လံာ်လူၤကၣ် 2:12 - Sgaw Karen Common Bible

¹² ဒီးတၢ်လၢအကဟ့ၣ်သုတၢ်အုၣ်အသးလၢအဂ့ၢ်န့ၣ်မ့ၢ်အအံၤလီၤ. သုကထံၣ်န့ၢ်ဖိသၣ်တဂၤဘၣ်တၢ်ဘိၣ်ဘံဃာ်အီၤလၢတၢ်ကံး ယာ်ဒီးအိၣ်မံလီၤလၢကျီၢ်အီၣ်ဆၣ်အကျိးပူၤလီၤ.”

လံာ်လူၤကၣ် 2:12 Iomraidhean Croise

လံာ်စီၤပၤခံဘ့ၣ်တဘ့ၣ် 19:29

ဝံၤဒီးစီၤယၡါယၤစံးဘၣ်စီၤပၤဃံးစကံယၤဒ်အံၤ, “အအံၤမ့ၢ်တၢ်ပနီၣ်တမံၤလၢကမၤအသးန့ၣ်လီၤ. တနံၣ်အံၤဒီးခဲကိာ်တနံၣ်သုကအီၣ်ဘၣ်ထဲဘုဧိၤဟုဧိၤလၢအမဲ ထီၣ်ဒၣ်တၢ်, မ့မ့ၢ်, နံၣ်လၢအကပိာ်ထွဲထီၣ်အခံတနံၣ်န့ၣ်သုသူၣ်လီၤသုဘု ဧိၤဟုဧိၤကသ့ဝဲဒီးကူးက့ၤအီၤ, ဒီးသူၣ်စပံးမုၢ်တဖၣ်ဒီးအီၣ်စပံးသၣ်တဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 20:8

စီၤပၤဃံးစကံယၤသံကွၢ်ဝဲဒၣ်, “တၢ်အပနီၣ်လၢကအုၣ်အသးလၢ ယွၤကမၤဘျါက့ၤယၤဒီးသၢသီဝံၤအလီၢ်ခံယလဲၤဆူယွၤအတၢ်လုၢ် ဟံၣ်ကသ့န့ၣ်, မ့ၢ်မနုၤလဲၣ်.”

စံးထီၣ်ပတြၢၤ 22:6

မ့မ့ၢ်ယဲဒၣ်အံၤယတမ့ၢ်လၢၤပှၤကညီလၢၤဘၣ်. ယမ့ၢ်ဒၣ်ထိးကလဲာ်တဘိလၢ အဘၣ်တၢ်သးဘၣ်အၢအီၤ ဒီးဘၣ်တၢ်ဒုၣ်ဒွဲၣ်လၢပှၤကိးဂၤဒဲးန့ၣ်လီၤ.

လံာ်တၢ်ဟးထီၣ်ကွံာ် 3:12

ဒီးကစၢ်ယွၤစံးဆၢအီၤ, “ယကအိၣ်ဒီးနၤလီၤ. ဒီးဖဲနထုးထီၣ်ကွံာ်ပှၤဂီၢ်မုၢ်လၢကီၢ်အဲၤကူပတူးအပူၤန့ၣ်, သုကဘူၣ်ထီၣ်ဘါထီၣ်ယၤဖဲကစၢၢ်အံၤအလိၤန့ၣ်လီၤ. တၢ်န့ၣ်ကမ့ၢ်တၢ်အုၣ်အသးလၢယမၢလီၤနၤန့ၣ်လီၤ.”

လံာ်ယၡါယၤ 7:11

“ဃ့ယွၤနကစၢ်လၢကဟ့ၣ်နၤတၢ်ပနီၣ်တမံၤတက့ၢ်. မ့ၢ်တၢ်ဟဲထီၣ်လၢတၢ်ယိာ်ပူၤလၢပှၤသံတဖၣ်အကီၢ်ပူၤ, မ့တမ့ၢ်, တၢ်ဟဲလီၤလၢမူခိၣ်တၢ်လီၢ်ထီၣ်ထီမ့ၢ်ဂ့ၤ, သ့ဝဲန့ၣ်လီၤ.”

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်လူၤကၣ် 2:13

သတူၢ်ကလာ်, မူခိၣ်ကလူးအသုးမုၢ်ဖးဒိၣ်တဖုဟဲအိၣ်ဖျါထီၣ်ဝဲလၢ ကလူးတဂၤန့ၣ်အသိး, ဒီးသးဝံၣ်စံးထီၣ်ပတြၢၤကစၢ်ယွၤဒီးစံး,

လံာ်လူၤကၣ် 2:7

အဝဲဒၣ်ဆံးစၢ်ထီၣ်အဖိခွါဝဲၢ်ကိတဂၤ, ဒီးဘိၣ်ဘံဃာ်အီၤလၢတၢ်ကံးယာ်ဒီး ပုာ်မံလီၤအီၤလၢကျီၢ်အီၣ်ဆၣ်အကျိးအပူၤလီၤ. အဂ့ၢ်ဒ်အံၤ, ဖဲပှၤသမှံၤအဘျီၣ်ပူၤန့ၣ်ဒၢးတအိၣ် ကလီလၢအဝဲသ့ၣ်အဂီၢ်နီတဖျၢၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:34

ဖဲနဖိခွါခံဂၤ, စီၤဃၤဖနံဒီးစီၤဖံၤနဃၣ်သံဝဲလၢတနံၤ ဃီအတီၢ်ပူၤန့ၣ်, တၢ်အံၤကဒုးနဲၣ်နၤလၢတၢ်ကိးမံၤဒဲးလၢယတဲ တ့ၢ်န့ၣ်မ့ၢ်ဝဲတီဝဲအဂ့ၢ်န့ၣ်လီၤ.