လံာ်လူၤကၣ် 19:46 - Sgaw Karen Common Bible

⁴⁶ ဒီးစံးဘၣ်အဝဲသ့ၣ်, “တၢ်ကွဲးအသးစီဆှံပာ်ဖျါလၢကစၢ်ယွၤစံးဝဲ, ‘ယဟံၣ်ကဘၣ်တၢ်ကိးအီၤလၢတၢ်ထုကဖၣ်အဟံၣ်လီၤ.’ ဘၣ်ဆၣ်ဒီးသုဒုးကဲထီၣ်အီၤလၢတၢ်ဟုၣ်တၢ်ဘျၣ်တဖၣ်အတၢ်အိၣ် ခူသူၣ်အလီၢ်အကျဲလံ.”

လံာ်လူၤကၣ် 19:46 Iomraidhean Croise

စံးထီၣ်ပတြၢၤ 93:5

ယွၤဧၢ, နတၢ်သိၣ်တၢ်သီတဖၣ်န့ၣ်အိၣ်ဝဲလီၤထူလီၤယိာ် ဒီးနတၢ်လုၢ်ဟံၣ်န့ၣ်စီဆှံဝဲနီၢ်နီၢ် အစိၤစိၤအဃၣ်ဃၣ်န့ၣ်လီၤ.

လံာ်ယၡါယၤ 56:7

“ယကဟဲစိာ်သုဆူဝ့ၢ်စံယိၣ်, ယတၢ်လူၢ်စီဆှံ, ယကဟ့ၣ်သု တၢ်သးခုလၢယတၢ်ထုကဖၣ်အဟံၣ်ပူၤ, ဒီးတူၢ်လိာ်တၢ်လုၢ်တၢ်ပာ်တဖၣ်လၢသု လုၢ်ထီၣ်ပာ်ထီၣ်အီၤလၢယတၢ်လုၢ်လီၢ် အဖီခိၣ်န့ၣ်လီၤ. ယတၢ်လုၢ်ဟံၣ်ကဘၣ် တၢ်ကိးအီၤလၢတၢ်ထုကဖၣ်အဟံၣ်တဖျၢၣ်လၢပှၤဂီၢ်မုၢ် ကိးကလုာ်ဒဲးအဂီၢ်လီၤ.”

လံာ်ယံးရမံယၤ 7:11

မ့ၢ်သုဆိကမိၣ်လၢယတၢ်လုၢ်ဟံၣ်အံၤမ့ၢ်တၢ်အိၣ်ခူသူၣ်အလီၢ်လၢ တမျိၤတမျာ်တဖၣ်အဂီၢ်န့ၣ်ဧါ. ယထံၣ်တ့ၢ်တၢ်လၢသုမၤအီၤန့ၣ်လီၤ.

လံာ်ယဃ့းစက့လး 43:12

တၢ်အံၤမ့ၢ် တၢ်လုၢ်ဟံၣ်အတၢ်သိၣ်တၢ်သီန့ၣ်လီၤ. ကယဲၢ်တၢ်လီၢ်ကဝီၤလၢ အအိၣ်ဝးတရံးအီၤလၢ ကစၢၢ်ဒီခိၣ်အံၤ, မ့ၢ်တၢ်စီဆှံဒီးဘၣ်တၢ်ပာ်စီဆှံအီၤန့ၣ်လီၤ.

လံာ်ဟိၤၡ့ 12:7

ယွၤစံးဝဲဒၣ်, “ကီၢ်အံၣ်စရ့လးအပှၤဂီၢ်မုၢ်တဖၣ်တတီတလိၤဘၣ် ဒ်သိးဒၣ်ပှၤကနၤဧၣ်ဖိတဖၣ်န့ၣ်လီၤ. အဝဲသ့ၣ်အဲၣ်ဒိးလီန့ၢ်အပှၤပှ့ၤတၢ်တဖၣ်လၢစီၤပီၢ်လီတၢ်န့ၣ် လီၤ.

လံာ်မးသဲ 21:13

ဒီးစံးဘၣ်အဝဲသ့ၣ်, “တၢ်ကွဲးအသးစီဆှံစံးဝဲလၢကစၢ်ယွၤစံးဝဲဒၣ်, ‘ယဟံၣ်ကဘၣ်တၢ်ကိးအီၤလၢတၢ်ထုကဖၣ်အဟံၣ်လီၤ.’ ဘၣ်ဆၣ်ဒီး, သုဒုးကဲထီၣ်အီၤလၢတၢ်ဟုၣ်တၢ်ဘျၣ်တဖၣ်အတၢ်အိၣ်ခူ သူၣ်အလီၢ်တပူၤလီၤ” (ၡါ. ၅၆:၇; ယံး ၇:၁၁).

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်မၢ်ကူး 11:17

အန့ၣ်ဝံၤအဝဲဒၣ်သိၣ်လီၤသီလီၤပှၤသ့ၣ်တဖၣ်ဒီးစံး, “တၢ်ကွဲးအသးစီဆှံပာ်ဖျါထီၣ်ကစၢ်ယွၤစံးဝဲ, ယတၢ်လုၢ်ဟံၣ်ကဘၣ်မ့ၢ်ပှၤကလုာ်ခဲလၢာ်အတၢ်ထုကဖၣ်အဟံၣ်လီၤ. ဘၣ်ဆၣ်ဒီးသုမၤကဲထီၣ်အီၤလၢတၢ်လီၢ်တပူၤလၢတမျိးတမျာ်တဖၣ်ကအိၣ် ခူသူၣ်အဂီၢ်လံ.”