လံာ်လူၤကၣ် 2:24 - Sgaw Karen Common Bible

²⁴ အဝဲသ့ၣ်လဲၤစ့ၢ်ကီးဒ်သိးအကလုၢ်ထီၣ်ပာ်ထီၣ်ထိၣ်လွံၢ်ဘုၣ်ခံဘ့ၣ် မ့တမ့ၢ်ထိၣ်ကးက့ၣ်ဖိခံဘ့ၣ်, ဒ်ကစၢ်ယွၤအတၢ်သိၣ်တၢ်သီစံးပာ်ဝဲအသိးန့ၣ်လီၤ.

လံာ်လူၤကၣ် 2:24 Iomraidhean Croise

လံာ်တၢ်ဘူၣ်ထီၣ်ဘါထီၣ် 1:14

ဒီးပှၤတဂၤအံၤမ့ၢ်လုၢ်ထီၣ်ထိၣ်ဒ်တၢ်လုၢ်မ့ၣ်အူအသိးန့ၣ်ကဘၣ် မ့ၢ်ထိၣ်လွံၢ်ဘုၣ်, မ့တမ့ၢ်ထိၣ်ကးက့ၣ်ဖိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:11

ဘၣ်ဆၣ်ဒီးလုၢ်ထီၣ်ဝဲထိၣ်လွံၢ်ဘုၣ်ခံဘ့ၣ်မ့ၢ်ဂ့ၤ, ထိၣ်ကးက့ၣ်ခံဘ့ၣ်မ့ၢ်ဂ့ၤမ့ၢ်တန့ၢ်ဘၣ်ဒီးကဘၣ်ဟဲစိာ်ဝဲကိၣ် ကမူၣ်လၢအဂ့ၤတအ့ဖးဆံဆဲၣ်ပူတပူလၢတၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်လီၤ. တဘၣ်ဒၢနုာ်ဝဲသိမ့ၢ်ဂ့ၤ, တၢ်နၢမူမ့ၢ်ဂ့ၤဘၣ်, မ့ၢ်လၢအမ့ၢ်တၢ်လုၢ်တၢ်ပျၢ်တၢ်ဒဲးဘးဒီးတမ့ၢ်တၢ်လုၢ်ဘုဧိၤ ဟုဧိၤအဃိန့ၣ်လီၤ.

၂ ကရံၣ်သူး 8:9

သုသ့ၣ်ညါပကစၢ်ယ့ၣ်ၡူးခရံာ်အဘျုးအဖှိၣ်လီၤ. အဝဲဒၣ်ထူးတီၤဆံးအါသနာ်က့, လၢသုဃိ, လၢသုဂီၢ်အဝဲဒၣ်မၤဖှီၣ်လီၤအသးဒ်သိးအကဒုး ထူးထီၣ်တီၤထီၣ်သုခီဖျိအဝဲအတၢ်ဖှီၣ်တၢ်ယာ်န့ၣ်လီၤ.