လံာ်လူၤကၣ် 18:33 - Sgaw Karen Common Bible

³³ အဝဲသ့ၣ်ကတီၢ်အီၤဖျ့အီၤဒီးမၤသံအီၤ, ဘၣ်ဆၣ်ဒီး ဖဲသၢသီတသီန့ၣ်, အဝဲဒၣ်ကဂဲၤဆၢထၢၣ်သမူထီၣ်က့ၤလီၤ.”

လံာ်လူၤကၣ် 18:33 Iomraidhean Croise

လံာ်မးသဲ 16:21

စးထီၣ်ဖဲအကတီၢ်န့ၣ်, ယ့ၣ်ၡူးတဲနၢ်ပၢၢ်အပျဲၢ်အဘီၣ်တဖၣ်, လၢအဝဲကဘၣ်လဲၤဆူဝ့ၢ်ယရူၤၡလ့ၣ်, ဒီးတူၢ်ဘၣ် ပှၤယူဒၤဖိကရၢအခိၣ်အနၢ်တဖၣ်, ဒီးပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်အတၢ်မၤနးမၤဖှီၣ် အီၤအါမံၤ, ဒီးလၢအကဘၣ်တၢ်မၤသံအီၤဒီးလၢသၢသီတသီန့ၣ် ယွၤကဒုးဂဲၤဆၢထၢၣ်က့ၤအီၤန့ၣ်လီၤ.

လံာ်မးသဲ 27:63

ဒီးစံး, “တၢ်ဒိၣ်ဧၢ, ပသ့ၣ်နီၣ်ထီၣ်လၢပှၤလီတၢ်ဖိတဂၤန့ၣ်, ဖဲအမူဒံးအခါစံးတ့ၢ်ဝဲ, ‘သၢသီတသီန့ၣ်ယကဂဲၤဆၢထၢၣ်သမူထီၣ်က့ၤလီၤ.’

လံာ်လူၤကၣ် 18:32

အဝဲဒၣ်ကဘၣ်တၢ်ဟ့ၣ်လီၤကွံာ်အီၤဆူပှၤကလုာ်ဂၤတဖၣ်အစုပူၤ, လၢအကဒုၣ်ဒွဲၣ်နံၤဘၣ်ဖၣ်လဲအီၤဒီးထူးပှဲာ်အီၤအဂီၢ်န့ၣ်လီၤ.

လံာ်လူၤကၣ် 18:34

ဘၣ်ဆၣ်အပျဲၢ်အဘီၣ်တဖၣ်တနၢ်ပၢၢ်တၢ်ကတိၤသ့ၣ်တဖၣ်အံၤနီ တဘီဘၣ်. တၢ်ကတိၤတဖၣ်အခီပညီအိၣ်လီၤသဒၢအသးလၢအဝဲသ့ၣ် အမဲာ်ညါ, ဒီးယ့ၣ်ၡူးစံးကတိၤတၢ်ဘၣ်ဃးမနုၤအဂ့ၢ်န့ၣ်, အဝဲသ့ၣ်တသ့ၣ်ညါဝဲဘၣ်.

လံာ်လူၤကၣ် 24:21

ဒီးပမုၢ်လၢ်တ့ၢ်ပဝဲလၢအဝဲကမ့ၢ်ပှၤတဂၤလၢအကအုၣ် က့ၤခီၣ်က့ၤအံၣ်စရ့လးလီၤ. အါန့ၢ်အန့ၣ်, မုၢ်တနံၤအံၤမ့ၢ်ဝဲတၢ်မၤအသးပှဲၤထီၣ်သၢသီတသီလီၤ.

လံာ်လူၤကၣ် 24:7

‘ပှၤကညီဖိခွါကဘၣ်တၢ်ဟ့ၣ်လီၤကွံာ်အီၤဆူပှၤတၢ်ဒဲးဘးဖိတဖၣ် အစုပူၤ, ကဘၣ်တၢ်ပျၤထီအီၤလၢထူၣ်စုညါအလိၤ, ဒီးကဂဲၤဆၢထၢၣ်သမူထီၣ်က့ၤဝဲဖဲသၢသီတသီန့ၣ်လီၤ.’ ”