လံာ်လူၤကၣ် 18:9 - Sgaw Karen Common Bible

⁹ ပှၤလၢအနာ်န့ၢ်လီၤအသးလၢအဂ့ၤဝဲဝါဝဲ, ဒီးကွၢ်တလီၤပှၤကိးဂၤဒဲးန့ၣ်, ယ့ၣ်ၡူးစံးဘၣ်တဲဘၣ်စ့ၢ်ကီးအဝဲသ့ၣ်လၢတၢ်ကတိၤဒိအဝဲအံၤလီၤ.

လံာ်လူၤကၣ် 18:9 Iomraidhean Croise

တၢ်ကတိၤဒိ. 30:12

ပှၤအိၣ်ဝဲတကလုာ်လၢအဆိကမိၣ်လီၤအသးလၢအဝဲသ့ၣ် ကဆှီဝဲဖဲအနီၢ်ကစၢ်ဒၣ်ဝဲဘၣ်အၢလၢာ်အခၢးန့ၣ်လီၤ.

လံာ်ယၡါယၤ 65:5

ဝံၤဒီးအဝဲသ့ၣ်စံးဘၣ်ပှၤဂၤတဖၣ်အိၣ်ယံၤဒီးပှၤတက့ၢ်. အဂ့ၢ်ဒ်အံၤ, ပစီဆှံကဲၣ်ဆိးလၢသုကထိးဘၣ်ပှၤအဂီၢ်လီၤ. ပှၤဂီၢ်မုၢ်ဒ်သိးအံၤတဖၣ်ယကွၢ်အီၤတလိၤဘၣ်. ယတၢ်သးဒိၣ်ထီဒါအဝဲသ့ၣ်အံၤလီၤဂာ်ဒ်မ့ၣ်အူ တခါလၢအတလီၤပံာ်နီတစုဘၣ်အသိးန့ၣ်လီၤ.

လံာ်ယၡါယၤ 66:5

သုဝဲပှၤလၢအပျံၤယွၤဒီးစူၢ်အီၤသ့ၣ်ဧၢ, ဒိကနၣ်တၢ်လၢယွၤစံးဝဲန့ၣ် တက့ၢ်. “မ့ၢ်လၢသုသးတီဒီးယၤအဃိ, ပှၤတနီၤလၢသုပှၤဂီၢ်မုၢ်ဒၣ်ဝဲအကျါသးဟ့သုဒီးတမၤဘၣ်ဃး အသးဒီးသုနီတမံၤဘၣ်. အဝဲသ့ၣ်ဒုၣ်ဒွဲၣ်သုဒီးစံးဝဲ, ပျဲယွၤဒုးနဲၣ်အတၢ်ဒိၣ်တၢ်မုၢ်ဒီးအုၣ်က့ၤခီၣ်က့ၤသုဒ်သိး ပကထံၣ်ဘၣ်သုသူၣ်ဖှံသးညီန့ၣ်, ဘၣ်ဆၣ်ဒီးအဝဲသ့ၣ်အကစၢ် ဒၣ်ဝဲကဘၣ်တၢ်မၤမဲာ်ဆှးအီၤလီၤ.

လံာ်တၢ်ဘူၣ်ထီၣ်ဘါထီၣ် 13:32

ဒီးလၢနွံသီတသီန့ၣ်ပှၤလုၢ်တၢ်အခိၣ်ကကွၢ်ကဒီးအီၤတဘျီ ဒီးမ့ၢ်တလဲၢ်ထီၣ်ဒီးအဆူၣ်မ့ၢ်တထီၣ်ဘီအသး လၢအပူၤဒီးတယိာ်န့ၣ်အဖံးလၢအခိၣ်အဃၢၤဘၣ်န့ၣ်,

လံာ်လူၤကၣ် 10:29

ဘၣ်ဆၣ်ဒီး, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဂၤအံၤသးအိၣ် ပာ်တီပာ်လိၤအသးသတးဒီးသံကွၢ်ယ့ၣ်ၡူး, “ပှၤလၢယဃၢၤမ့ၢ်မတၤတဂၤလဲၣ်.”

လံာ်လူၤကၣ် 15:2

ပှၤဖၤရံၤၡဲဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်စးထီၣ် ကဒူးကဒ့ၣ်တၢ်ဒီးစံးဝဲ, “ပှၤတဂၤအံၤတူၢ်လိာ်ပှၤတၢ်ဒဲးဘးဖိတဖၣ်, ဒီးအီၣ်သကိးအီသကိးဃုာ်တၢ်ဒီးအဝဲသ့ၣ်ဒၣ်လဲာ်န့ၣ်လီၤ.”

လံာ်လူၤကၣ် 16:15

ယ့ၣ်ၡူးစံးဘၣ်အဝဲသ့ၣ်, “သုမ့ၢ်ပှၤတဖၣ်လၢအမၤဖျါအသးဒ် အတီဝဲလိၤဝဲ, လၢပှၤကညီအမဲာ်ညါ, ဘၣ်ဆၣ်ဒီးကစၢ်ယွၤသ့ၣ်ညါသုသူၣ်သုသးလီၤ. အဂ့ၢ်ဒ်အံၤ, တၢ်လၢပှၤကညီဆိကမိၣ်လၢ အအိၣ်ဒီးအလုၢ်အပှ့ၤဖးဒိၣ်န့ၣ်, လၢကစၢ်ယွၤအမဲာ်ညါ မ့ၢ်တၢ်လၢအလီၤသးဘၣ်အၢန့ၣ်လီၤ.

လံာ်လူၤကၣ် 18:11

ပှၤဖၤရံၤၡဲအိၣ်ဆၢထၢၣ်ဝဲတပူၤဒၣ်ဒီးဃ့ဘါထုကဖၣ်တၢ်ဒီးစံး, ‘ယစံးဘျုးနၤလီၤကစၢ်ယွၤဧၢ, လၢယတမ့ၢ်ပှၤဂုာ်ဆူၣ်ပျိဆူၣ်တၢ်, ပှၤမၤတၢ်အၢတၢ်သီ, ပှၤအဲၣ်ဘၢတၢ်ဒ်ပှၤဂၤအသိးဘၣ်အဃိန့ၣ်လီၤ. ယစံးဘျုးနၤလၢယတလီၤဂာ်ဒီးပှၤဃ့သွဲတဂၤန့ၣ်အဃိလီၤ.

လံာ်လူၤကၣ် 19:7

ပှၤဂီၢ်မုၢ်လၢအထံၣ်ဘၣ်တၢ်မၤအသးတမံၤအံၤခဲလၢာ်ကဒူး ကဒ့ၣ်တၢ်ဒီးစံးဝဲ, “ပှၤတဂၤအံၤလဲၤကဲလံပှၤသမှံၤလၢ ပှၤတၢ်ဒဲးဘးဖိတဂၤအဟံၣ်လံ.”

လံာ်လူၤကၣ် 7:39

ဖဲပှၤဖၤရံၤၡဲလၢအကွဲယ့ၣ်ၡူးတဂၤထံၣ်တၢ်တမံၤအံၤန့ၣ်, အဝဲဒၣ်ဆိကမိၣ်ဝဲလၢအသးပူၤ, “ပှၤတဂၤအံၤမ့မ့ၢ်စဲဃဲၤဝံတဂၤန့ၣ်, အဝဲဒၣ်ကသ့ၣ်ညါပိာ်မုၣ်လၢအထိးအီၤတဂၤအံၤမ့ၢ်မတၤလဲၣ်န့ၣ်လီၤ. ပိာ်မုၣ်တဂၤအံၤအိၣ်မူတ့ၢ်တၢ်ဒဲးဘးအတၢ်အိၣ်မူဒ်လဲၣ် တကလုာ်န့ၣ်အဝဲဒၣ်ကသ့ၣ်ညါဝဲလီၤ.”

လံာ်ယိၤဟၣ် 8:48

ပှၤယူဒၤဖိတဖၣ်စံးဆၢတၢ်ဒီးစံးဘၣ်အီၤ, “ပစံးလၢနမ့ၢ် ပှၤၡၤမရံဖိတဂၤဒီးတၢ်နါအိၣ်လၢနပူၤန့ၣ်, မ့ၢ်အတဘၣ် ဘၣ်ဧါ.”

လံာ်ယိၤဟၣ် 9:28

အဝဲသ့ၣ်ကတိၤဒုၣ်ဒွဲၣ်အီၤဒီးစံး, “နမ့ၢ်ပှၤအဝဲန့ၣ်အပျဲၢ်အဘီၣ်လီၤ. မ့မ့ၢ်ပဝဲပမ့ၢ်စီၤမိၤၡ့အပျဲၢ်အဘီၣ်တဖၣ်န့ၣ်လီၤ.

လံာ်ယိၤဟၣ် 9:34

အဝဲသ့ၣ်စံးဆၢတၢ်ဒီးစံးဝဲ, “နအိၣ်ဖျဲၣ်ထီၣ်ဒီး တၢ်ကွၢ်ဒိၣ်ထီၣ်နၤလၢတၢ်ဒဲးဘးယိာ်အပူၤဒီးနဂုာ် ကျဲးစၢးသိၣ်လိသီလိပှၤန့ၣ်ဧါ.” အန့ၣ်ဒီး, အဝဲသ့ၣ်ဟီထီၣ်ကွံာ်အီၤလၢဘူၣ်ဘျီၣ်ပူၤန့ၣ်လီၤ.

မၤတၢ် 22:21

ကစၢ်စံးဘၣ်ယၤ, ‘လဲၤတက့ၢ်. အဂ့ၢ်ဒ်အံၤ, ယကဆှၢလီၤနၤဆူတၢ်လီၢ်အယံၤဆူပှၤကလုာ်ဂၤတဖၣ် အအိၣ်န့ၣ်လီၤ.’ ”

ရိမ့ၤ 10:3

အဝဲသ့ၣ်တသ့ၣ်ညါကစၢ်ယွၤအတၢ်ပာ်တီပာ်လိၤပှၤ အကျဲဘၣ်ဒီးကျဲးစၢးဒုးအိၣ်ထီၣ်အကျဲဒၣ်ဝဲ, သတးဒီးအဝဲသ့ၣ်တဟ့ၣ်လီၤအသးဆူကစၢ်ယွၤအကျဲလၢ အပာ်တီပာ်လိၤတၢ်အပူၤန့ၣ်ဘၣ်.

ရိမ့ၤ 14:10

မ့မ့ၢ်ဒ်န့ၣ်ဒီး, နဲဒၣ်အံၤနစံၣ်ညီၣ်နဒီပုၢ်ဝဲၢ်ဘၣ်မနုၤလဲၣ်. ဒီးနဲဒၣ်အံၤ, နကွၢ်တလီၤနဒီပုၢ်ဝဲၢ်ဘၣ်မနုၤလဲၣ်. ပဝဲဒၣ်ခဲလၢာ်ပကဆၢထၢၣ်လၢကစၢ်ယွၤအမဲာ်ညါလၢအဝဲကစံၣ်ညီၣ် ပှၤအဂီၢ်လီၤ.

ရိမ့ၤ 14:3

ပှၤတဂၤလၢကအီၣ်တၢ်ကိးမံၤဒဲးန့ၣ်, မ်အသုတကွၢ်တလီၤပှၤလၢအတအီၣ်တၢ်န့ၣ်တဂ့ၤ. ဒီးပှၤလၢအအီၣ်ထဲတၢ်ဒိးတၢ်လၣ်တဂၤန့ၣ်, မ်အသုတစံၣ်ညီၣ် ပှၤလၢအအီၣ်တၢ်ခဲလၢာ်တဂၤန့ၣ်တဂ့ၤ. အဂ့ၢ်ဒ်အံၤ, ကစၢ်ယွၤတူၢ်လိာ်တ့ၢ်လံအီၤလံ.

ရိမ့ၤ 7:9

တဘျီဖဲတၢ်သိၣ်တၢ်သီတအိၣ်ဒံးဘၣ်န့ၣ်, ယမူယဲလီၤ. ဘၣ်ဆၣ်ဖဲတၢ်မၤလိာ်ဟဲအိၣ်ထီၣ်န့ၣ်, တၢ်ဒဲးဘးမူထီၣ်ဝဲဒီး ယသံယဲလီၤ.