လံာ်လူၤကၣ် 18:43 - Sgaw Karen Common Bible

⁴³ တဘျီဃီဖဲန့ၣ်အဝဲဒၣ်ထံၣ်ထီၣ်က့ၤတၢ်, ဒီးအဝဲဒၣ်ပိာ်ထီၣ်ယ့ၣ်ၡူးအခံ, အိၣ်ဒီးတၢ်စံးဘျုးစံးဖှိၣ်ယွၤလီၤ. ဖဲပှၤဂီၢ်မုၢ်ထံၣ်တၢ်အံၤဒီး, စံးထီၣ်ပတြၢၤယွၤခဲလၢာ်လီၤ.

လံာ်လူၤကၣ် 18:43 Iomraidhean Croise

စံးထီၣ်ပတြၢၤ 107:15

မ်အဝဲသ့ၣ်စံးဘျုးစံးဖှိၣ်ယွၤလၢ အတၢ်အဲၣ်ဂၢၢ်ကျၢၤအဃိ ဒီးလၢအတၢ်မၤလီၤလးတဖၣ်လၢ ပှၤကညီဖိခဲလၢာ်အဂီၢ်အဃိန့ၣ်တက့ၢ်.

စံးထီၣ်ပတြၢၤ 107:8

မ်အဝဲသ့ၣ်စံးဘျုးစံးဖှိၣ်ယွၤလၢ အတၢ်အဲၣ်ဂၢၢ်ကျၢၤအဃိ, ဒီးလၢအတၢ်မၤလီၤလးတဖၣ်လၢ ပှၤကညီဖိခဲလၢာ်အဂီၢ်န့ၣ်တက့ၢ်.

စံးထီၣ်ပတြၢၤ 146:8

ယွၤဒုးထံၣ်ထီၣ်က့ၤပှၤမဲာ်ဘျီၣ်, ယွၤဒုးဆၢထၢၣ်က့ၤပှၤလၢအလီၤဃံၤ, ယွၤအဲၣ်ပှၤတီပှၤလိၤလီၤ.

စံးထီၣ်ပတြၢၤ 30:2

ယွၤ, ယကစၢ်ယွၤဧၢ, ယကိးထီၣ်နၤလၢတၢ်မၤစၢၤအဂီၢ်, ဒီးနမၤဘျါက့ၤလံယၤလံ.

လံာ်ယၡါယၤ 35:5

ပှၤမဲာ်ဘျီၣ်ကထံၣ်ထီၣ်က့ၤတၢ် ဒီးပှၤနၢ်တအၢကနၢ်ဟူတၢ်လီၤ.

လံာ်ယၡါယၤ 42:16

ယကဆှၢယပှၤမဲာ်ဘျီၣ်တဖၣ် လၢကျဲတဖၣ်လၢအဝဲသ့ၣ်တလဲၤဘၣ်ဝဲ နီတဘျီန့ၣ်လီၤ. ယကဒုးကဲထီၣ်က့ၤအဝဲသ့ၣ်အတၢ်ခံးဆူတၢ်ကပီၤဒီးမၤပၢၤထံ ကီၢ်လၢအကနၢၣ်ခိၣ်ချၢန့ၣ်, လၢအဝဲသ့ၣ်အမဲာ်ညါလီၤ. တၢ်တဖၣ်အံၤမ့ၢ်ယတၢ်အၢၣ်လီၤအီလီၤ ဒီးယကဟံးဃာ်အီၤသပှၢ်ကတၢၢ်လီၤ.

လံာ်ယၡါယၤ 43:21

အဝဲသ့ၣ်မ့ၢ်ပှၤဂီၢ်မုၢ်တဖုလၢယတ့လီၤလၢယဂီၢ်ဒၣ်ယဲ ဒီးအဝဲသ့ၣ်ကသးဝံၣ်ယတၢ်စံးထီၣ်ပတြၢၤ တဖၣ်လီၤ.”

လံာ်မးသဲ 11:5

ပှၤအမဲာ်ဘျီၣ်တဖၣ်ထံၣ်ထီၣ်က့ၤတၢ်, ပှၤအခီၣ်ဟးဂီၤတဖၣ်ဟးထီၣ် က့ၤဝဲ, ပှၤဘၣ်တၢ်ဆါအၢတဖၣ်ဘျါက့ၤဝဲ, ပှၤအနၢ်တအၢတဖၣ်နၢ်ဟူထီၣ် က့ၤတၢ်ဒီးပှၤသံတဖၣ်ဘၣ်တၢ်ဒုးဂဲၤဆၢထၢၣ်က့ၤအီၤဒီးတၢ်သးခု ကစီၣ်ဘၣ်တၢ်စံၣ်တဲၤတဲလီၤအီၤဆူပှၤဖှီၣ်ဖိယာ်ဖိအအိၣ်လံ.

လံာ်မးသဲ 21:14

ပှၤမဲာ်ဘျီၣ်ဒီးပှၤစုကၢ်ခီၣ်ချံးတဖၣ်ဟဲဆူအအိၣ်လၢတၢ်လုၢ် ဟံၣ်အပူၤ, ဒီးအဝဲမၤဘျါက့ၤအဝဲသ့ၣ်လီၤ.

လံာ်လူၤကၣ် 13:17

လၢယ့ၣ်ၡူးအတၢ်စံးဆၢတထံၣ်အံၤအဃိ, အဒုၣ်အဒါခဲလၢာ်အမဲာ်ဆှးလီၤက့ၤအသး, မ့မ့ၢ်, ပှၤဂီၢ်မုၢ်ခဲလၢာ်သူၣ်ဖှံသးညီလၢကယဲၢ်တၢ်မၤ လီၤလိၢ်လီၤလးလၢအမၤတ့ၢ်ဝဲတဖၣ်အဃိန့ၣ်လီၤ.

လံာ်လူၤကၣ် 19:37

ဖဲအဝဲဒၣ်ဟဲဘူးထီၣ်ဒီးဝ့ၢ်ယရူၤၡလ့ၣ်ဖဲတၢ်လီၢ်တတီၤလၢ ကျဲလဲၤလီၤလၢကစၢၢ်သ့ၣ်စၤယံးအဒီခိၣ်န့ၣ်, အပျဲၢ်အဘီၣ်ဂီၢ်မုၢ်ဂီၢ်ပၤ စံးဘျုးကစၢ်ယွၤဒီးစံးထီၣ်ပတြၢၤအီၤလၢအကလုၢ်ဖးဒိၣ်မ့ၢ်လၢတၢ် အဒိၣ်အမုၢ်လၢအဝဲသ့ၣ်ထံၣ်ဘၣ်တ့ၢ်ဝဲခဲလၢာ်တဖၣ်အဃိန့ၣ်လီၤ.

လံာ်လူၤကၣ် 4:39

အဝဲဒၣ်လဲၤဝဲဒီးဆၢထၢၣ်ဝဲဖဲပိာ်မုၣ်န့ၣ်အလီၢ်မံကပၤ ဒီးခါလီၤအကလုၢ်ဒ်သိးတၢ်ကိၢ်ကလီၤအဂီၢ်, ဒီးတၢ်ကိၢ်န့ၣ်လီၤဝဲတကီၢ်ခါလီၤ. ဒီးအဝဲဒၣ်ဂဲၤဆၢထၢၣ်တဘျီဃီ ဒီးဒုးအီၣ်ဒုးအီအဝဲသ့ၣ်လီၤ.

လံာ်လူၤကၣ် 5:26

အဝဲသ့ၣ်ကိးဂၤဒဲးကမၢကမၣ်ဝဲဒိၣ်မးဒီးလၢတၢ်ပျံၤတၢ်ဖုးအဒိၣ် အအါအပူၤ, အဝဲသ့ၣ်စံးထီၣ်ပတြၢၤကစၢ်ယွၤဒီးစံးဝဲ, “မုၢ်တနံၤအံၤ, ပထံၣ်ဘၣ်တၢ်လၢအလီၤလိၢ်လီၤလးမးတဖၣ်လီၤ.”

လံာ်လူၤကၣ် 9:43

ပှၤကိးဂၤဒဲးကမၢကမၣ်ဝဲလၢကစၢ်ယွၤအစိကမီၤအဒိၣ်အမုၢ်တမံၤအံၤ အဃိလီၤ. ဖဲပှၤဂီၢ်မုၢ်တဖၣ်ကမၢကမၣ်ဒံးဝဲလၢကယဲၢ်တၢ်လၢယ့ၣ်ၡူးမၤဝဲ တဖၣ်အဃိအဖၢမုၢ်န့ၣ်, အဝဲစံးဘၣ်အပျဲၢ်အဘီၣ်တဖၣ်,

မၤတၢ် 11:18

ဖဲအဝဲသ့ၣ်နၢ်ဟူဘၣ်တၢ်ဂ့ၢ်တမံၤအံၤန့ၣ်, အဝဲသ့ၣ်ဆိကတီၢ်ကွံာ်အတၢ်ကတိၤပာ်တၢ်ကမၣ်, ဒီးစံးထီၣ်ပတြၢၤယွၤဒီးစံးဝဲ, “မ့မ့ၢ်ဒ်န့ၣ်ဒီးကစၢ်ယွၤဟ့ၣ်စ့ၢ်ကီးလံပှၤကလုာ်ဂၤတဖၣ် တၢ်အခွဲးအယာ်လၢအကပီၢ်ယၢ်ဒီးဃၣ်လိၤက့ၤအသးဒီးကမူဝဲအဂီၢ် န့ၣ်လီၤ.”

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

မၤတၢ် 4:21

အန့ၣ်ဒီးကီၣ်ကးကတိၤဟ့ၣ်ပလီၢ်အဝဲသ့ၣ်ဆူၣ်န့ၢ်အလီၢ်တက့ၢ်ဝံၤဒီး ပျၢ်ထူၣ်ဖျဲးကွံာ်အဝဲသ့ၣ်လီၤ. လၢကစံၣ်ညီၣ်စီၤပ့းတရူးဒီးစီၤယိၤဟၣ်န့ၣ်သ့ၣ်ညါဝဲလၢတသ့ လ့ၤတက့ၤဘၣ်, အဂ့ၢ်မ့ၢ်လၢပှၤခဲလၢာ်စံးထီၣ်ပတြၢၤကစၢ်ယွၤ, လၢတၢ်လၢအမၤတ့ၢ်အသးအဃိန့ၣ်လီၤ.

ကလၤတံ 1:24

မၤသးဒ်န့ၣ်ဒီး, အဝဲသ့ၣ်စံးထီၣ်ပတြၢၤယွၤလၢယဃိန့ၣ်လီၤ.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.