လံာ်လူၤကၣ် 18:10 - Sgaw Karen Common Bible

¹⁰ “ပှၤခံဂၤလဲၤထီၣ်ဆူတၢ်လုၢ်ဟံၣ်ဒ်သိးအကဃ့ဘါထုကဖၣ်တၢ်လီၤ. တဂၤန့ၣ်မ့ၢ်ဝဲပှၤဖၤရံၤၡဲ ဒီးအဂၤတဂၤမ့ၢ်ဝဲပှၤဃ့သွဲလီၤ.

လံာ်လူၤကၣ် 18:10 Iomraidhean Croise

လံာ်စီၤပၤအခီၣ်ထံးတဘ့ၣ် 10:5

အဝဲထံၣ်ဘၣ်တၢ်အီၣ်တၢ်အီလၢအဘၣ်တၢ်ပာ်လီၤအီၤလၢအစီၢ်နီၤ ခိၣ်, အပဒိၣ်ပပှၢ်တဖၣ်အတၢ်အိၣ်တၢ်ဆိးအလီၢ်သ့ၣ်တဖၣ်, အဝဲအတၢ်ကရၢကရိထီၣ်ပှၤမၤတၢ်လၢနီပူၤတဖၣ်ဒီးတၢ်ကူတၢ်ကၤ လၢအဒ်သိးသိးလၢအဝဲသ့ၣ်ကူသိးဝဲ, အခ့အပှၤတဖၣ်လၢအပာ်လီၤန့ၢ်အီၤလီခီတဖၣ်ဖဲအဝဲအီၣ်တၢ်အခါ ဒီးတၢ်လုၢ်တၢ်ပာ်တဖၣ်လၢအဝဲလုၢ်ထီၣ်ဝဲလၢယွၤအတၢ်လုၢ်ဟံၣ် အပူၤန့ၣ်လီၤ. တၢ်န့ၣ်မ့ၢ်တၢ်လၢအဒုးကမၢကမၣ်အီၤဒီးမၤသးလီၤကတုၤအီၤန့ၣ် လီၤ.

လံာ်စီၤပၤအခီၣ်ထံးတဘ့ၣ် 8:30

ဒိကနၣ်လၢ်ယတၢ်ထုကဖၣ်တဖၣ်, ဒီးနပှၤဂီၢ်မုၢ်တဖၣ်အတၢ်ထု ကဖၣ်တဖၣ်ဖဲအဝဲသ့ၣ်ကွၢ်ဃီၤတၢ်လီၢ်အံၤဒီးဃ့ထုကဖၣ်အခါန့ၣ် တက့ၢ်. လၢနဟံၣ်အိၣ်ဝဲလၢမူခိၣ်အပူၤန့ၣ်, ဒိကနၣ်လၢ်ပှၤဒီးပျၢ်လၢ်ပတၢ်ကမၣ်န့ၣ်တက့ၢ်.

လံာ်စီၤပၤခံဘ့ၣ်တဘ့ၣ် 20:5

ကက့ၤကဒါက့ၤဆူယွၤအပှၤဂီၢ်မုၢ်အပှၤပၢတၢ်စီၤဃံးစကံယၤ အအိၣ်ဒီးစံးဘၣ်အီၤ, “ယၤ, ကစၢ်, နပၢ်ဖးဒိၣ်လၢပျၢၤစီၤဒၤဝံးကစၢ်အယွၤ, နၢ်ဟူလံနတၢ်ထုကဖၣ်ဒီးထံၣ်လံ နမဲာ်ထံတဖၣ်လံ. ယကမၤဘျါက့ၤနၤဒီး, ဒီးလၢသၢသီ အတီၢ်ပူၤန့ၣ်နကလဲၤဆူယွၤအတၢ်လုၢ်ဟံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 20:8

စီၤပၤဃံးစကံယၤသံကွၢ်ဝဲဒၣ်, “တၢ်အပနီၣ်လၢကအုၣ်အသးလၢ ယွၤကမၤဘျါက့ၤယၤဒီးသၢသီဝံၤအလီၢ်ခံယလဲၤဆူယွၤအတၢ်လုၢ် ဟံၣ်ကသ့န့ၣ်, မ့ၢ်မနုၤလဲၣ်.”

လံာ်မးသဲ 10:3

စီၤဖံလံးပူးဒီးစီၤဘၢ်သလီးမဲ, စီၤသိၤမါဒီးပှၤဃ့သွဲ ဖိစီၤမးသဲ, စီၤယၤကိာ်လၢအမ့ၢ်စီၤအၤလဖဲအဖိခွါ, ဒီးစီၤလ့းဘဲကိးဝဲအမံၤသီလၢစီၤသးဒဲ,

လံာ်လူၤကၣ် 19:46

ဒီးစံးဘၣ်အဝဲသ့ၣ်, “တၢ်ကွဲးအသးစီဆှံပာ်ဖျါလၢကစၢ်ယွၤစံးဝဲ, ‘ယဟံၣ်ကဘၣ်တၢ်ကိးအီၤလၢတၢ်ထုကဖၣ်အဟံၣ်လီၤ.’ ဘၣ်ဆၣ်ဒီးသုဒုးကဲထီၣ်အီၤလၢတၢ်ဟုၣ်တၢ်ဘျၣ်တဖၣ်အတၢ်အိၣ် ခူသူၣ်အလီၢ်အကျဲလံ.”

မၤတၢ် 26:5

အဝဲသ့ၣ်မ့ၢ်သးဆူၣ်လၢအကအုၣ်အသးလၢယဂ့ၢ်န့ၣ်, အဝဲသ့ၣ် သ့ၣ်ညါတ့ၢ်ဝဲယံာ်တ့ၢ်မးလၢယဘၣ်ဃးဒီးပှၤဖၤရံၤၡဲတဖၣ်, ပှၤလၢအဟံးဃာ်တၢ်ဘူၣ်တၢ်ဘါအတၢ်သိၣ်တၢ်သီအဃံး ကတၢၢ်တဖုန့ၣ်လီၤ.

မၤတၢ် 3:1

တနံၤဖဲမုၢ်ဃ့ၢ်လီၤသၢနၣ်ရံၣ်တၢ်ဘါထုကဖၣ်အကတီၢ်န့ၣ်, စီၤပ့းတရူးဒီးစီၤယိၤဟၣ်လဲၤဝဲဆူတၢ်လုၢ်ဟံၣ်လီၤ.

ဖံလံးပံၤ 3:5

ယဘၣ်တၢ်ကူးတရံးယၤဖဲယသးအိၣ်တနွံအဆၢကတီၢ် န့ၣ်လီၤ. ယမ့ၢ်ပှၤအံၣ်စရ့လးဖိတဂၤလၢယအိၣ်ဖျဲၣ်ထီၣ်လံၤလံၤ, ယဘၣ်ဃးဒီးစီၤဘံၣ်ယၤမံၣ်အဒူၣ်, ဒီးမ့ၢ်ပှၤဧ့ၤဘြံၤဖိအသွံၣ် ဆှံဆှံတဂၤန့ၣ်လီၤ. ဖဲလၢအဘၣ်ဃးဒီးတၢ်အိၣ်မူပိာ်ထွဲပှၤယူဒၤဖိအတၢ်သိၣ် တၢ်သီန့ၣ်, ယမ့ၢ်ပှၤဖၤရံၤၡဲဖိတဂၤ,