လံာ်လူၤကၣ် 18:22 - Sgaw Karen Common Bible

²² ဖဲယ့ၣ်ၡူးနၢ်ဟူတၢ်ကတိၤအဝဲအံၤန့ၣ်, အဝဲဒၣ်စံးဘၣ်အီၤ, “တၢ်လၢအလိၣ်ဒီးနၤအိၣ်ဒံးဝဲတမံၤလီၤ. ဆါကွံာ်တၢ်လၢအအိၣ်ဒီးနၤခဲလၢာ်, ဒီးဟ့ၣ်နီၤလီၤပှၤဖှီၣ်ဖိယာ်ဖိတက့ၢ်. ဒီးနကအိၣ်ဒီးတၢ်ထူးတၢ်တီၤလၢမူခိၣ်လီၤ. အန့ၣ်ဝံၤအလီၢ်ခံ, ဟဲဒီးကဲထီၣ်ယပျဲၢ်ယဘီၣ်တက့ၢ်.”

လံာ်လူၤကၣ် 18:22 Iomraidhean Croise

စံးထီၣ်ပတြၢၤ 27:4

ယဃ့တ့ၢ်ယွၤလၢတၢ်တမံၤအဂီၢ်, ယဆၢန့ၢ်ဘၣ်ထဲတၢ်တမံၤဧိၤ, ဒ်သိးယကအိၣ်ကဆိးဘၣ်လၢယွၤအဟံၣ်ပူၤတစိၤဒၣ်ယၤ, လၢယကထံၣ်ဘၣ်ယွၤအတၢ်ဂ့ၤတၢ်ဝါ ဒီးဃ့န့ၢ်ယွၤအတၢ်ပၢတၢ်ဆှၢန့ၣ်လီၤ.

လံာ်မးသဲ 19:21

ယ့ၣ်ၡူးစံးဘၣ်အီၤ, “နမ့ၢ်သးအိၣ်လၢနကလၢထီၣ်ပှဲၤထီၣ်န့ၣ်, လဲၤဒီးဆါလီၤကွံာ်တၢ်လၢအအိၣ်ဒီးနၤခဲလၢာ်, ဒီးဟ့ၣ်လီၤနကျိၣ်နစ့ဆူပှၤဖှီၣ်ဖိယာ်ဖိတက့ၢ်. တုၤနုၤတစု နကအိၣ်ဒီးတၢ်ထူးတၢ်တီၤလၢမူခိၣ်လီၤ. အန့ၣ်ဝံၤ, ဟဲဒီးကဲဘၣ်ယပျဲၢ်ယဘီၣ်တက့ၢ်.”

လံာ်လူၤကၣ် 10:42

ဘၣ်ဆၣ်ဒီးတၢ်လၢအလိၣ်အိၣ်ဝဲထဲတမံၤဧိၤလီၤ. နီၢ်မၤရံဃုထၢတ့ၢ်ဝဲတၢ်လၢအဂ့ၤအဘၣ်တမံၤဒီးပှၤ တဟံးထီၣ်ကွံာ်အီၤလၢအအိၣ်နီတဂၤဘၣ်လီၤ.”

လံာ်လူၤကၣ် 12:33

ဆါကွံာ်သုတၢ်ဖိတၢ်လံၤတဖၣ်ဒီးဟ့ၣ်မၤဘူၣ်ပှၤဖှီၣ်ဖိယာ်ဖိတက့ၢ်. မၤန့ၢ်လၢသုဂီၢ်, စ့အထၢၣ်လၢအယာ်ကွံာ်တသ့ဘၣ်တဖၣ်, ဒီးပာ်ဖှိၣ်သုတၢ်ထူးတၢ်တီၤလၢမူခိၣ်, ဖဲအဝဲသ့ၣ်တစှၤလီၤနီတဘျီဘၣ်အလီၢ်န့ၣ်တက့ၢ်. အဂ့ၢ်မ့ၢ်လၢတၢ်ဘျၣ်ဟုၣ်အီၤတန့ၢ်ဒီးတၢ်ဖိဃၢ်မၤဟးဂီၤအီၤ တသ့ဘၣ်အဃိန့ၣ်လီၤ.

လံာ်လူၤကၣ် 16:9

ဒီးယ့ၣ်ၡူးကတိၤတၢ်ဒီးစံးဝဲ, “ဒီးလၢတၢ်န့ၣ်အဃိယစံးဘၣ်တဲဘၣ်သု, ဒ်သိးသုကမၤန့ၢ်တံၤသကိးအဂီၢ်, သူဟီၣ်ခိၣ်အတၢ်ထူးတၢ်တီၤ, ဒီးတုၤအလၢာ်ကွံာ်ဒီး သုကဘၣ်တၢ်တူၢ်လိာ်ခီၣ်ဆၢသုလၢဟံၣ်အထူအယိာ်န့ၣ်တက့ၢ်.

လံာ်လူၤကၣ် 18:21

ပှၤတဂၤန့ၣ်စံးဆၢဝဲ, “တၢ်သ့ၣ်တဖၣ်အံၤခဲလၢာ်န့ၣ်, ယတိၢ်န့ၢ်ဒီးစူၢ်ယဲလၢယသးစၢ်လံၤလံၤလီၤ.”

လံာ်လူၤကၣ် 18:23

ဘၣ်ဆၣ်, ဖဲပှၤတဂၤန့ၣ်နၢ်ဟူယ့ၣ်ၡူးအတၢ်ကတိၤတထံၣ်န့ၣ်ဒီး, အဝဲဒၣ်အသးအုးဒိၣ်ဒိၣ်ကလဲာ်, အဂ့ၢ်မ့ၢ်လၢအဝဲဒၣ်ထူးတီၤဒိၣ်မး အဃိန့ၣ်လီၤ.

လံာ်လူၤကၣ် 9:23

ဒီးအဝဲဒၣ်စံးဘၣ်ပှၤကိးဂၤဒဲး, “ပှၤမ့ၢ်သးအိၣ်ပိာ်ယခံတဂၤဂၤန့ၣ်, အဝဲဒၣ်ကဘၣ်ညိကွံာ်အသး, ဟံးထီၣ်အထူၣ်စုညါကိးနံၤဒဲးဒီးကဲထီၣ်ယပျဲၢ်ယဘီၣ်လီၤ.

ဖံလံးပံၤ 3:13

ယဒီပုၢ်ဝဲၢ်သ့ၣ်ဧၢ, ယတဆိကမိၣ်လၢယဒိးန့ၢ်လံတၢ်န့ၣ်ဘၣ်. မ့မ့ၢ်, တၢ်ထဲတမံၤဧိၤလၢယမၤအီၤန့ၣ်မ့ၢ်တၢ်သးပ့ၤနီၣ်ကွံာ် တၢ်အိၣ်လၢယလီၢ်ခံ, ဒီးယကျဲးစၢးအဂ့ၤကတၢၢ်ဒ်သိးယကတုၤဃီၤဆူတၢ်အိၣ်လၢ ယမဲာ်ညါန့ၣ်လီၤ.

၂ ပ့းတရူး 3:8

ယတံၤသကိးသးဘိသ့ၣ်ဧၢ, တဘၣ်သးပ့ၤနီၣ်တၢ်တမံၤ အံၤတဂ့ၤ. လၢကစၢ်အမဲာ်ညါန့ၣ်, မုၢ်တနံၤဒီးအနံၣ် တကထိအဘၢၣ်စၢၤတၢ်လီၤဆီတအိၣ်ဘၣ်. လၢအဝဲအဂီၢ်တၢ်ခံမံၤအံၤမ့ၢ်ဒၣ်တၢ်ဒ်သိးသိးလီၤ.