လံာ်လူၤကၣ် 2:32 - Sgaw Karen Common Bible

³² တၢ်ကပီၤတဖျၢၣ်လၢအကလီၣ်ဖျါထီၣ် နတၢ်ဘၣ်နသးဆူပှၤကလုာ်ဂၤတဖၣ်, ဒီးဟဲစိာ်တၢ်လၤကပီၤဆူ နပှၤဂီၢ်မုၢ်အံၣ်စရ့လးအအိၣ်န့ၣ်လီၤ.”

လံာ်လူၤကၣ် 2:32 Iomraidhean Croise

စံးထီၣ်ပတြၢၤ 85:9

မ့ၢ်မးအတၢ်အုၣ်က့ၤခီၣ်က့ၤန့ၣ် အိၣ်ဘူးဒီးပှၤလၢအပျံၤအီၤ, ဒ်သိးတၢ်လၤတၢ်ကပီၤကအိၣ်ကဆိးလၢ ပကီၢ်အပူၤန့ၣ်လီၤ.

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယၡါယၤ 4:2

တၢ်ဆၢကတီၢ်ဟဲဝဲဖဲယွၤကပျဲတၢ်မုၢ်တၢ်ဘိဒီးသ့ၣ်ကိးထံးဒဲး လၢကီၢ်ပူၤကဒိၣ်ထီၣ်ဒီးဃံလၤဝဲလီၤ. ကယဲၢ်ပှၤအံၣ်စရ့လးဖိခဲလၢာ်လၢအမူဒံးတဖၣ်ကသူၣ်မုာ်သးခုဝဲ ဒီးပာ်ကဖၢလၢအသးလၢဟီၣ်ခိၣ်ဟ့ၣ်ထီၣ်ဝဲအတၤသူတၤသၣ် တဖၣ်အဃိလီၤ.

လံာ်ယၡါယၤ 45:25

ယၤ, ယွၤအံၤ, ကမၤပူၤဖျဲးစီၤယၤကိာ်အစၢၤအသွဲၣ်ခဲလၢာ် ဒီးအဝဲသ့ၣ်ကဟ့ၣ်ယၤတၢ်စံးထီၣ်ပတြၢၤန့ၣ်လီၤ.”

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယၡါယၤ 49:9

ယကစံးဘၣ်ပှၤဘၣ်တၢ်စၢဃာ်လၢဃိာ်ပူၤတဖၣ်, ဟးထီၣ်လၢတၢ်သဘျ့အပူၤတက့ၢ်, ဒီးပှၤအိၣ်လၢတၢ်ခံးကျါတဖၣ်, ဟဲထီၣ်ဆူတၢ်ကပီၤအပူၤတက့ၢ်. အဝဲသ့ၣ်ကလီၤဂာ်ဒ်သိတဖၣ်လၢအအီၣ်အဆၣ်လၢတၢ်လူၢ်တဖၣ် အလိၤအသိးန့ၣ်လီၤ.

လံာ်ယၡါယၤ 51:4

ဒိကနၣ်ယၤ, ယပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယစံးဘၣ်သုတက့ၢ်. ယဟ့ၣ်ယတၢ်သိၣ်လိဆူပှၤကလုာ်တဖၣ်ဒီး ယတၢ်သိၣ်တၢ်သီတဖၣ်ကဟဲစိာ်န့ၢ်အဝဲသ့ၣ် လၢတၢ်ကပီၤလီၤ.

လံာ်ယၡါယၤ 60:19

မုၢ်တမ့ၢ်လၢၤနတၢ်ကပီၤလၢမုၢ်ဆါမ့ၢ်ဂ့ၤ, လါတမ့ၢ်လၢၤနတၢ်ကပီၤလၢမုၢ်နၤခီမ့ၢ်ဂ့ၤလၢၤဘၣ်. ယၤ, ယွၤအံၤ, ကမ့ၢ်နတၢ်ကပီၤအထူအယိာ်, ဒီးယလၤကပီၤအတၢ်ကပီၤန့ၣ် ကကပီၤထီၣ်လၢနဖီခိၣ်လီၤ.

လံာ်ယၡါယၤ 9:2

ပှၤလၢအဟးတ့ၢ်ဝဲလၢတၢ်ခံးတၢ်နၤအပူၤတဖၣ် ထံၣ်တ့ၢ်တၢ်ကပီၤဖးဒိၣ်လီၤ. အဝဲသ့ၣ်အိၣ်မူတ့ၢ်ဝဲလၢကီၢ်လၢအပှဲၤဒီးတၢ်ကဒုတဖၣ်, ဘၣ်ဆၣ်ဒီးအခဲအံၤတၢ်ကပီၤဆဲးလီၤဘၣ်အဝဲသ့ၣ်လီၤ.

လံာ်ယံးရမံယၤ 2:11

ပှၤကလုာ်အဂၤလၢအကစၢ်တဖၣ်တမ့ၢ်ဘၣ် ကစၢ်နီၢ်နီၢ်ဒၣ်လဲာ် တလဲလိာ်တ့ၢ်ဝဲဒ်သိးအံၤနီတကလုာ်နီတစုဘၣ်. ဘၣ်ဆၣ်ဒီးယပှၤဂီၢ်မုၢ်ခီလဲလိာ်ယၤ, ကစၢ်ယွၤတဂၤလၢအဟဲစိာ်န့ၢ်အဝဲသ့ၣ်တၢ်လၤကပီၤန့ၣ်, ဒီးကစၢ်တဖၣ်လၢအမၤတၢ်လၢအဝဲသ့ၣ်အဂီၢ် တသ့နီတမံၤဘၣ်န့ၣ်လီၤ.

လံာ်စကၤရယၤ 2:5

ယွၤအၢၣ်လီၤတ့ၢ်ဝဲလၢအကစၢ်ဒၣ်ဝဲကမ့ၢ်ဝ့ၢ်ခိၣ်ဒူမ့ၣ်အူ တခါလၢအအိၣ်ဝးတရံးဝ့ၢ်န့ၣ်လၢကအိၣ်ပှိၤဒီဒၣ် အီၤဒီးအဝဲကအိၣ်ဆိးဖဲန့ၣ်လၢအတၢ်လၤကပီၤခဲလၢာ်အပူၤန့ၣ်လီၤ.”

လံာ်မးသဲ 4:16

ပှၤတဖၣ်လၢအအိၣ်ဆိးလၢတၢ်ခံးကျါ ထံၣ်ဘၣ်တၢ်ကပီၤဖးဒိၣ်လံ. တၢ်ကပီၤထီၣ်လၢပှၤတဖၣ်လၢအအိၣ်ဝဲလၢ တၢ်သံအကီၢ်အဂီၢ်လံ” (ၡါ. ၉:၁-၂).

လံာ်လူၤကၣ် 2:10

ဘၣ်ဆၣ်ဒီးကလူးန့ၣ်စံးဘၣ်အီၤ, “ပျံၤတၢ်တဂ့ၤ. ယဟဲဖဲအံၤ, အိၣ်ဒီးတၢ်ကစီၣ်အမုာ်လၢသုဂီၢ်, လၢအကဟဲစိာ်တၢ်သးခုအဒိၣ်အအါလၢပှၤကိးကလုာ်ဒဲး အဂီၢ်လီၤ.

လံာ်လူၤကၣ် 2:31

လၢနကတဲာ်ကတီၤပာ်တ့ၢ်နဲလၢ ပှၤကိးကလုာ်ဒဲးအမဲာ်ညါ,

မၤတၢ် 26:23

လၢခရံာ်ကဘၣ်တူၢ်တၢ်ဒီးကဲထီၣ်ပှၤအဆိကတၢၢ်တဂၤလၢ အကဂဲၤဆၢထၢၣ်သမူထီၣ်က့ၤ, ပှၤလၢအကဘိးဘၣ်သ့ၣ်ညါပှၤယူဒၤဖိဒီးပှၤကလုာ်ဂၤ တဖၣ်လၢတၢ်ကပီၤဘၣ်ဃးဒီးတၢ်အုၣ်က့ၤခီၣ်က့ၤအဂ့ၢ်န့ၣ်လီၤ.”

မၤတၢ် 28:28

လၢတၢ်န့ၣ်အဃိသုကဘၣ်သ့ၣ်ညါဒ်အံၤ, ကစၢ်ယွၤအတၢ်ကစီၣ်ဘၣ်ဃးတၢ်အုၣ်က့ၤခီၣ်က့ၤန့ၣ်, ဘၣ်တၢ်ဆှၢလံအီၤဆူပှၤကလုာ်ဂၤတဖၣ်အအိၣ်လံ. အဝဲသ့ၣ်ကဒိကနၣ်တၢ်လီၤ.”

1 ကရံၣ်သူး 1:31

လၢတၢ်န့ၣ်အဃိ, ဒ်တၢ်ကွဲးအသးစီဆှံစံးဝဲအသိးန့ၣ် “ပှၤတဂၤလၢ်လၢ်လၢအအဲၣ်ဒိးကတိၤဒိၣ်ကတိၤသွါတၢ်န့ၣ် ကဘၣ်ကတိၤဒိၣ်ကတိၤသွါတၢ်ဘၣ်ဃးတၢ်လၢကစၢ်မၤတ့ၢ်ဝဲန့ၣ် လီၤ.”

လံာ်လီၣ်ဖျါ 21:23

ဝ့ၢ်န့ၣ်တလိၣ်ဘၣ်မုၢ်မ့ၢ်ဂ့ၤ, လါမ့ၢ်ဂ့ၤ, လၢအကကပီၤလီၤလၢ အလိၤအဂီၢ်ဘၣ်. အဂ့ၢ်ဒ်အံၤ, ကစၢ်ယွၤအလၤကပီၤကပီၤလီၤ လၢအလိၤ, ဒီးအမ့ၣ်အူဒၢန့ၣ်မ့ၢ်ဝဲသိဖိတဒုန့ၣ်လီၤ.