လံာ်လူၤကၣ် 2:39 - Sgaw Karen Common Bible

³⁹ ဖဲစီၤယိၤသးဒီးနီၢ်မၤရံမၤဝံၤတၢ်ခဲလၢာ်, ဒ်ကစၢ်အတၢ်သိၣ်တၢ်သီမၤလိာ်ဝဲအသိးလံန့ၣ်, အဝဲသ့ၣ်က့ၤကဒါက့ၤဆူအလီၢ်အိၣ်လီၢ်ဆိး, ဝ့ၢ်နစၤရ့းအိၣ်လၢကီၢ်ကၤလံၤလါအပူၤန့ၣ်လီၤ.

လံာ်လူၤကၣ် 2:39 Iomraidhean Croise

လံာ်မးသဲ 3:15

ဘၣ်ဆၣ်ဒီးယ့ၣ်ၡူးစံးဆၢအီၤ, “မ့မ့ၢ်ဘျီအဝဲအံၤ မ်နသုတဂ့ၢ်လိာ်ယၤတဂ့ၤ. အဂ့ၢ်ဒ်အံၤ, ခီဖျိတၢ်အံၤန့ၣ်ပကမၤလၢပှဲၤထီၣ်ကစၢ်ယွၤအတၢ် အဲၣ်ဒိးခဲလၢာ်လီၤ.” ဒီးစီၤယိၤဟၣ်အၢၣ်လီၤထွဲအခံလီၤ.

လံာ်လူၤကၣ် 1:26

ဖဲနီၢ်အ့းလံၤစါဘ့းအိၣ်ဒီးအဟုးအသးပှဲၤထီၣ်ဃုလါတလါန့ၣ်, ယွၤဆှၢလီၤကလူးကၤဘြံၤအ့လး ဆူဝ့ၢ်တဖျၢၣ်လၢအမံၤမ့ၢ်နစၤရ့း အိၣ်ဝဲဖဲကီၢ်ကၤလံၤလါန့ၣ်လီၤ.

လံာ်လူၤကၣ် 1:6

အဝဲသ့ၣ်ခံဂၤလၢာ်အိၣ်မူတၢ်အိၣ်မူလၢအဂ့ၤအဝါလၢကစၢ် ယွၤအမဲာ်ညါဒီးစူၢ်ကစၢ်ယွၤအတၢ်သိၣ်တၢ်သီဒီး အတၢ်မၤလိာ်တဖၣ်လၢလၢပှဲၤပှဲၤလီၤ.

လံာ်လူၤကၣ် 2:4

စီၤယိၤသးဟးထီၣ်ဝဲဖဲဝ့ၢ်နစၤရ့းလၢကီၢ်ကၤလံၤလါ, ဒီးလဲၤဝဲဆူဝ့ၢ်ဘ့ၤသလ့ဃ့ၣ်လၢကီၢ်ယူဒၤ, ဝ့ၢ်လၢအမ့ၢ်ဝဲစီၤပၤဒၤဝံးအိၣ်ဖျဲၣ်ထီၣ်အလီၢ်လီၤ. စီၤယိၤသးလဲၤဝဲဖဲန့ၣ်, မ့ၢ်လၢအဝဲမ့ၢ်စီၤဒၤဝံးအစၢၤအသွဲၣ်တဂၤအဃိန့ၣ်လီၤ.

လံာ်လူၤကၣ် 2:51

မၤသးဒ်န့ၣ်ဒီးယ့ၣ်ၡူးက့ၤကဒါက့ၤဒီးအဝဲသ့ၣ်ဆူဝ့ၢ်နစၤရ့းဒီးဖဲန့ၣ် အဝဲဒၣ်စူၢ်အဝဲသ့ၣ်အကလုၢ်လီၤ. တၢ်ဂ့ၢ်တၢ်ကျိၤသ့ၣ်တဖၣ်အံၤခဲလၢာ် န့ၣ်အဝဲဒၣ်အမိၢ်တိၢ်နီၣ်ဃာ်ဝဲလၢအသးကံၢ်ပူၤလီၤ.

လံာ်လူၤကၣ် 4:16

အန့ၣ်ဝံၤအလီၢ်ခံ, ယ့ၣ်ၡူးလဲၤဆူနစၤရ့း, တၢ်လီၢ်ဖဲအဝဲဒၣ်ဘၣ်တၢ်ကွၢ်ဒုးဒိၣ်ထီၣ်အီၤ, ဒီးဖဲမုၢ်အိၣ်ဘှံးနံၤန့ၣ် အဝဲဒၣ်လဲၤဝဲဒ်အညီနုၢ်အသိးဆူဘူၣ်ဘျီၣ်လၢအမ့ၢ်တၢ်ဘါလီၢ်န့ၣ်လီၤ. အဝဲဒၣ်ဂဲၤဆၢထၢၣ်ဒ်သိးအကဖးတၢ်ကွဲးအသးစီဆှံတဖၣ်,

လံာ်လူၤကၣ် 4:23

အဝဲဒၣ်စံးဘၣ်အဝဲသ့ၣ်, “ယနာ်သပှၢ်ကတၢၢ်လၢ သုကတဲယၤလၢတၢ်ကတိၤဒိတထံၣ်အံၤလီၤ. ‘ကသံၣ်သရၣ်ဧၢ, မၤဘျါလီၤက့ၤနသးဒၣ်နဲတက့ၢ်.’ သုကစံးဘၣ်စ့ၢ်ကီးယၤ, ‘တၢ်တမံၤဃီလၢပဘၣ်တၢ်စံးဘၣ်တဲဘၣ်ပှၤလၢအမၤ အသးဖဲကပ့းရနီၣ်တဖၣ်န့ၣ်, မၤအီၤဖဲအံၤလၢနလီၢ်အိၣ်လီၢ်ဆိး နဝ့ၢ်ဒၣ်နဲအပူၤတက့ၢ်’ န့ၣ်လီၤ.”

လံာ်သိၣ်လီၤသီလီၤတၢ် 12:32

ကယဲၢ်တၢ်လၢယမၤလိာ်တ့ၢ်သုခဲလၢာ်န့ၣ်မၤအီၤတက့ၢ်. ဒီးမၤအါထီၣ်အီၤနီတမံၤတဂ့ၤ. ဒီးထုးကွံာ်တၢ်လၢအီၤနီတမံၤတဂ့ၤ.