လံာ်လူၤကၣ် 2:1 - Sgaw Karen Common Bible

¹ ဖဲအဆၢကတီၢ်အဝဲန့ၣ်, စီၤပၤဖးဒိၣ်အီၤကူစတူးဟ့ၣ်လီၤ အကလုၢ်လၢတၢ်ကဂံၢ်ထံဖိကီၢ်ဖိလၢအအိၣ်ဝဲဆိးဝဲ သကုၤရိမ့ၤအဘီအမုၢ်အပူၤတဖၣ်ခဲလၢာ်ခီဖျိတၢ်ဆဲးလီၤ အမံၤန့ၣ်လီၤ.

လံာ်လူၤကၣ် 2:1 Iomraidhean Croise

လံာ်နီၢ်အ့ၤစတၢ် 10:1

စီၤပၤအဃၤၡဝံရိၣ်ပာ်ဆူၣ်ထီၣ်တၢ်မၢဆူၣ်မၢစိးအတၢ်မၤတဖၣ်လၢ ပှၤဂီၢ်မုၢ်လၢအအိၣ်လၢအဘီအမုၢ်အပီၣ်လဲၣ်ကၢၢ်နံၤလီၢ်ကဝီၤတဖၣ် အလိၤဒီးဒ်န့ၣ်အသိးလၢပှၤအိၣ်လၢကီၢ်အသးကံၢ်ပူၤတဖၣ်အလိၤ န့ၣ်လီၤ.

လံာ်မးသဲ 22:17

လၢတၢ်န့ၣ်အဃိ, ပဟ့ၣ်ရိမ့ၤအစီၤပၤဖးဒိၣ်လၢတၢ်ခိတၢ်သွဲ န့ၣ်, မ့ၢ်တၢ်လၢအထီဒါပတၢ်သိၣ်တၢ်သီဧါ. တထီဒါလဲၣ်န့ၣ်, စံးဘၣ်တဲဘၣ်ပှၤလၢနတၢ်ပာ်နသးတက့ၢ်.”

လံာ်မးသဲ 24:14

ဒီးတၢ်သးခုအကစီၣ်ဘၣ်ဃးဒီးဘီမုၢ်အံၤ, ကဘၣ်တၢ်စံၣ်တဲၤတဲလီၤအီၤသကုၤဟီၣ်ခိၣ်ချၢ, ဒ်သိးကကဲထီၣ်တၢ်အုၣ်အသးလၢပှၤဟီၣ်ခိၣ်ဖိခဲလၢာ်အဂီၢ်လီၤ. တုၤနုၤတစု, တၢ်အစိၤကကတၢၢ်ဝဲလီၤ.

လံာ်မၢ်ကူး 14:9

ယစံးဘၣ်သုသပှၢ်ကတၢၢ်လီၤ. လၢဟီၣ်ခိၣ်ဒီဘ့ၣ်တၢ်လီၢ်တပူၤ လၢ်လၢ်ဖဲပှၤစံၣ်တဲၤတဲလီၤတၢ်သးခုအကစီၣ်န့ၣ်, ပှၤကစံးကတိၤစ့ၢ်ကီးတၢ်လၢပိာ်မုၣ်တဂၤအံၤမၤတ့ၢ်ဝဲအဂ့ၢ်, လၢတၢ်ကသ့ၣ်နီၣ်ထီၣ်က့ၤအီၤအဂီၢ်န့ၣ်လီၤ.”

လံာ်မၢ်ကူး 16:15

အဝဲဒၣ်စံးဘၣ်အဝဲသ့ၣ်, “လဲၤသုဝဲလၢဟီၣ်ခိၣ်ဒီဘ့ၣ်ညါဒီးစံၣ်တဲၤတဲလီၤတၢ်သးခု အကစီၣ်လၢပှၤကညီခဲလၢာ်န့ၣ်တက့ၢ်.

လံာ်လူၤကၣ် 2:3

ဖဲန့ၣ်, ပှၤကိးဂၤဒဲးလဲၤဝဲတဂၤဆူအဝ့ၢ်ဒၣ်ဝဲ, တဂၤဆူအဝ့ၢ်ဒၣ်ဝဲ, ဒ်သိးအမံၤကဘၣ်တၢ်ဆဲးလီၤအီၤန့ၣ်လီၤ.

လံာ်လူၤကၣ် 2:5

အဝဲဒၣ်လဲၤဒီးနီၢ်မၤရံလၢအဘၣ်အဲၣ်တီဒီးအီၤတဂၤ, ဒ်သိးအဝဲသ့ၣ်အမံၤကဘၣ်တၢ်ဆဲးလီၤအီၤအဂီၢ်လီၤ. နီၢ်မၤရံအိၣ်ဒီးအဟုးအသး,

လံာ်လူၤကၣ် 3:1

အဆၢကတီၢ်မ့ၢ်ဝဲဖဲစီၤပၤဖးဒိၣ်တံၤဘ့းရံပၢတၢ်ပှဲၤထီၣ် တဆံယဲၢ်နံၣ်တနံၣ်, ဖဲစီၤပီၣ်တံၤပံၤလးမ့ၢ်ကီၢ်ယူဒၤအပဒိၣ်ဖးဒိၣ်, စီၤဟ့ၤရိာ်မ့ၢ်ကီၢ်ကၤလံၤလါအပဒိၣ်, ဒီးအဒီပုၢ်ဝဲၢ်စီၤဖံလံးပူးမ့ၢ်ကီၢ်ယတူၢ် ဒီးကီၢ်တြဃိၤန့တံၤအပဒိၣ်, စီၤလူၤစၤနံမ့ၢ်ကီၢ်အဘ့ၤလ့ၣ်အပဒိၣ်,

မၤတၢ် 11:28

အဝဲသ့ၣ်အကျါတဂၤလၢအမံၤမ့ၢ် စီၤအကၤဘူးန့ၣ်ဂဲၤဆၢထၢၣ်, ဒီးစံးဆိပာ်တၢ်ခီဖျိယွၤအသးအစိကမီၤလၢတၢ်သၣ်ဝံၤလီၤဒိဖးဒိၣ် ကတုၤအိၣ်လၢဟီၣ်ခိၣ်ဒီဘ့ၣ်ညါန့ၣ်လီၤ. (အဝဲအံၤတုၤအိၣ်ဝဲဖဲစီၤကျီၤဒံကဲစီၤပၤဖးဒိၣ်အဆၢကတီၢ် န့ၣ်လီၤ.)

မၤတၢ် 25:11

ယမ့ၢ်လုၣ်သ့ၣ်ခါပတာ်ဘၣ်ထံကီၢ်အတၢ်သိၣ်တၢ်သီဒီးမၤတၢ် တမံၤမံၤလၢအကြၢးဒီးတၢ်စံၣ်ညီၣ်သံန့ၣ်, ယတဃ့လၢယကပူၤ ဖျဲးဘၣ်. ဘၣ်ဆၣ်ဒီးတၢ်လၢအဝဲသ့ၣ်ပာ်ဖျါထီဒါယၤ တဖၣ်မ့ၢ်တတီတလိၤဘၣ်ဒီး, ပှၤဟ့ၣ်လီၤယၤဆူအဝဲသ့ၣ်အစုပူၤတသ့နီတဂၤဘၣ်. ယပတံထီၣ်တၢ်ဆူစီၤပၤဖးဒိၣ်အအိၣ်လီၤ.”

မၤတၢ် 25:21

ဘၣ်ဆၣ်ဒီးစီၤပီလူးပတံထီၣ်တၢ်ဒီးဃ့ဝဲလၢအကဘၣ် တၢ်ပာ်ထီဃာ်ဒံးအီၤလၢတၢ်ဒုးဃာ်အပူၤဒီးပျဲစီၤပၤ ဖးဒိၣ်စံၣ်ညီၣ်အတၢ်ဂ့ၢ်လီၤ. လၢတၢ်န့ၣ်အဃိ, ယဟ့ၣ်လီၤယကလုၢ်လၢပှၤသုးဖိတဖၣ်ကအိၣ်ခိးကွၢ်ထွဲဒံး အီၤလၢဃိာ်ပူၤတုၤလၢယဆှၢအီၤဆူစီၤပၤဖးဒိၣ် အအိၣ်သ့တစုန့ၣ်လီၤ.”

ရိမ့ၤ 1:8

အဆိကတၢၢ်န့ၣ်, ယစံးဘျုးယကစၢ်ယွၤခီဖျိယ့ၣ်ၡူးခရံာ်လၢ သုဝဲခဲလၢာ်အဃိ, မ့ၢ်လၢသုတၢ်စူၢ်တၢ်နာ်အဂ့ၢ်ဟူထီၣ်သါလီၤလၢဟီၣ်ခိၣ်ဒီဘ့ၣ် အဃိန့ၣ်လီၤ.

ဖံလံးပံၤ 4:22

ကစၢ်ယွၤအပှၤဂီၢ်မုၢ်ဖဲအံၤခဲလၢာ်ဆှၢလီၤအတၢ်ဆၢဂ့ၤဆၢဝါ တဖၣ်လီၤဆီဒၣ်တၢ်ဆူပှၤလၢအဘၣ်ဃးဒီးစီၤပၤအနီတဖၣ် အအိၣ်န့ၣ်လီၤ.