လံာ်လူၤကၣ် 19:37 - Sgaw Karen Common Bible

³⁷ ဖဲအဝဲဒၣ်ဟဲဘူးထီၣ်ဒီးဝ့ၢ်ယရူၤၡလ့ၣ်ဖဲတၢ်လီၢ်တတီၤလၢ ကျဲလဲၤလီၤလၢကစၢၢ်သ့ၣ်စၤယံးအဒီခိၣ်န့ၣ်, အပျဲၢ်အဘီၣ်ဂီၢ်မုၢ်ဂီၢ်ပၤ စံးဘျုးကစၢ်ယွၤဒီးစံးထီၣ်ပတြၢၤအီၤလၢအကလုၢ်ဖးဒိၣ်မ့ၢ်လၢတၢ် အဒိၣ်အမုၢ်လၢအဝဲသ့ၣ်ထံၣ်ဘၣ်တ့ၢ်ဝဲခဲလၢာ်တဖၣ်အဃိန့ၣ်လီၤ.

လံာ်လူၤကၣ် 19:37 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 15:28

အန့ၣ်ဒီးကယဲၢ်ပှၤအံၣ်စရ့လးဖိခဲလၢာ်ပိာ်ထီၣ်တၢ်အၢၣ်လီၤအီ လီၤတလါစီဆှံအခံဆူဝ့ၢ်ယရူၤၡလ့ၣ်အိၣ်ဃုာ်ဒီးတၢ်သူၣ်ခု သးခုအကိးပသူအသီၣ်တဖၣ်, ကွဲၤတဖၣ်, တနွဲတဖၣ်, ဒီးစှၢၢ်စှံးတဖၣ်အသီၣ်ဒီးသီတူၢ်တဖၣ်အတၢ်သးဝံၣ်အသီၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:36

စီၤပၤဃံးစကံယၤဒီးပှၤဂီၢ်မုၢ်တဖၣ်သူၣ်ဖှံသးညီဝဲမ့ၢ်လၢ ကစၢ်ယွၤမၤစၢၤတ့ၢ်အဝဲသ့ၣ်လၢကမၤတၢ်အံၤခဲလၢာ်ချ့ချ့ အဃိန့ၣ်လီၤ.

လံာ်မးသဲ 21:1

ဖဲယ့ၣ်ၡူးဒီးအပျဲၢ်အဘီၣ်တဖၣ်လဲၤဘူးထီၣ်ဒီးဝ့ၢ်ယရူၤၡလ့ၣ်, တုၤဃီၤဝဲလၢသဝီဘ့ၤသဖၤက့လၢကစၢၢ်သ့ၣ်စၤယံးဒီး, ယ့ၣ်ၡူးမၢလီၤဆိအပျဲၢ်အဘီၣ်ခံဂၤ

လံာ်မၢ်ကူး 13:3

ဖဲယ့ၣ်ၡူးဆ့ၣ်နီၤဝဲလၢကစၢၢ်သ့ၣ်စၤယံးအဒီခိၣ်ဒီးကွၢ်ဃီၤ တၢ်ဆူတၢ်လုၢ်ဟံၣ်အကတီၢ်န့ၣ်, စီၤပ့းတရူး, စီၤယၤကိာ်, စီၤယိၤဟၣ်, ဒီးစီၤအၣ်ဒရ့းတဖၣ်သံကွၢ်အီၤကစုဒု,

လံာ်မၢ်ကူး 14:26

အန့ၣ်ဒီးအဝဲသ့ၣ်သးဝံၣ်ထါစံးပတြၢၤယွၤတယုၢ်ဝံၤဟးထီၣ် ဝဲဒီးလဲၤဝဲဆူကစၢၢ်သ့ၣ်စၤယံးအဒီခိၣ်န့ၣ်လီၤ.

လံာ်လူၤကၣ် 18:43

တဘျီဃီဖဲန့ၣ်အဝဲဒၣ်ထံၣ်ထီၣ်က့ၤတၢ်, ဒီးအဝဲဒၣ်ပိာ်ထီၣ်ယ့ၣ်ၡူးအခံ, အိၣ်ဒီးတၢ်စံးဘျုးစံးဖှိၣ်ယွၤလီၤ. ဖဲပှၤဂီၢ်မုၢ်ထံၣ်တၢ်အံၤဒီး, စံးထီၣ်ပတြၢၤယွၤခဲလၢာ်လီၤ.

လံာ်လူၤကၣ် 19:20

တၢ်ခ့တၢ်ပှၤအဂၤတဂၤဟဲဝဲဒီးစံး, ‘ကစၢ်ဧၢ, နထူဘ့ၣ်ဘၣ်အိၣ်လၢအံၤလီၤ. ယပာ်ခူသူၣ်တ့ၢ်အီၤလၢတၢ်ကံးယာ်ထွါစုတဘ့ၣ်အပူၤလီၤ.

လံာ်လူၤကၣ် 19:29

ဖဲအဝဲဒၣ်ဟဲဘူးထီၣ်လၢသဝီဘ့ၤသဖးက့ဒီးသဝီဘ့ၤသနံဖဲ ကစၢၢ်သ့ၣ်စၤယံးန့ၣ်, ဆှၢလီၤဆိအပျဲၢ်အဘီၣ်ခံဂၤလၢအမဲာ်ညါလီၤ.

လံာ်လူၤကၣ် 19:36

ဖဲအဝဲဒၣ်ဒိးကသ့ၣ်ယီၤဖိဒီးလဲၤတၢ်အဖၢမုၢ်န့ၣ်, အဝဲသ့ၣ်ဒါလီၤအဆ့ကၤဖီခိၣ်တဖၣ်လၢကျဲအလိၤလီၤ.

လံာ်လူၤကၣ် 7:16

ပှၤကိးဂၤဒဲးပှဲၤဒီးတၢ်ပျံၤတၢ်ဖုး, ဒီးစံးထီၣ်တြၢၤကစၢ်ယွၤဒီးစံးဝဲ, “ဝံဖးဒိၣ်တဂၤဟဲအိၣ်ဖျါထီၣ်လၢပသိးပကျါလံ. ဒီး, ကစၢ်ယွၤဟဲဝဲဒ်သိးအကအုၣ်က့ၤခီၣ်က့ၤအပှၤဂီၢ်မုၢ်လံ.”

လံာ်ယိၤဟၣ် 12:18

မ့ၢ်လၢပှၤဂီၢ်မုၢ်နၢ်ဟူဝဲဒၣ်လၢယ့ၣ်ၡူးမၤတ့ၢ်တၢ်လီၤလးတမံၤအံၤ အဃိ, အဝဲသ့ၣ်ဟဲသဂၢၢ်အီၤလီၤ.