လံာ်လူၤကၣ် 19:22 - Sgaw Karen Common Bible

²² အဝဲဒၣ်စံးဘၣ်အီၤ, ‘ကုၢ်လၢအအၢတဂၤဧၢ, ယကသူက့ၤနတၢ်ကတိၤဒၣ်နဲလၢယကစံၣ်ညီၣ်နၤအဂီၢ်လီၤ. နသ့ၣ်ညါနဲလၢယမ့ၢ်ပှၤအကီတဂၤ, ယဟံးန့ၢ်တၢ်လၢအတမ့ၢ်ယတၢ်, ဒီးယကူးတၢ်လၢယတဖှံယဲန့ၣ်ဘၣ်လီၤ.

လံာ်လူၤကၣ် 19:22 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:16

အဂ့ၢ်ဒ်အံၤ, စီၤဒၤဝံးစံးဘၣ်တ့ၢ်ပှၤဧမၤလ့းဖိလၢ, “နဒုးလီၤဘၣ်တၢ်အံၤလၢနလိၤဒၣ်နဲလီၤ. နစံၣ်ညီၣ်ဃၣ်လီၤနသးဖဲနအၢၣ်လီၤတ့ၢ်လၢနမၤသံကွံာ်ပှၤတဂၤလၢ ယွၤဃုထၢအီၤလၢအကကဲထီၣ်စီၤပၤန့ၣ်လီၤ.”

လံာ်မးသဲ 12:37

အဂ့ၢ်ဒ်အံၤ, နကဘၣ်တၢ်ပာ်တီပာ်လိၤနၤလၢနတၢ်ကတိၤအဃိ, ဒီးနကဘၣ် တၢ်စံၣ်ညီၣ်ဃၣ်နၤလၢနတၢ်ကတိၤအဃိလီၤ.”

လံာ်မးသဲ 22:12

ဒီးစီၤပၤစံးဘၣ်အီၤ, ‘တံၤသကိးဧၢ, နတကူသိးမူးအကူအသိးဘၣ်ဒီး, နဟဲနုာ်သ့ဒ်လဲၣ်.’ ဒီးအဝဲတစံးဆၢတၢ်နီတမံၤဘၣ်.

လံာ်လူၤကၣ် 19:21

ယပျံၤနၤ, မ့ၢ်လၢနမ့ၢ်ပှၤအကီတဂၤအဃိလီၤ. နဟံးန့ၢ်တၢ်လၢအတမ့ၢ်နတၢ်ဘၣ်, ဒီးတၢ်လၢနတဖှံလီၤသူၣ်လီၤန့ၣ်, နကူးနဲလီၤ.’

လံာ်လူၤကၣ် 19:23

မ်ဒ်န့ၣ်ဒီး, ဘၣ်မနုၤအဃိနတဒၢနုာ်ယထူဘ့ၣ်ဘၣ်လၢစ့တၢးအပူၤလဲၣ်. နမ့ၢ်မၤဒ်န့ၣ်ဒီး, ဖဲယဟဲက့ၤတုၤန့ၣ်, ယကဒိးန့ၢ်ဘၣ်က့ၤအီၤဃုာ်ဒီးအအ့ၣ်ထီၣ်န့ၣ်လီၤ.’

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.