လံာ်လူၤကၣ် 17:8 - Sgaw Karen Common Bible

⁸ တမ့ၢ်လ့ၤတက့ၤဘၣ်. မ့မ့ၢ်သုစံးဘၣ်အီၤ, ‘ကတဲာ်ကတီၤန့ၢ်ယတၢ်အီၣ်ဝံၤဒီး ကံၢ်တူာ်နယီၢ်ဒ့လၢတၢ်ကံးယာ်ဒီးအိၣ်ခိးကွၢ်ထွဲယတၢ်လိၣ်ဖဲ ယအီၣ်တၢ်အဆၢကတီၢ်န့ၣ်တက့ၢ်. အန့ၣ်ဝံၤအလီၢ်ခံနအီၣ်တၢ်သ့ဝဲလီၤ.’

လံာ်လူၤကၣ် 17:8 Iomraidhean Croise

လံာ်တၢ်ကဲထီၣ်အခီၣ်ထံး 43:16

ဖဲစီၤယိၤသးထံၣ်ဘၣ်စီၤဘံၣ်ယၤမံၣ်ဟဲဃုာ်ဒီးအဝဲသ့ၣ်န့ၣ် စံးဘၣ်အဟံၣ်အခ့အပှၤတဖၣ်အခိၣ်တဂၤ, “လဲၤကိးပှၤသ့ၣ်တဖၣ်အံၤဆူယဟံၣ်တက့ၢ်. အဝဲသ့ၣ်ကအီၣ်မုၢ်ထူၣ်အတၢ်အီၣ်ဒီးယၤန့ၣ်လီၤ. အဃိမၤသံဆၣ်ဖိကီၢ်ဖိတဒုဒီးကတဲာ်ကတီၤအီၤတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 12:20

စီၤဒၤဝံးဂဲၤဆၢထၢၣ်လၢဟီၣ်ခိၣ်လိၤ, လုၢ်ထံလုၢ်နိ, ခွံထီၣ်အခိၣ်သူ, ဒီးလဲလိာ်အကူအသိးတဖၣ်န့ၣ်လီၤ. အန့ၣ်ဝံၤဒီး, အဝဲလဲၤဘူၣ်ထီၣ်ဘါထီၣ်တၢ်လၢယွၤအဟံၣ်ပူၤန့ၣ်လီၤ. ဖဲအဝဲဟဲက့ၤဆူနူၢ်ပူၤစီၤပူၤန့ၣ်အဝဲဃ့အီၣ်တၢ်ဒီးအီၣ်ဝဲတဘျီဃီ ဖဲပှၤဟဲပာ်လီၤန့ၢ်အီၤန့ၣ်လီၤ.

လံာ်လူၤကၣ် 12:37

တၢ်ခ့တၢ်ပှၤ, လၢအကစၢ်ထံၣ်လၢအဆိးသီဒီးအိၣ်ကတဲာ်ကတီၤအသးဖဲ အဝဲဒၣ်ဟဲက့ၤန့ၣ်, ဘၣ်ဆိၣ်ဂ့ၤဝဲလီၤ. ယစံးဘၣ်သု, အဝဲဒၣ်ကစၢဃံးထီၣ်အယီၢ်တကိး, ဒုးဆ့ၣ်နီၤအဝဲသ့ၣ်, ဒီးကမၤအခ့အပှၤအတၢ်မၤလၢအဝဲသ့ၣ်အဂီၢ်လီၤ.

လံာ်လူၤကၣ် 17:7

“ပစံးဒၣ်ကလိာ်, သုဝဲအကျါတဂၤအိၣ်ဒီးတၢ်ခ့တၢ်ပှၤတဂၤလၢအထူစံာ်, မ့တမ့ၢ်ကွၢ်သိန့ၣ်လီၤ. ဖဲအဝဲဒၣ်ဟဲက့ၤလၢစံာ်ပျီပူၤန့ၣ်, မ့ၢ်သုစံးဘၣ်အီၤ, ‘မၤချ့ချ့ဒီးအီၣ်တၢ်တက့ၢ်’ န့ၣ်ဧါ.

လံာ်လူၤကၣ် 17:9

အလီၢ်တအိၣ်လၢတၢ်ခ့တၢ်ပှၤတဂၤကဘၣ်တၢ်စံးဘျုးစံးဖှိၣ်အီၤလၢ အစူၢ်တၢ်အကလုၢ်အဃိန့ၣ်ဘၣ်.

လံာ်ယိၤဟၣ် 13:4

လၢတၢ်န့ၣ်အဃိ, အဝဲဂဲၤဆၢထၢၣ်လၢတၢ်အီၣ်အလီၢ်, ဘ့ၣ်လီၤကွံာ်အဆ့ကၤဖီခိၣ်, ဒီးစၢဃာ်အယီၢ်ဒ့လၢတၢ်ကံး ယာ်လၢပှၤထွါပှၤလိၤတဘ့ၣ်န့ၣ်လီၤ.