လံာ်လူၤကၣ် 18:32 - Sgaw Karen Common Bible

³² အဝဲဒၣ်ကဘၣ်တၢ်ဟ့ၣ်လီၤကွံာ်အီၤဆူပှၤကလုာ်ဂၤတဖၣ်အစုပူၤ, လၢအကဒုၣ်ဒွဲၣ်နံၤဘၣ်ဖၣ်လဲအီၤဒီးထူးပှဲာ်အီၤအဂီၢ်န့ၣ်လီၤ.

လံာ်လူၤကၣ် 18:32 Iomraidhean Croise

လံာ်ယၡါယၤ 50:6

ယဒီလီၤန့ၢ်ပှၤလၢအတီၢ်ယၤတဖၣ်လၢယချၢဃံလီၤ. ဖဲအဝဲသ့ၣ်ဒုၣ်ဒွဲၣ်ယၤမ့ၢ်ဂ့ၤ, ထဲးထီၣ်ကွံာ်ယခၣ်ဆူၣ်တဖၣ်မ့ၢ် ဂ့ၤ, ထူးပှဲာ်ယၤလၢယမဲာ်သၣ်ပူၤမ့ၢ်ဂ့ၤန့ၣ်, ယတတြီဘၣ်အဝဲသ့ၣ်ဘၣ်.

လံာ်ယၡါယၤ 52:14

ပှၤအါဂၤကဖုးသံပျီၢ်ဂီၤဖဲအထံၣ်ဘၣ်အီၤအဆၢကတီၢ်န့ၣ်လီၤ. အဝဲဒၣ်အက့ၢ်အဂီၤဘၣ်ဒိဘၣ်ထံးလီၤသဘှံးတုၤဒၣ်လဲာ် နကွၢ်အီၤတလီၤဂာ်ဒီးပှၤကညီတဂၤလၢၤဘၣ်န့ၣ်လီၤ.

လံာ်ယၡါယၤ 53:3

ပသးဘၣ်အၢအီၤဒီးပညိကွံာ်အီၤလီၤ. အဝဲတူၢ်ဘၣ်တၢ်နးတၢ်ဖှီၣ်ဒီးတၢ်ဆူးတၢ်ဆါန့ၣ်လီၤ. ပှၤတကွၢ်ဃီၤအီၤဒၣ်လဲာ်နီတဂၤဘၣ်. ပကွၢ်ကပာ်ကွံာ်အီၤဒ်အဝဲတမ့ၢ်တၢ်နီတမံၤဘၣ်အသိးန့ၣ်လီၤ.

လံာ်မံကၤ 5:1

ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, ပာ်ဖှိၣ်ထီၣ်သုသုးမုၢ်သံၣ်ဘိတဖၣ်တက့ၢ်. ဒုၣ်ဒါကဝီၤန့ၢ်ပှၤလံ. အဝဲသ့ၣ်တီၢ်လံကီၢ်အံၣ်စရ့လးအပဒိၣ်တဂၤအဘိးပၤလၢနီၢ်တီၢ်လံ.”

လံာ်မးသဲ 16:21

စးထီၣ်ဖဲအကတီၢ်န့ၣ်, ယ့ၣ်ၡူးတဲနၢ်ပၢၢ်အပျဲၢ်အဘီၣ်တဖၣ်, လၢအဝဲကဘၣ်လဲၤဆူဝ့ၢ်ယရူၤၡလ့ၣ်, ဒီးတူၢ်ဘၣ် ပှၤယူဒၤဖိကရၢအခိၣ်အနၢ်တဖၣ်, ဒီးပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်အတၢ်မၤနးမၤဖှီၣ် အီၤအါမံၤ, ဒီးလၢအကဘၣ်တၢ်မၤသံအီၤဒီးလၢသၢသီတသီန့ၣ် ယွၤကဒုးဂဲၤဆၢထၢၣ်က့ၤအီၤန့ၣ်လီၤ.

လံာ်မးသဲ 20:19

ဒီးကဟ့ၣ်လီၤအီၤဆူပှၤကလုာ်ဂၤတဖၣ်အစုပူၤ, ဒ်သိးကဘၣ်တၢ်ဒုၣ်ဒွဲၣ်အီၤ, တၢ်တီၢ်အီၤ, ဒီးပျၤထီအီၤလၢထူၣ်စုညါအလိၤ, ဒီးသၢသီတသီန့ၣ်ကဘၣ်တၢ်မၤမူထီၣ်က့ၤအီၤလၢယွၤလီၤ.”

လံာ်မးသဲ 22:6

မ့မ့ၢ်, ပှၤအိၣ်လီၤတဲာ်အဂၤတဖၣ်န့ၣ်, ဟံးဃာ်စီၤပၤအံၤအခ့အပှၤလၢအလဲၤကိးအီၤတဖၣ်, မၤမဲာ်ဆှးအဝဲသ့ၣ်ခီဖျိအဒိအီၤ တီၢ်အီၤဒီးမၤသံကွံာ်အဝဲသ့ၣ်န့ၣ်လီၤ.

လံာ်မးသဲ 26:67

တုၤနုၤတစု, အဝဲသ့ၣ်ထူးပှဲာ်ယ့ၣ်ၡူးအမဲာ်ဒီးဒိအီၤတီၢ်အီၤလီၤ. ပှၤလၢအဒဲယ့ၣ်ၡူးအမဲာ်တဖၣ်

လံာ်မးသဲ 27:2

အဝဲသ့ၣ်စၢဃာ်ယ့ၣ်ၡူးအစုလၢပျံၤထးတဖၣ်, မိၤထီၣ်အီၤဒီးဟ့ၣ်လီၤအီၤဆူရိမ့ၤအပဒိၣ်ဖးဒိၣ်စီၤပံၤလးအစုပူၤလီၤ.

လံာ်မၢ်ကူး 14:65

ထဲန့ၣ်ဒီး, ပှၤတနီၤထူးပှဲာ်ယ့ၣ်ၡူးဒီးမၤဘၢအမဲာ်ဒီးထိအီၤလီၤ. ဒီးစံးဘၣ်အီၤ, “တယာ်ဒီးတဲတဘီ, မ့ၢ်မတၤထိနၤလဲၣ်.” ဒီးပှၤပၢၤတၢ်ဖိတဖၣ်ဒဲအီၤလီၤ.

လံာ်မၢ်ကူး 15:1

လၢဂီၤဂီၤဖဲမုၢ်ဟဲထီၣ်အကတီၢ်န့ၣ်, ပှၤလုၢ်တၢ်အခိၣ်အဒိၣ်တဖၣ်, ဃုာ်ဒီးပှၤယူဒၤဖိကရၢအခိၣ်အနၢ်တဖၣ်ဒီးပှၤသ့တၢ်ဘူၣ်တၢ် ဘါအတၢ်သိၣ်တၢ်သီတဖၣ်, ဒီးကီၣ်ကးဒီဖုညါအိၣ်ဖှိၣ်သကိးဒီးကူၣ်ထီၣ်ဖးလီၤတၢ်လီၤ. အဝဲသ့ၣ်စၢဃာ်ယ့ၣ်ၡူးဝံၤ, မိၤထီၣ်အီၤ, ဒီးလဲၤဟ့ၣ်လီၤအီၤလၢစီၤပံၤလးအစုပူၤလီၤ.

လံာ်လူၤကၣ် 18:33

အဝဲသ့ၣ်ကတီၢ်အီၤဖျ့အီၤဒီးမၤသံအီၤ, ဘၣ်ဆၣ်ဒီး ဖဲသၢသီတသီန့ၣ်, အဝဲဒၣ်ကဂဲၤဆၢထၢၣ်သမူထီၣ်က့ၤလီၤ.”

လံာ်လူၤကၣ် 23:1

ပှၤဒီဖုညါဂဲၤထၢၣ်, ဒီးဆှၢယ့ၣ်ၡူးဆူစီၤပံၤလးအမဲာ်ညါ

လံာ်လူၤကၣ် 23:11

စီၤဟ့ၤရိာ်ဒီးအသုးဖိတဖၣ်နံၤဘၣ်ဖၣ်လဲယ့ၣ်ၡူး, ဒီးမၤအီၤတရီတပါလီၤ. အဝဲသ့ၣ်ဒုးကူဒုးသိးထီၣ်အီၤဆ့ကၤဖး ထီလၢအဂ့ၤ, ဒီးဆှၢက့ၤအီၤဆူစီၤပံၤလးအအိၣ်လီၤ.

လံာ်လူၤကၣ် 23:35

ပှၤဂီၢ်မုၢ်တဖၣ်အိၣ်ဆၢထၢၣ်ဝဲဖဲန့ၣ်ဒီးကွၢ်ကီတၢ်, ဖဲပှၤယူဒၤအခိၣ်အနၢ်တဖၣ်ကတိၤနံၤဘၣ်ဖၣ်လဲအီၤဒီးစံး, “အဝဲဒၣ်အုၣ်က့ၤခီၣ်က့ၤပှၤဂၤတဖၣ်လီၤ. အဝဲမ့မ့ၢ်ခရံာ်လၢကစၢ်ယွၤဃုထၢတ့ၢ်အီၤတဂၤဒီး, မ်အအုၣ်က့ၤခီၣ်က့ၤအသးဒၣ်ဝဲတက့ၢ်.”

လံာ်ယိၤဟၣ် 18:22

တုၤယ့ၣ်ၡူးစံးတၢ်ဒ်အံၤဒီး, ပှၤပၢၤတၢ်လုၢ်ဟံၣ်အကျါတဂၤဒဲယ့ၣ်ၡူးအမဲာ်ဒီးစံးဝဲ, “ဘၣ်မနုၤအဃိနကတိၤဆၢပှၤလုၢ်တၢ်အခိၣ်အဒိၣ် ကတၢၢ်ဒ်အံၤန့ၣ်လဲၣ်.”

လံာ်ယိၤဟၣ် 18:28

ဖဲမုၢ်ဆ့ၣ်ထီၣ်ဂီၤဂီၤအဆၢကတီၢ်န့ၣ်, ယ့ၣ်ၡူးဘၣ်တၢ်ကိးထီၣ်အီၤလၢစီၤကၤယါဖၤ အဟံၣ်ဒီးဘၣ်တၢ်ဆှၢအီၤဆူရိမ့ၤအပဒိၣ်ဖးဒိၣ် အနီပူၤန့ၣ်လီၤ. ပှၤယူဒၤဖိအခိၣ်အနၢ်တဖၣ် တလဲၤနုာ်ဆူနီအပူၤဘၣ်. မ့ၢ်လၢအဝဲသ့ၣ်အဲၣ်ဒိးအိၣ် ကဆှီအသးဒ်အလုၢ်အလၢ်အိၣ်ဝဲအသိး, ဒ်သိးအီၣ်ဘူၣ်လဲၤကပာ်ကသ့ဝဲအဂီၢ်န့ၣ်လီၤ.

လံာ်ယိၤဟၣ် 18:30

အဝဲသ့ၣ်စံးဆၢတၢ်ဒီးစံးဝဲ, “အဝဲမ့ၢ်တမၤကမၣ်ထံကီၢ်တၢ်သိၣ်တၢ်သီ တမံၤမံၤဘၣ်ဒီး, တမ့ၢ်လၢပကဟဲဆှၢအီၤဆူနအိၣ်န့ၣ်ဘၣ်.”

လံာ်ယိၤဟၣ် 18:32

(တၢ်အဝဲအံၤမၤအသးမ့ၢ်ဒ်သိးတၢ်လၢယ့ၣ်ၡူးစံးတ့ၢ်ဝဲဘၣ်ထွဲဒီး အဝဲကဘၣ်သံလၢတၢ်သံဒ်လဲၣ်န့ၣ်, ကလၢထီၣ်ပှဲၤထီၣ်ဝဲအဂီၢ် န့ၣ်လီၤ.)

လံာ်ယိၤဟၣ် 18:35

စီၤပံၤလးစံးဆၢတၢ်ဒီးစံးဝဲ, “နဆိကမိၣ်လၢယမ့ၢ်ပှၤယူဒၤ ဖိတဂၤဧါ. ပှၤလၢအဟ့ၣ်လီၤနၤဆူယစုပူၤန့ၣ်, မ့ၢ်ဒၣ်နပှၤ ကလုာ်ဒၣ်နဲဒီးပှၤလုၢ်တၢ်အခိၣ်အဒိၣ်သ့ၣ်တဖၣ်န့ၣ်လီၤ. မ့ၢ်နမၤတ့ၢ်မနုၤတမံၤလဲၣ်.”

မၤတၢ် 2:23

ဒ်ကစၢ်ယွၤကူၣ်ကျဲၤဒီးသ့ၣ်ညါပာ်ဝဲအသိး, ယ့ၣ်ၡူးဘၣ်တၢ်ဟ့ၣ်လီၤကွံာ်အီၤဆူသုစုပူၤဒီးသုမၤသံအီၤခီ ဖျိသုပျဲပှၤတၢ်ဒဲးဘးဖိတဖၣ်ပျၤထီအီၤလၢထူၣ်စုညါအလိၤန့ၣ်လီၤ.

မၤတၢ် 3:13

စီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်အကစၢ်ယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤအခ့အပှၤယ့ၣ်ၡူး လၢယွၤအလၤကပီၤန့ၣ်လီၤ. မ့မ့ၢ်သုဝဲဒၣ်, သုဟ့ၣ်လီၤကွံာ်အီၤဆူပှၤအခိၣ်အနၢ်တဖၣ်အစုပူၤ, ဒီးဖဲပဒိၣ်စီၤပံၤလးစံၣ်ညီၣ်တ့ၢ်လံဝဲလၢအကပျၢ်ထူၣ်ဖျဲး ကွံာ်အီၤဒၣ်လဲာ်န့ၣ်, သုညိကွံာ်အီၤလၢပဒိၣ်န့ၣ်အမဲာ်ညါလီၤ.