၣ်န့ၣ်ဒိၣ်ထီၣ်ဒီးအဂံၢ်အဘါဆူၣ်ထီၣ်ဝဲလီၤ. အဝဲဒၣ်လၢပှဲၤဒီးတၢ်ကူၣ်ဘၣ်ဖးသ့ဒီးကစၢ်ယွၤ အတၢ်ဆိၣ်ဂ့ၤဆိၣ်ဝါလီၤဘၣ်လၢအလိၤလီၤ.

လံာ်လူၤကၣ် 2:40 Iomraidhean Croise

စံးထီၣ်ပတြၢၤ 22:9

နမ့ၢ်ပှၤလၢအဟံးထီၣ်ယၤလၢယမိၢ်အဒၢလီၢ်အပူၤ, ဒီးဖဲယအီယမိၢ်အနုၢ်ထံအခါ, နကဟုဘံၣ်ကယာ်ဘၢယၤလီၤ.

စံးထီၣ်ပတြၢၤ 45:2

လၢပှၤပိာ်ခွါတဖၣ်အကျါနမ့ၢ်ပှၤလၢအဃံလၤကတၢၢ်, နမ့ၢ်ပှၤစံးကတိၤတၢ်သ့န့ၣ်လီၤ. ကစၢ်ယွၤဆိၣ်ဂ့ၤတ့ၢ်နၤထီဘိန့ၣ်လီၤ.

လံာ်လူၤကၣ် 1:80

ဖိသၣ်ဒိၣ်ထီၣ်လၢနီၢ်ခိဒီးနီၢ်သးလီၤ. အဝဲဒၣ်အိၣ်ဝဲဆိးဝဲလၢပှၢ်မုၢ်ကနၢတုၤလီၤမုၢ်တနံၤ ဖဲအဝဲမၤဖျါထီၣ်အသးလၢကမျၢၢ်အမဲာ်ညါ, လၢအံၣ်စရ့လးအပှၤဂီၢ်မုၢ်န့ၣ်လီၤ.

လံာ်လူၤကၣ် 2:47

ကယဲၢ်ပှၤလၢအနၢ်ဟူဘၣ်အဝဲအတၢ်စံးတၢ်ကတိၤတဖၣ်န့ၣ်, ကမၢကမၣ်ဝဲလၢအတၢ်စံးဆၢလၢအပှဲၤဒီးတၢ်ကူၣ်ဘၣ်ကူၣ်သ့, တၢ်သ့ၣ်ညါနၢ်ပၢၢ်တဖၣ်အဃိလီၤ.

လံာ်လူၤကၣ် 2:52

ဒီးယ့ၣ်ၡူးဒိၣ်ထီၣ်လၢနီၢ်ခိဒီးလၢတၢ်ကူၣ်ဘၣ်ကူၣ်သ့ခံမံၤလၢာ်, ဒီးလၢတၢ်ဘၣ်ကစၢ်ယွၤအသးဒီးပှၤကညီအသးအပူၤန့ၣ်လီၤ.

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

မၤတၢ် 4:33

ပှၤတၢ်မၢဖိတဖၣ်အုၣ်အသးအိၣ်ဒီးတၢ်စိကမီၤဖးဒိၣ်လၢ ကစၢ်ယ့ၣ်ၡူးဂဲၤဆၢထၢၣ်သမူထီၣ်က့ၤလၢတၢ်သံအဂ့ၢ်, ဒီးကစၢ်ယွှၤလူလီၤဂၢ်လီၤတၢ်ဘျုးတၢ်ဖှိၣ်ဒိၣ်ဒိၣ်အါအါအိၣ် လၢအဝဲသ့ၣ်ခဲလၢာ်အလိၤလီၤ.

အ့းဖ့းစူး 6:10

တၢ်ကတိၤလၢခံကတၢၢ်, အိၣ်ပှဲၤဒီးဂံၢ်ဘါလၢကစၢ်အပူၤဒီးလၢအစိကမီၤအဂံၢ် အဘါအပူၤတက့ၢ်.

၂ တံၤမသ့း 2:1

မ့မ့ၢ်နဲဒၣ်ယဖိခွါဧၢ, အိၣ်ဒီးနဂံၢ်ဆူၣ်ဘါဆူၣ်ခီဖျိတၢ်ဘျုး တၢ်ဖှိၣ်လၢအအိၣ်ဒီးပှၤလၢပတၢ်အိၣ်မူလၢယ့ၣ်ၡူးခရံာ် အပူၤန့ၣ်တက့ၢ်.

လံာ်ပှၤစံၣ်ညီၣ်ကွီၢ် 13:24

ဒီးပိာ်မုၣ်န့ၣ်ဆံးစၢ်ထီၣ်အဖိခွါတဂၤဒီးယုၢ်ဝဲအမံၤလၢ စီၤၡံၣ်ၡိၣ်လီၤ. ဖိသၣ်ဒိၣ်ထီၣ်ဝဲဒီးယွၤဆိၣ်ဂ့ၤအီၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:18

အကတီၢ်ဖဲန့ၣ်, ဖိသၣ်စီၤၡမူၤအ့လးမၤကစၢ်ယွၤအတၢ်မၤဆူညါ ဒီးသိးဃာ်ဝဲဆ့စီဆှံလၢတၢ်ကံးယာ်ထါအသးလၢလုၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:21

ယွၤဆိၣ်ဂ့ၤတ့ၢ်နီၢ်ဃးနၤဒီးအဝဲအိၣ်ဒီးအဖိခွါဆူညါသၢဂၤဒီးဖိမုၣ်ခံဂၤလီၤ. ဖိသၣ်ၡမူၤအ့လးဒိၣ်ထီၣ်လၢတၢ်မၤယွၤအတၢ်မၤအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:26

ဖိသၣ်စီၤၡမူၤအ့လးဒိၣ်ထီၣ်ဆူညါဒီးဒိးန့ၢ် တၢ်ဘၣ်သူၣ်ဘၣ်သးလၢယွၤဒီးပှၤကညီတဖၣ်အမဲာ်ညါလီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:19

တုၤစီၤၡမူၤအ့လးဒိၣ်ထီၣ်ဝဲဒီး, ယွၤအိၣ်ဒီးအီၤဒီးမၤလၢ ထီၣ်ပှဲၤထီၣ်ကယဲၢ်တၢ်လၢစီၤၡမူၤအ့လးစံးဝဲခဲလၢာ်န့ၣ်လီၤ.