လံာ်လူၤကၣ် 18:18 - Sgaw Karen Common Bible

¹⁸ ပှၤယူဒၤဖိအခိၣ်အနၢ်တဂၤသံကွၢ်ယ့ၣ်ၡူး, “သရၣ်လၢအဂ့ၤတဂၤဧၢ, ဒ်သိးယကဒိးန့ၢ်ဘၣ်တၢ်မူအထူအယိာ်အဂီၢ်န့ၣ်, ယကဘၣ်မၤယဲဒ်လဲၣ်.”

လံာ်လူၤကၣ် 18:18 Iomraidhean Croise

လံာ်ယဃ့းစက့လး 33:31

လၢတၢ်န့ၣ်အဃိ, ယပှၤဂီၢ်မုၢ်ပာ်ဖှိၣ်ထီၣ်အသးဒ်သိးကနၢ်ဟူ တၢ်လၢနကစံးအီၤ, ဘၣ်ဆၣ်အဝဲသ့ၣ်တမၤတၢ်လၢနတဲဘၣ် အဝဲသ့ၣ်လၢကဘၣ်မၤဝဲန့ၣ်ဘၣ်. တၢ်ကတိၤတဖၣ်လၢအလီၤ အဲၣ်လီၤကွံန့ၣ်အိၣ်ဝဲလၢအနိးဖံးတဖၣ်အလိၤ, ဘၣ်ဆၣ်အဝဲသ့ၣ် မၤထွဲဒံးဒၣ်အတၢ်သူၣ်လီသးကွံအကျဲတဖၣ်န့ၣ်လီၤ.

လံာ်မၤလကံ 1:6

တၢ်သုးမုၢ်ဂီၢ်မုၢ်အယွၤစံးဘၣ်ပှၤလုၢ်တၢ်အခိၣ်တဖၣ်ဒ်အံၤ, “ဖိခွါမၤလၤကပီၤအပၢ်, ဒီးတၢ်ခ့တၢ်ပှၤမၤလၤကပီၤအကစၢ်လီၤ. ယဲဒၣ်အံၤယမ့ၢ်သုပၢ်လီၤ, ဘၣ်မနုၤအဃိသုတမၤလၤကပီၤယၤလဲၣ်. ယဲဒၣ်အံၤယမ့ၢ်သုကစၢ်, ဘၣ်မနုၤအဃိသုတပာ်ကဲယၤလဲၣ်. သုမၤတရီတပါယၤဒီးသုသံကွၢ်, ပမၤတရီတပါနၤဒ်လဲၣ်.”

လံာ်လူၤကၣ် 18:19

ယ့ၣ်ၡူးသံကွၢ်အီၤ, “ဘၣ်မနုၤအဃိနကိးယၤလၢပှၤအဂ့ၤလဲၣ်. ပှၤအဂ့ၤတအိၣ်နီတဂၤဘၣ်, အိၣ်ထဲကစၢ်ယွၤတဂၤဧိၤလီၤ.

လံာ်လူၤကၣ် 6:46

“ဘၣ်မနုၤအဃိသုကိးယၤ, ‘ကစၢ်ဧၢ, ကစၢ်ဧၢ,’ ဒီးသုတမၤတၢ်လၢယတဲသုန့ၣ်လဲၣ်.

မၤတၢ် 16:30

အန့ၣ်ဝံၤ အဝဲဒၣ်ဆှၢထီၣ်အဝဲသ့ၣ်ဆူခိဒီးသံကွၢ်အီၤ, “တၢ်ဒိၣ်သ့ၣ်ဧၢ, ဒ်သိးယကဘၣ်တၢ်အုၣ်က့ၤခီၣ်က့ၤယၤ အဂီၢ်န့ၣ်, ယကဘၣ်မၤမနုၤလဲၣ်.”

မၤတၢ် 2:37

တုၤပှၤတဖၣ်နၢ်ဟူဘၣ်တၢ်လၢစီၤပ့းတရူးစံးတ့ၢ်ဝဲအံၤန့ၣ်, အဝဲသ့ၣ်အသးဘၣ်ဒိဘၣ်ထံးနးမးဒီးစံးဘၣ်စီၤပ့းတရူးဒီး ပှၤတၢ်မၢဖိအဂၤတဖၣ်, “ဒီပုၢ်ဝဲၢ်သ့ၣ်ဧၢ, ပကမၤဘၣ်ဒ်လဲၣ်.”