လံာ်လူၤကၣ် 19:43 - Sgaw Karen Common Bible

⁴³ မုၢ်နံၤမုၢ်သီတဖၣ်ကဟဲတုၤအိၣ်နၤဖဲနဒုၣ်နဒါတဖၣ်ကကဝီၤဃာ်နၤ, မၤတံာ်တၢၤနကျဲဒီးသုးအသးဘူးထီၣ်ဆူနအိၣ်ကိးကပၤဒဲးလီၤ.

လံာ်လူၤကၣ် 19:43 Iomraidhean Croise

လံာ်ပှၤစံၣ်တဲၤတဲလီၤတၢ် 9:14

ဝ့ၢ်အဆံးဖိအိၣ်ဝဲတဝ့ၢ်လၢပှၤတအိၣ်လၢအပူၤအါဂၤဘၣ်န့ၣ်လီၤ. စီၤပၤလၢအစိကမီၤဒိၣ်ဝဲတဂၤဟဲဒုးအီၤလီၤ. အဝဲကဝီၤဃာ်ဝ့ၢ်အံၤဒီးကတဲာ်ကတီၤအသးလၢကမၤလီၤပှီၢ်ဝ့ၢ် အခိၣ်ဒူတဖၣ်န့ၣ်လီၤ.

လံာ်ယၡါယၤ 37:33

အအံၤမ့ၢ်တၢ်လၢယွၤစံးတ့ၢ်ဝဲဘၣ်ဃးဒီးပှၤအၤၡူၢ်ဖိအစီၤပၤ ဖးဒိၣ်န့ၣ်လီၤ. အဝဲတဟဲနုာ်ဘၣ်ဆူဝ့ၢ်အံၤအပူၤမ့ၢ်ဂ့ၤ, တခးထီဒါဘၣ်ပျၢ်နီတဘ့ၣ်မ့ၢ်ဂ့ၤဘၣ်. သုးဖိလၢအအိၣ်ဒီးကတီၤတဖၣ်တဟဲဘူးဘၣ်ဒီးဝ့ၢ်အံၤနီတဂၤ ဘၣ်. ဒီးတၢ်ဒုးတၢ်ယၤအဟီၣ်ခိၣ်ထီၣ်ထီတဖၣ်တဘၣ်တၢ်မၤထီၣ်ဝး တရံးအီၤနီတခါဘၣ်.

လံာ်ယဃ့းစက့လး 26:8

ပှၤတဖၣ်လၢအအိၣ်လၢဝ့ၢ်တဖၣ်အပူၤလၢကီၢ်မိၢ်ပှၢ်န့ၣ်ကဘၣ် တၢ်မၤသံအီၤလၢတၢ်ဒုးအပူၤန့ၣ်လီၤ. ဒုၣ်ဒါတဖၣ်ကခူၣ်ဝဲ တၢ်ကျိၤတဖၣ်, ကမၤထီထီၣ်ဟီၣ်ခိၣ်တဖၣ်, ဒီးမၤထီၣ်တၢ်ဒူၣ်ခၢၣ်သနၢၣ်တခါဒ်အမ့ၢ်ကတီၤတဖၣ်န့ၣ်လီၤ.

လံာ်ယဃ့းစက့လး 4:2

ဝံၤဒီး, လၢတၢ်ဒုးနဲၣ်တၢ်ကဝီၤဃာ်တၢ်အဂီၢ်န့ၣ်, ခူၣ်လီၤတၢ်ကျိၤတဖၣ်, ပူၣ်ထီထီၣ်ဟီၣ်ခိၣ်တဖၣ်, သူၣ်ဒဲတဖၣ်, ဒီးပာ်လီၤစုကဝဲၤလၢအဆဲးတိၢ်လီၤပှီၢ်တၢ်တဖၣ် ဝးတရံးအီၤတက့ၢ်.

လံာ်မးသဲ 22:7

စီၤပၤန့ၣ်အသးဒိၣ်ထီၣ်ဒိၣ်ဒိၣ်ကလဲာ်, ဒီးဆှၢလီၤအသုးဖိတဖၣ်လၢအကမၤသံကွံာ် ပှၤမၤသံတၢ်ဖိတဖၣ်, ဒီးဒွဲၣ်ကွံာ်အဝဲသ့ၣ်အဝ့ၢ်န့ၣ်လီၤ.

လံာ်လူၤကၣ် 19:42

စံးဝဲ, “နမ့ၢ်သ့ၣ်ညါနဲမုၢ်မဆါတနံၤအံၤလၢ, တၢ်လိၣ်ဘၣ်မနုၤတဖၣ်လိၣ်ဝဲလၢတၢ်ဃူတၢ်ဖိးအဂီၢ်လဲၣ်န့ၣ်ဒီး, ကဂ့ၤမးလီၤ. မ့မ့ၢ်ခဲကနံၣ်အံၤ, နထံၣ်နဲတသ့ဘၣ်.