လံာ်လူၤကၣ် 18:3 - Sgaw Karen Common Bible

³ ဒီးလၢဝ့ၢ်တဖျၢၣ်ဃီအပူၤန့ၣ်, ပှၤမုၣ်ကမဲအိၣ်ဝဲဒၣ်တဂၤလၢအဟဲထီဘိဆူအအိၣ်ဒီးဃ့ ကညးအီၤဒ်သိးအကစံၣ်ညီၣ်တီန့ၢ်တၢ်လၢအဂီၢ်ဒီးစံးဝဲ, ‘မၤစၢၤယၤလၢယဒုၣ်ယဒါအတၢ်ထီဒါယၤအပူၤတက့ၢ်.’

လံာ်လူၤကၣ် 18:3 Iomraidhean Croise

လံာ်စီၤယိၤဘး 22:9

နဒုးဟးကွံာ်မုၣ်ကမဲတဖၣ်အိၣ်ထဲစုယၢ်ခီ, ဒီးနဂုာ်ဆူၣ်ပျီဆူၣ်ပှၤဖိၣ်ဃဲတဖၣ်ဒီးပျဲအစုကၢ်ခီၣ်ကၢ်န့ၣ်လီၤ.

လံာ်စီၤယိၤဘး 29:13

ပှၤလၢအအိၣ်လၢတၢ်ကိၢ်တၢ်ဂီၤနးနးကလဲာ်အပူၤတဖၣ် စံးထီၣ်ပတြၢၤယၤ, ဒီးယမၤစၢၤမုၣ်ကမဲသ့ၣ်တဖၣ်ဒ်သိး ကထံၣ်န့ၢ်တၢ်ပူၤဖျဲးန့ၣ်လီၤ.

လံာ်ယၡါယၤ 1:17

ဒီးမၤလိမၤတၢ်အဘၣ်တက့ၢ်. တၢ်စံၣ်ညီၣ်တီမၤအသးကစီ ဒီဧါန့ၣ်, ပာ်သူၣ်ပာ်သးတက့ၢ်. မၤစၢၤပှၤလၢအဘၣ်တၢ်မၤ အၢမၤနးအီၤတဖၣ်တက့ၢ်. ဟ့ၣ်ဖိၣ်ဃဲတဖၣ်အတၢ်ခွဲးတၢ်ယာ်, ဒီးဒီဒၣ်အိၣ်ပှိၤမုၣ်ကမဲတဖၣ်တက့ၢ်.”

လံာ်ယံးရမံယၤ 5:28

မ့ၢ်တၢ်လၢအမၤဘီၣ်ထီၣ်ညီထီၣ်အဝဲ သ့ၣ်ဒီးဒုးအီၣ်ဘျဲးအီၣ်ဘျဲးအီအီၤန့ၣ်လီၤ. အတၢ်မၤအၢမၤသီတၢ်တဖၣ်အကတၢၢ်ကတာ်တအိၣ်ဘၣ်. အဝဲသ့ၣ်တဟ့ၣ်ဘၣ်ပှၤဖိၣ်ဃဲတဖၣ်လၢ အတၢ်ခွဲးတၢ်ယာ်တဖၣ်မ့ၢ်ဂ့ၤတဒုးနဲၣ် ဘၣ်တၢ်စံၣ်ညီၣ်တီလၢပှၤလၢအဘၣ်တၢ် မၤနးမၤဖှီၣ်တဖၣ်မ့ၢ်ဂ့ၤအဂီၢ်ဘၣ်.

လံာ်မးသဲ 5:25

ပှၤတဂၤဂၤမ့ၢ်လိာ်ကွီၢ်နၤဒီးမၤဘၣ်လိာ်က့ၤနသးဒီးအီၤဖဲ တၢ်ဆၢကတီၢ်အိၣ်ဒံး, တချုးနလဲၤဘၣ်ဆူကွီၢ်ဘျီၣ်ပူၤန့ၣ်တက့ၢ်. နမ့ၢ်တုၤဆူကွီၢ်ဘျီၣ်ပူၤဒီးအဝဲကဟ့ၣ်လီၤနၤဆူပှၤစံၣ်ညီၣ်ကွီၢ်အစုပူၤ, ဒီးပှၤစံၣ်ညီၣ်ကွီၢ်ကဟ့ၣ်လီၤနၤဆူပှၤပၢၤကီၢ်အစုပူၤ, ဒီးနကဘၣ်တၢ်ဆှၢနၤဆူဃိာ်ပူၤန့ၣ်လီၤ.

လံာ်လူၤကၣ် 18:2

“လၢဝ့ၢ်တဖျၢၣ်အပူၤန့ၣ်, ပှၤစံၣ်ညီၣ်ကွီၢ်အိၣ်ဝဲဒၣ်တဂၤလၢအတအိၣ်ဒီးတၢ်ပျံၤယွၤမ့ၢ် ဂ့ၤ, တၢ်ယူးယီၣ်ပာ်ကဲပှၤကညီမ့ၢ်ဂ့ၤန့ၣ်ဘၣ်လီၤ.

လံာ်လူၤကၣ် 18:4

ပှၤစံၣ်ညီၣ်ကွီၢ်ဂ့ၢ်လိာ်မုၣ်ကမဲတဂၤအံၤအတၢ်ဃ့ဖးယံာ်ညါလီၤ. ဘၣ်ဆၣ်ဒီးလၢခံကတၢၢ်န့ၣ်အဝဲဒၣ်စံးလီၤက့ၤအသး, ‘ယမ့ၢ်တပျံၤယွၤ, ဒီးယူးယီၣ်ပာ်ကဲပှၤကညီသနာ်က့,

လံာ်လူၤကၣ် 18:5

မ့ၢ်လၢမုၣ်ကမဲတဂၤအံၤမၤတံာ်တာ်ယၤထဲထဲအံၤအဃိယကကွၢ် သုးကျဲၤဒ်သိးအဝဲဒၣ်ကဒိးန့ၢ်ဘၣ်အခွဲးအယာ်တဖၣ်လီၤ. မ့တမ့ၢ်ဘၣ်ဒီး အဝဲဒၣ်ကဟဲဒံးဆူယအိၣ်ထီဘိ, ဒီးလၢခံကတၢၢ်န့ၣ် ကဟ့ၣ်ယၤတၢ်ဘှံးသူၣ်တီၤသးအဒိၣ်အမုၢ်လီၤ.’ ”

လံာ်သိၣ်လီၤသီလီၤတၢ် 27:19

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအထုးထီၣ်ကွံာ်ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်ဒီးပှၤမုၣ်ကမဲတဖၣ်လၢအဝဲသ့ၣ်အတၢ်ခွဲးတၢ်ယာ် တဖၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”