လံာ်လူၤကၣ် 2:4 - Sgaw Karen Common Bible

⁴ စီၤယိၤသးဟးထီၣ်ဝဲဖဲဝ့ၢ်နစၤရ့းလၢကီၢ်ကၤလံၤလါ, ဒီးလဲၤဝဲဆူဝ့ၢ်ဘ့ၤသလ့ဃ့ၣ်လၢကီၢ်ယူဒၤ, ဝ့ၢ်လၢအမ့ၢ်ဝဲစီၤပၤဒၤဝံးအိၣ်ဖျဲၣ်ထီၣ်အလီၢ်လီၤ. စီၤယိၤသးလဲၤဝဲဖဲန့ၣ်, မ့ၢ်လၢအဝဲမ့ၢ်စီၤဒၤဝံးအစၢၤအသွဲၣ်တဂၤအဃိန့ၣ်လီၤ.

လံာ်လူၤကၣ် 2:4 Iomraidhean Croise

လံာ်တၢ်ကဲထီၣ်အခီၣ်ထံး 35:19

ဖဲနီၢ်ရၤဃ့လးသံဝဲန့ၣ်, ဘၣ်တၢ်ခူၣ်လီၤအီၤဖဲကျဲလဲၤဆူ ဝ့ၢ်အ့ဖရးသးအကပၤလၢခဲအံၤဘၣ်တၢ်သ့ၣ်ညါအီၤလၢဝ့ၢ်ဘ့ၤသလ့ ဃ့ၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 48:7

ယမၤတၢ်အံၤမ့ၢ်ဒၣ်လၢနမိၢ်နီၢ်ရၤဃ့လးအဃိန့ၣ်လီၤ. ဖဲယဟဲက့ၤကဒါက့ၤလၢကီၢ်မ့းစပတၤမံန့ၣ်, အဝဲသံလၢကီၢ်ကနၤဧၣ်, တယံၤဒီးတၢ်လီၢ်ဖဲဝ့ၢ်အ့ဖရးသးအါအါ ဘၣ်, ဒီးမ့ၢ်တၢ်သးအုးဖးဒိၣ်လၢယဂီၢ်လီၤ. ယခူၣ်လီၤကွံာ်အီၤဖဲန့ၣ်, လၢကျဲဆူဝ့ၢ်အ့ဖရးသးအကပၤန့ၣ် လီၤ.” (အ့ဖရးသး, ခဲအံၤဘၣ်တၢ်သ့ၣ်ညါအီၤဒ်ဝ့ၢ်ဘ့ၤသလ့ဃ့ၣ်န့ၣ် လီၤ.)

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်မးသဲ 1:20

ဘၣ်ဆၣ်ဒီး ဖဲအဝဲဆိကမိၣ်တၢ်ဂ့ၢ်အံၤအဖၢမုၢ်န့ၣ်, ယွၤအကလူးတဂၤလီၣ်ဖျါထီၣ်အသးလၢတၢ်မံမီၢ်အပူၤဒီးစံးဘၣ် အီၤ, “စီၤဒၤဝံးအဖိခွါစီၤယိၤသးဧၢ, တဘၣ်ပျံၤလၢနကဟံးန့ၢ်နီၢ်မၤရံဒ်နမါအသိးတဂ့ၤ. အဂ့ၢ်ဒ်အံၤအဝဲဒၢထီၣ်ဒၣ်လၢသးစီဆှံအစိကမီၤလီၤ.

လံာ်မးသဲ 2:23

ဒီးအိၣ်ဆိးဝဲလၢဝ့ၢ်နစၤရ့းလီၤ. လၢကျဲဒ်အံၤ ဝံတဖၣ်အတၢ်ကတိၤလၢ အစံး, “ခရံာ်ကဘၣ်တၢ်ကိးအီၤလၢပှၤနစၤရ့းဖိ” န့ၣ်လၢထီၣ်ပှဲၤထီၣ်ဝဲလီၤ.

လံာ်လူၤကၣ် 2:3

ဖဲန့ၣ်, ပှၤကိးဂၤဒဲးလဲၤဝဲတဂၤဆူအဝ့ၢ်ဒၣ်ဝဲ, တဂၤဆူအဝ့ၢ်ဒၣ်ဝဲ, ဒ်သိးအမံၤကဘၣ်တၢ်ဆဲးလီၤအီၤန့ၣ်လီၤ.

လံာ်လူၤကၣ် 2:5

အဝဲဒၣ်လဲၤဒီးနီၢ်မၤရံလၢအဘၣ်အဲၣ်တီဒီးအီၤတဂၤ, ဒ်သိးအဝဲသ့ၣ်အမံၤကဘၣ်တၢ်ဆဲးလီၤအီၤအဂီၢ်လီၤ. နီၢ်မၤရံအိၣ်ဒီးအဟုးအသး,

လံာ်လူၤကၣ် 4:16

အန့ၣ်ဝံၤအလီၢ်ခံ, ယ့ၣ်ၡူးလဲၤဆူနစၤရ့း, တၢ်လီၢ်ဖဲအဝဲဒၣ်ဘၣ်တၢ်ကွၢ်ဒုးဒိၣ်ထီၣ်အီၤ, ဒီးဖဲမုၢ်အိၣ်ဘှံးနံၤန့ၣ် အဝဲဒၣ်လဲၤဝဲဒ်အညီနုၢ်အသိးဆူဘူၣ်ဘျီၣ်လၢအမ့ၢ်တၢ်ဘါလီၢ်န့ၣ်လီၤ. အဝဲဒၣ်ဂဲၤဆၢထၢၣ်ဒ်သိးအကဖးတၢ်ကွဲးအသးစီဆှံတဖၣ်,

လံာ်ယိၤဟၣ် 1:46

ဒီးစီၤနၤသန့လးသံကွၢ်ဝဲ, “တၢ်ဂ့ၤတၢ်ဝါတမံၤမံၤဟဲထီၣ်လၢ ဝ့ၢ်နစၤရ့းအပူၤဘၣ်ကသ့စ့ၢ်ကီးဧါ.” စီၤဖံလံးပူးစံးဆၢဝဲ, “ဟဲဒီးကွၢ်တက့ၢ်.”

လံာ်ယိၤဟၣ် 7:42

တၢ်ကွဲးအသးစံးဝဲဒၣ်လၢခရံာ်ကမ့ၢ်ပှၤဟဲလီၤစၢၤလၢ စီၤပၤဒၤဝံးဒီးကအိၣ်ဖျဲၣ်ထီၣ်လၢဝ့ၢ်ဘ့ၤသလ့ဃ့ၣ်, ဝ့ၢ်လၢစီၤပၤဒၤဝံးအိၣ်ဝဲန့ၣ်လီၤ.”

လံာ်နီၢ်ရူၤသး 1:19

အဝဲသ့ၣ်ခံဂၤလဲၤသကိးတၢ်တုၤအလဲၤတုၤဝ့ၢ်ဘ့ၤသလ့ဃ့ၣ်န့ၣ် လီၤ. ဖဲအလဲၤတုၤဝဲန့ၣ်, ပှၤဝ့ၢ်ဖိခဲလၢာ်အိၣ်ဒီးတၢ်သူၣ်ပိၢ်သးဝးန့ၣ်လီၤ. ဒီးပှၤပိာ်မုၣ်တဖၣ်စံးဝဲ, “အဝဲအံၤမ့ၢ်နီၢ်နၤဧမံန့ၣ်ဧါ.”

လံာ်နီၢ်ရူၤသး 2:4

တယံာ်ဘၣ်ဒီး, စီၤဘိၤဧးအနီၢ်ကစၢ်ဒၣ်ဝဲဟဲတုၤဝဲ, လၢဝ့ၢ်ဘ့ၤသလ့ဃ့ၣ်ဒီးကတိၤဆၢဂ့ၤဆၢဝါပှၤကူးဘုဖိတဖၣ် ဒီးစံးဝဲ, “မ်ယွၤအိၣ်ဒီးသုတက့ၢ်.” ဒီးအဝဲသ့ၣ်စံးဆၢဝဲ, “မ်ယွၤဆိၣ်ဂ့ၤနၤတက့ၢ်.”

လံာ်နီၢ်ရူၤသး 4:11

တုၤနုၤတစု, ပှၤအခိၣ်အနၢ်တဖၣ်ဒီးပှၤအဂၤလၢအအိၣ်ဖဲ ဝ့ၢ်အပဲတရီခဲလၢာ်န့ၣ်စံးဝဲ, “ပမ့ၢ်ပှၤအုၣ်အသးတဖၣ်လီၤ. မ်ယွၤဒုးကဲထီၣ်ပိာ်မုၣ်လၢအကဟဲနုာ်လၢနဟံၣ်ပူၤတဂၤအံၤဒ် သိးအကလီၤဂာ်ဒီးနီၢ်ရၤဃ့လးဒီးနီၢ်လ့အၤခံဂၤလၢအဆံးစၢ် န့ၢ်ဖိလံၤအါဂၤလၢစီၤယၤကိာ်အဂီၢ်န့ၣ်တက့ၢ်. မ်နကဘီၣ်ထီၣ်ညီထီၣ်လၢအ့ဖရးသးအဒူၣ်အထၢပူၤဒီးနမံၤဟူ ထီၣ်သါလီၤလၢဝ့ၢ်ဘ့ၤသလ့ဃ့ၣ်အပူၤန့ၣ်တက့ၢ်.

လံာ်နီၢ်ရူၤသး 4:17

ဒီးပိာ်မုၣ်လၢအခိၣ်အဃၢၤတဖၣ်ယုၢ်န့ၢ်ဖိသၣ်အမံၤလၢစီၤဧိၤဘ့းလီၤ. ဒီးစံးဝဲ, “ဖိခွါတဂၤအိၣ်ဖျဲၣ်ထီၣ်လၢနီၢ်နၤဧမံအဂီၢ်လံ.” ဒီးလၢခံန့ၣ်စီၤဧိၤဘ့းကဲထီၣ်စီၤယံးၡဲအပၢ်, စီၤယံးၡဲကဲထီၣ်စီၤဒၤဝံးအပၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:1

ယွၤစံးဘၣ်စီၤၡမူၤအ့လး, “မ့ၢ်နကသးအုးလၢစီၤစီလူးအဃိ ဆူညါဆံးယံာ်လဲၣ်. ယညိကွံာ်တ့ၢ်အီၤဒ်ကီၢ်အံၣ်စရ့လး အစီၤပၤတဂၤအသိးလံ. မ့မ့ၢ်ခဲကနံၣ်အံၤဟံးန့ၢ်သ့ၣ်စၤယံးအသိတနီၤဒီးလဲၤဆူ ဝ့ၢ်ဘ့ၤသလ့ဃ့ၣ်ဆူပှၤတဂၤလၢအမံၤမ့ၢ် စီၤယံးၡဲအအိၣ်တက့ၢ်. အဂ့ၢ်ဒ်အံၤ, ယဃုထၢတ့ၢ်အဖိခွါတဖၣ်အကျါတဂၤလၢအကကဲထီၣ်စီၤပၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 16:4

စီၤၡမူၤအ့လးမၤတ့ၢ်ဝဲဒ်ယွၤစံးဘၣ်အီၤအသိး, ဒီးလဲၤဝဲဆူဝ့ၢ်ဘ့ၤသလ့ဃ့ၣ်ဖဲ, ဝ့ၢ်အခိၣ်အနၢ်တဖၣ်ထံၣ်ဘၣ်အီၤဒီးကနိး ကစုာ်ဝဲ, ဒီးသံကွၢ်အီၤ, “ပှၤထံၣ်တၢ်ဧၢ, အအံၤမ့ၢ်ဝဲတၢ်ဟဲအိၣ်သကိး လၢတၢ်ဃူတၢ်မုာ်ဧါ.”

လံာ်စီၤၡမူၤအ့လးအခီၣ်ထံးတဘ့ၣ် 17:12

စီၤဒၤဝံးမ့ၢ်, ပှၤအ့ဖရၤသးဖိလၢဝ့ၢ်ဘ့ၤသလ့ဃ့ၣ်, ကီၢ်ယူဒၤအပူၤ, စီၤယံးၡဲအဖိခွါန့ၣ်လီၤ. စီၤယံးၡဲအဖိခွါအိၣ်ဃိးဂၤဒီးဖဲစီၤစီလူးကဲစီၤပၤ န့ၣ်, စီၤယံးၡဲမ့ၢ်ပှၤသးပှၢ်တဂၤလံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:58

စီၤစီလူးသံကွၢ်အီၤ, “ပှၤသးစၢ်ဧၢ, နမ့ၢ်မတၤအဖိခွါ လဲၣ်.” စီၤဒၤဝံးစံးဆၢဝဲဒၣ်, “ယမ့ၢ်နခ့နပှၤစီၤယံးၡဲလၢဝ့ၢ်ဘ့ၤသလ့ဃ့ၣ်တခီအဖိခွါလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 20:6

နပၢ်မ့ၢ်ပာ်သူၣ်ပာ်သးလၢယတအိၣ်လၢစီၢ်နီၤခိၣ်အဃၢၤဘၣ်ဒီးတဲ ဘၣ်အီၤလၢယဃ့နၤတၢ်ပျဲဒ်သိးယကက့ၤဆူဟံၣ်ချ့ချ့လၢ ဝ့ၢ်ဘ့ၤသလ့ဃ့ၣ် န့ၣ်တက့ၢ်. မ့ၢ်ဝဲတၢ်ဆၢကတီၢ်လၢတနံၣ်တဘျီ တၢ်လုၢ်တၢ်ပာ်အကတီၢ်လၢပဝဲဒူၣ်ဖိထၢဖိဒီဒူၣ်ညါအဂီၢ်န့ၣ်လီၤ.