လံာ်လူၤကၣ် 2:29 - Sgaw Karen Common Bible

²⁹ “ခဲကနံၣ်အံၤ, ကစၢ်ဧၢ, နမၤလၢထီၣ်ပှဲၤထီၣ်လံ နတၢ်အၢၣ်လီၤအီလီၤသတးဒီး, ပျၢ်ကွံာ်နခ့နပှၤမုာ်မုာ်တက့ၢ်.

လံာ်လူၤကၣ် 2:29 Iomraidhean Croise

လံာ်တၢ်ကဲထီၣ်အခီၣ်ထံး 15:15

နနီၢ်ကစၢ်ဒၣ်နဲနကအိၣ်ကၢအိၣ်ခိးတုၤနသးပှၢ်တုာ်, နကသံဘၣ်မုာ်မုာ်ခုၣ်ခုၣ်ဒီးနကဘၣ်တၢ်ခူၣ်လီၤကွံာ်နၤန့ၣ်လီၤ.

လံာ်တၢ်ကဲထီၣ်အခီၣ်ထံး 46:30

စီၤယၤကိာ်စံးဘၣ်စီၤယိၤသး, “ခဲကနံၣ်အံၤမ့ၢ်ယထံၣ်ဘၣ်နၤ ဒီးသ့ၣ်ညါလၢနအိၣ်မူအိၣ်ဂဲၤဒံးအဃိ, ယသံယသးမုာ်လံ.”

စံးထီၣ်ပတြၢၤ 37:37

ကွၢ်, ပှၤလၢအတၢ်ကမၣ်တအိၣ်, ဒီးကွၢ်ပှၤလၢအသူၣ်တီသးလိၤန့ၣ်တက့ၢ်. အဂ့ၢ်ဒ်အံၤ, ပှၤလၢအမၤဃူမၤဖိးတၢ်န့ၣ်, အိၣ်ဒီးအတၢ်လီၤစၢၤလီၤသွဲၣ်န့ၣ်လီၤ.

လံာ်လူၤကၣ် 2:26

ဒီးဒုးနဲၣ်အီၤလၢ, တချုးအဝဲဒၣ်ထံၣ်ဘၣ်ခရံာ်လၢ ကစၢ်စံးပာ်တ့ၢ်လၢအဂ့ၢ်တဂၤဒံးဘၣ်န့ၣ်ဒီး, အဝဲတသံဒံးဘၣ်န့ၣ်လီၤ.

လံာ်လူၤကၣ် 2:28

စီၤစူၤမ့းအိၣ်စိာ်ထီၣ်ဖိသၣ်လၢအစုလိၤဒီးစံးထီၣ်ပတြၢၤကစၢ်ယွၤ ဒ်အံၤလီၤ.

ဖံလံးပံၤ 1:23

ယဘၣ်တၢ်ဆီၣ်သနံးယၤလၢတၢ်ခံမံၤအဘၢၣ်စၢၤလီၤ. ယသးအိၣ်ဒိၣ်မးလၢယကပာ်တီၢ်တၢ်အိၣ်မူအံၤဒီးက့ၤအိၣ်မူဘၣ် ဒီးခရံာ်လီၤ. အန့ၣ်မ့ၢ်တၢ်လၢအဂ့ၤဒိၣ်ဒၣ်တၢ်တက့ၢ်လီၤ.

လံာ်လီၣ်ဖျါ 14:13

အန့ၣ်ဝံၤဒီး, ယနၢ်ဟူတၢ်ကလုၢ်သီၣ်လၢမူခိၣ်ဒီးစံးဝဲ, “ကွဲးတၢ်ဒ်အံၤတက့ၢ်. ပှၤသ့ၣ်တဖၣ်လၢစးထီၣ်ခဲအံၤဒီးဆူညါသံဝဲလၢတၢ်မၤ ကစၢ်အတၢ်မၤအပူၤန့ၣ်, ဘၣ်ဆိၣ်ဂ့ၤဝဲလီၤ.” ယွၤအသးစံးဆၢဝဲ, “မ့ၢ်သပှၢ်ကတၢၢ်လီၤ. အဝဲသ့ၣ်ကမုာ်လၤလၢတၢ်အိၣ်ဘှံးက့ၤလၢ အတၢ်ဖံးတၢ်မၤအဆူၣ်အကိၤန့ၣ်လီၤ. အဂ့ၢ်ဒ်အံၤ, အဝဲသ့ၣ်အတၢ်ဖံးတၢ်မၤအဘျုးအဖှိၣ်တဖၣ်ကပိာ်ထွဲအဝဲသ့ၣ် အခံန့ၣ်လီၤ.”

လံာ်လီၣ်ဖျါ 6:10

အဝဲသ့ၣ်ကိးပသူထီၣ်လၢအကလုၢ်ဖးဒိၣ်, “သ့တၢ်လၢာ်ကစၢ်လၢအစီဆှံဒီးတီဝဲလိၤဝဲ တဂၤဧၢ, နကစံၣ်ညီၣ်ပှၤလၢဟီၣ်ခိၣ်ချၢတဖၣ်ဒီးဟ့ၣ်ကၣ် အဝဲသ့ၣ်လၢအမၤသံပှၤတဖၣ်အဂီၢ်န့ၣ်, ဆၢကတီၢ် ကယံာ်ဒံးဝဲဆံးအါလဲၣ်.”