လံာ်လူၤကၣ် 2:37 - Sgaw Karen Common Bible

³⁷ ဒီးခဲကနံၣ်အံၤအဝဲဒၣ်အသးအိၣ်ဝဲဃိးဆံလွံၢ်နံၣ်လီၤ. အဝဲတဟးဖးဒီးတၢ်လုၢ်ဟံၣ်နီတစုဘၣ်. အဝဲဘူၣ်ယွၤဘါယွၤ, အိၣ်ဒီးတၢ်ဒုၣ်တၢ်အီၣ်တၢ်အီဒီးတၢ်ဃ့ဘါထုကဖၣ်တၢ်လၢ မုၢ်ဆါဆဲးလၢမုၢ်နၤလီၤ.

လံာ်လူၤကၣ် 2:37 Iomraidhean Croise

စံးထီၣ်ပတြၢၤ 22:2

ယကစၢ်ယွၤဧၢ, ယကိးထီၣ်နၤလၢမုၢ်ဆါ, ဘၣ်ဆၣ်နတစံးဆၢယၤဘၣ်. ဒီးယကိးထီၣ်လၢမုၢ်နၤ, ဘၣ်ဆၣ်ယတဒိးန့ၢ်ဘၣ်တၢ်မၤမုာ်ယၤဘၣ်.

စံးထီၣ်ပတြၢၤ 23:6

ထဲတၢ်ဂ့ၤ, ဒီးတၢ်ဘျုးတၢ်ဖှိၣ်န့ၣ် ကလူၤပိာ်ယခံတစိၤဒၣ်ယၤ, ဒီးယကအိၣ်ကဆိးလၢ ယွၤအဟံၣ်လီၤစိၤလီၤထီလီၤ. စ့လၤ

စံးထီၣ်ပတြၢၤ 27:4

ယဃ့တ့ၢ်ယွၤလၢတၢ်တမံၤအဂီၢ်, ယဆၢန့ၢ်ဘၣ်ထဲတၢ်တမံၤဧိၤ, ဒ်သိးယကအိၣ်ကဆိးဘၣ်လၢယွၤအဟံၣ်ပူၤတစိၤဒၣ်ယၤ, လၢယကထံၣ်ဘၣ်ယွၤအတၢ်ဂ့ၤတၢ်ဝါ ဒီးဃ့န့ၢ်ယွၤအတၢ်ပၢတၢ်ဆှၢန့ၣ်လီၤ.

စံးထီၣ်ပတြၢၤ 84:10

အဂ့ၢ်ဒ်အံၤ, ပအိၣ်ပဆိးလၢနဂၢၤတဖၣ်အပူၤတနံၤန့ၣ်, ဂ့ၤန့ၢ်ပအိၣ်ပဆိးလၢတၢ်လီၢ်အဂၤ အနံၤတကထိတက့ၢ်လီၤ. ယဃုထၢတၢ်ပၢၤကျဲစၢၤအလီၢ်လၢ ယကစၢ်ယွၤအဟံၣ်ပူၤန့ၣ် ဂ့ၤဒိၣ်န့ၢ် ယအိၣ်ယဆိးလၢပှၤတတီတလိၤ အဟံၣ်တဖၣ်အပူၤတက့ၢ်လီၤ.

စံးထီၣ်ပတြၢၤ 84:4

ပှၤလၢအအိၣ်ဝဲဆိးဝဲလၢနတၢ်လုၢ်ဟံၣ်ပူၤဒီး ထီဘိသးဝံၣ်စံးထီၣ်ပတြၢၤနၤန့ၣ် ဘၣ်ဆိၣ်ဂ့ၤဝဲလီၤ. စ့လၤ

စံးထီၣ်ပတြၢၤ 92:13

အဝဲသ့ၣ်လီၤဂာ်ဒ် သ့ၣ်တဖၣ်လၢအဘၣ်တၢ်သူၣ်လီၤအီၤလၢ ယွၤအဟံၣ်ပူၤအသိး လၢအဂုၤထီၣ်ပသီထီၣ်လၢ ပကစၢ်ယွၤအတၢ်လုၢ်ဟံၣ်အပူၤအသိး,

လံာ်တၢ်ဟးထီၣ်ကွံာ် 38:8

အဝဲမၤသရာ်ဒီးအခီၣ်လၢတိၢ်ဘီဖဲမဲာ်ထံကလၤတဖၣ်လၢအဘၣ်ဃး ဒီးပိာ်မုၣ်တဖၣ်လၢအမၤတၢ်ဖဲယွၤအိၣ်ဝဲဆိးဝဲအဒဲစီဆှံ အကျဲစၢၤထံးအချၢန့ၣ်လီၤ.

လံာ်လူၤကၣ် 5:33

ပှၤတနီၤစံးဘၣ်ယ့ၣ်ၡူး, “စီၤယိၤဟၣ်အပျဲၢ်အဘီၣ်တဖၣ်ဒုၣ်တၢ်အီၣ်ဒီး ဃ့ဘါထုကဖၣ်တၢ်တလီၢ်လီၢ်, ဒီးပှၤဖၤရံၤၡဲအပျဲၢ်အဘီၣ်တဖၣ်မၤဝဲဒ်န့ၣ်အသိးစ့ၢ်ကီးလီၤ. မ့မ့ၢ်နဲနပျဲၢ်နဘီၣ်တဖၣ်အီၣ်တၢ်ဒီးအီတၢ်လီၤ.”

မၤတၢ် 13:3

အဝဲသ့ၣ်ဒုၣ်တၢ်အီၣ်တၢ်အီဒီးဃ့ဘါထုကဖၣ်တၢ်ဝံၤ အလီၢ်ခံ, ပာ်ထီၣ်အစုလၢစီၤဘၢ်နါဘၤဒီးစီၤစီလူးအလိၤဝံၤဒီး, မၢလီၤအဝဲသ့ၣ်လီၤ.

မၤတၢ် 14:23

လၢတၢ်အိၣ်ဖှိၣ်တဖုဘၣ်တဖုအပူၤန့ၣ်, အဝဲသ့ၣ်ဃုထၢထီၣ်သူၣ်က့သးပှၢ်တဖၣ်, ဒီးလၢတၢ်ထုကဖၣ်ဒီးတၢ်ဒုၣ်တၢ်အီၣ်အပူၤ, အဝဲသ့ၣ်ဟ့ၣ်လီၤအးလီၤပှၤတဖၣ်န့ၣ်ဆူကစၢ်လၢအဝဲသ့ၣ်သူၣ်လီၤ အတၢ်စူၢ်တၢ်နာ်လၢအပူၤတဂၤအစုပူၤန့ၣ်လီၤ.

မၤတၢ် 26:7

မ့ၢ်တၢ်စံးပာ်တမံၤဃီလၢပပှၤကလုာ်တဆံခံဒူၣ်လၢာ်, လၢအဘူၣ်ထီၣ်ဘါထီၣ်ကစၢ်ယွၤလၢမုၢ်ဆါဒီးမုၢ်နၤ, မုၢ်လၢ်ဝဲန့ၣ်လီၤ. ကစၢ်စီၤပၤဧၢ, ပှၤယူဒၤဖိတဖၣ်ပာ် တၢ်ကမၣ်လၢယလိၤန့ၣ်, မ့ၢ်ဒၣ်လၢတၢ်မုၢ်လၢ်တမံၤအံၤအဃိလီၤ.

၁ တံၤမသ့း 5:5

မုၣ်ကမဲနီၢ်နီၢ်လၢပှၤအံးထွဲကွၢ်ထွဲအီၤတအိၣ်တဂၤန့ၣ်, ပာ်လီၤအတၢ်မုၢ်လၢ်လၢကစၢ်ယွၤအပူၤဒီးဘါထုကဖၣ် တၢ်တထံၣ်ဃီဒီးဃ့ကညးယွၤလၢကမၤစၢၤအီၤ, လၢမုၢ်ဆါဆဲးလၢမုၢ်နၤန့ၣ်လီၤ.

လံာ်လီၣ်ဖျါ 3:12

ပှၤလၢအမၤနၢၤတၢ်န့ၣ်, ယကဒုးကဲအီၤဟံၣ်ထူၣ်တထူၣ်လၢယကစၢ်ယွၤအတၢ်လုၢ်ဟံၣ် အပူၤ, ဒီးအဝဲဒၣ်တဟးထီၣ်လၢအပူၤနီတစုဘၣ်လီၤ. လၢအဝဲဒၣ်အလိၤန့ၣ်ယကကွဲးလီၤယကစၢ်ယွၤအမံၤ, ဒီး ယကစၢ်ယွၤအဝ့ၢ်အမံၤ, ဝ့ၢ်ယရူၤၡလ့ၣ်အသီတဖျၢၣ်လၢ အကဟဲလီၤလၢမူခိၣ်လၢယကစၢ်ယွၤအအိၣ်န့ၣ်လီၤ. ယကကွဲးလီၤစ့ၢ်ကီးယမံၤအသီတဖျၢၣ်လၢအဝဲဒၣ်အလိၤန့ၣ်လီၤ.

လံာ်လီၣ်ဖျါ 7:15

လၢတၢ်န့ၣ်အဃိ, အဝဲသ့ၣ်အိၣ်ဆၢထၢၣ်ဝဲလၢကစၢ်ယွၤ အလီၢ်ပစိာ်အမဲာ်ညါဒီးမၤအဝဲဒၣ်အတၢ်မၤမုၢ်ဆါမုၢ်နၤလၢ အဝဲဒၣ်အတၢ်လုၢ်ဟံၣ်အပူၤလီၤ. ပှၤလၢအဆ့ၣ်နီၤဝဲလၢလီၢ် ပစိာ်အလိၤတဂၤန့ၣ်, ကကဟုကယာ်အဝဲသ့ၣ်ခီဖျိအဝဲဒၣ်အတၢ်အိၣ်ဒီးအဝဲသ့ၣ် န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:2

ပှၤစီဆှံဒ်ယွၤတအိၣ်ဝဲနီတဂၤဘၣ်. ပှၤလီၤဂာ်ဒီးအီၤတအိၣ်နီတဂၤဘၣ်. ပှၤဒီဒၣ်အိၣ်ပှိၤပှၤဒ်ပကစၢ်ယွၤတအိၣ်ဘၣ်.