လံာ်လူၤကၣ် 17:5 - Sgaw Karen Common Bible

⁵ တၢ်မၢဖိတဖၣ်စံးဘၣ်ကစၢ်, “မၤအါထီၣ်ပတၢ်စူၢ်တၢ်နာ်တက့ၢ်.”

လံာ်လူၤကၣ် 17:5 Iomraidhean Croise

လံာ်မၢ်ကူး 6:30

ပှၤတၢ်မၢဖိတဖၣ် ဟဲက့ၤဆူယ့ၣ်ၡူးအအိၣ်ဒီးစံးဘၣ်တဲဘၣ် အီၤလၢကယဲၢ်တၢ်လၢအဝဲသ့ၣ်မၤတ့ၢ်ဝဲဒီးသိၣ်လီၤသီလီၤတ့ၢ်ဝဲ တဖၣ်န့ၣ်လီၤ.

လံာ်မၢ်ကူး 9:24

တဘျီဃီပၢ်တဂၤကိးထီၣ်လၢအကလုၢ်ဖးဒိၣ်ဒီးစံးဝဲ, “ယနာ်လီၤ. ဘၣ်ဆၣ်မ့ၢ်တၢ်နာ်လၢအဆံးအစှၤဒံးအဃိ, မၤစၢၤယၤလၢယကအိၣ်ဒီးတၢ်နာ်လၢအအါန့ၣ်တက့ၢ်.”

လံာ်လူၤကၣ် 7:13

ဖဲကစၢ်ထံၣ်ပိာ်မုၣ်အဝဲန့ၣ်, အဝဲဒၣ်အသးပူၤပှဲၤဒီးတၢ်သးကညီၤဘၣ်အီၤ, ဒီးစံးဘၣ်ပိာ်မုၣ်န့ၣ်, “တဘၣ်ဟီၣ်တဂ့ၤ.”

လံာ်လူၤကၣ် 7:19

ဒီးဆှၢအီၤဆူကစၢ်အအိၣ်ဒ်သိးအကသံကွၢ်အီၤ, “နမ့ၢ်နဲပှၤတဂၤလၢစီၤယိၤဟၣ်စံးလၢအကဟဲန့ၣ်ဧါ. မ့တမ့ၢ်ဘၣ်ဒီး, မ့ၢ်ပကဘၣ်အိၣ်ခိးကွၢ်လၢ်ပှၤတဂၤဒၣ်ဒံးဧါ.”

ဖံလံးပံၤ 4:13

ယအိၣ်ဒီးတၢ်ဂံၢ်တၢ်ဘါလၢယကကွၢ်ဆၢၣ်မဲာ်တၢ်မၤ အသးခဲလၢာ်လၢတၢ်စိကမီၤလၢခရံာ်ဟ့ၣ်လီၤယၤန့ၣ်လီၤ.

၂ သ့းစၤလနံ 1:3

ဒီပုၢ်ဝဲၢ်သ့ၣ်ဧၢ, ပဘၣ်စံးဘျုးကစၢ်ယွၤကိးဆၢကိးကတီၢ် ဒဲးလၢသုဃိလီၤ. မ့ၢ်တၢ်အကြၢးအဘၣ်တမံၤလၢပဂ့ၤမၤ အီၤလီၤ. အဂ့ၢ်ဒ်အံၤသုတၢ်စူၢ်တၢ်နာ်ဒိၣ်ထီၣ်ဝဲအဒိၣ်အအါ, ဒီးသုတၢ်အဲၣ်လိာ်ကွံလိာ်သုသးဒိၣ်ထီၣ်အါထီၣ်ဝဲဒၣ်လီၤ.

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.