လံာ်လူၤကၣ် 18:4 - Sgaw Karen Common Bible

⁴ ပှၤစံၣ်ညီၣ်ကွီၢ်ဂ့ၢ်လိာ်မုၣ်ကမဲတဂၤအံၤအတၢ်ဃ့ဖးယံာ်ညါလီၤ. ဘၣ်ဆၣ်ဒီးလၢခံကတၢၢ်န့ၣ်အဝဲဒၣ်စံးလီၤက့ၤအသး, ‘ယမ့ၢ်တပျံၤယွၤ, ဒီးယူးယီၣ်ပာ်ကဲပှၤကညီသနာ်က့,

လံာ်လူၤကၣ် 18:4 Iomraidhean Croise

လံာ်လူၤကၣ် 12:17

အဝဲဒၣ်ဆိကမိၣ်ထီၣ်လၢအသးပူၤ, ‘ယတၤသူတၤသၣ်ခဲလၢာ်အံၤ, ယကဂၢ်ဖှိၣ်ပာ်အီၤအဂီၢ်တၢ်လီၢ်တၢ်ကျဲတအိၣ်ဘၣ်. မ့ၢ်ယကမၤဘၣ်ဒ်လဲၣ်.’

လံာ်လူၤကၣ် 16:3

တုၤနုၤတစု, ပှၤကွၢ်ထွဲတၢ်ဖိတၢ်လံၤဆိကမိၣ်ဝဲလၢအသးပူၤ, ‘ယကစၢ်ကထုးထီၣ်ကွံာ်ယၤလၢယတၢ်မၤအလီၢ်လီၤ. မ့ၢ်ယကမၤ ဘၣ်ဒ်လဲၣ်. ယကခူၣ်တၢ်ပူၤအဂီၢ်ယဂံၢ်ယဘါတလၢတပှဲၤဘၣ်. ဒီးယကဃ့အီၣ်ယဆၣ်အဂီၢ်ယမဲာ်ဆှးလီၤ.

လံာ်လူၤကၣ် 18:2

“လၢဝ့ၢ်တဖျၢၣ်အပူၤန့ၣ်, ပှၤစံၣ်ညီၣ်ကွီၢ်အိၣ်ဝဲဒၣ်တဂၤလၢအတအိၣ်ဒီးတၢ်ပျံၤယွၤမ့ၢ် ဂ့ၤ, တၢ်ယူးယီၣ်ပာ်ကဲပှၤကညီမ့ၢ်ဂ့ၤန့ၣ်ဘၣ်လီၤ.

လံာ်လူၤကၣ် 18:3

ဒီးလၢဝ့ၢ်တဖျၢၣ်ဃီအပူၤန့ၣ်, ပှၤမုၣ်ကမဲအိၣ်ဝဲဒၣ်တဂၤလၢအဟဲထီဘိဆူအအိၣ်ဒီးဃ့ ကညးအီၤဒ်သိးအကစံၣ်ညီၣ်တီန့ၢ်တၢ်လၢအဂီၢ်ဒီးစံးဝဲ, ‘မၤစၢၤယၤလၢယဒုၣ်ယဒါအတၢ်ထီဒါယၤအပူၤတက့ၢ်.’

လံာ်လူၤကၣ် 20:13

တုၤနုၤတစုစပံးလီၢ်ကစၢ်စံးဝဲ, ‘ယကဘၣ်မၤဒ်လဲၣ်. ယကဆှၢလီၤယဖိခွါသးဘိဒၣ်ယဲဒီး, သပှၢ်ကတၢၢ်, အဝဲသ့ၣ်ကယူးယီၣ်ပာ်ကဲအီၤလီၤ.’

ဧ့ၤဘြံၤ 12:9

လၢတၢ်န့ၣ်အမဲာ်ညါ, ပအိၣ်ဒီးပပၢ်တဖၣ်လၢဟီၣ်ခိၣ်ချၢအံၤလၢ အသိၣ်ဃီၣ်ပှၤဒီးပယူးယီၣ်ပာ်ကဲအဝဲသ့ၣ်လီၤ. ပဂ့ၤဆီၣ်လီၤပသးလၢပပၢ်အိၣ်လၢမူခိၣ်အဖီလာ်အါန့ၢ် အန့ၣ်တက့ၢ်ဒီးမူပဝဲန့ၣ်လီၤ.

လံာ်ပှၤစံၣ်ညီၣ်ကွီၢ် 14:17

ပိာ်မုၣ်န့ၣ်ဟီၣ်လၢတၢ်န့ၣ်အဃိလၢမူးအမုၢ်နံၤနွံသီအပူၤန့ၣ်လီၤ. ဘၣ်ဆၣ်ဒီးလၢမူးအမုၢ်နံၤနွံသီတသီန့ၣ်အဝဲတဲဘၣ်ပိာ်မုၣ်န့ၣ် လၢတၢ်ပှိၤပှံပှိၤပှီၢ်အခီပညီန့ၣ်လီၤ. အဂ့ၢ်ဒ်အံၤပိာ်မုၣ်န့ၣ်သံကွၢ်အီၤသပှၢ်ပှၢ် တုၤအသးဘၣ်တံာ်တာ်အဃိန့ၣ်လီၤ. အန့ၣ်ဝံၤဒီးပိာ်မုၣ်န့ၣ်တဲဘၣ်ပှၤဖလ့ၡသးဖိတဖၣ်လီၤ.