လံာ်လူၤကၣ် 17:30 - Sgaw Karen Common Bible

³⁰ တၢ်ကမၤအသးဒ်န့ၣ်အသိးဖဲမုၢ်တနံၤလၢပှၤကညီဖိခွါဘၣ် တၢ်လီၣ်ဖျါထီၣ်အီၤန့ၣ်လီၤ.

လံာ်လူၤကၣ် 17:30 Iomraidhean Croise

လံာ်မးသဲ 16:27

အဂ့ၢ်ဒ်အံၤ, ပှၤကညီဖိခွါအံၤကဟဲဝဲဒီးပၢ်အလၤကပီၤ, အိၣ်ဃုာ်ဒီးအကလူးတဖၣ်လီၤ. တုၤနုၤတစု, ကဟ့ၣ်ဘူးဟ့ၣ်လဲ ပှၤကညီကိးဂၤဒဲးဒ်အကြၢးဒီးတၢ်လၢအဝဲသ့ၣ်မၤတ့ၢ်ဝဲအသိးန့ၣ်လီၤ.

လံာ်မးသဲ 24:3

ဖဲယ့ၣ်ၡူးဆ့ၣ်နီၤဝဲလၢကစၢၢ်သ့ၣ်စၤယံးအဒီခိၣ်န့ၣ်, အပျဲၢ်အဘီၣ်တဖၣ်ဟဲဆူအအိၣ်ကစုဒုဒီးစံးဘၣ်အီၤ, “တဲဘၣ်ပှၤတက့ၢ်. တၢ်အံၤတဖၣ်ကမၤအသးအခါဖဲလဲၣ်. ဒီးတၢ်မနုၤကမၤအသးလၢအကဒုးနဲၣ်ပှၤလၢနတၢ်ဟဲက့ၤဒီးတၢ် အစိၤအကတၢၢ်န့ၣ်လဲၣ်.”

လံာ်မးသဲ 24:37

ပှၤကညီဖိခွါအတၢ်ဟဲန့ၣ်ကလီၤဂာ်ဒ်တၢ်မၤအသးလၢစီၤနိအၤ အမုၢ်နံၤတဖၣ်အသိးန့ၣ်လီၤ.

လံာ်မးသဲ 24:39

ဘၣ်ဆၣ်ဒီး, တချုးလၢထံလုၣ်ဘၢတၢ်ဒီးစိာ်ကွံာ်အဝဲသ့ၣ်ဒံးဘၣ် န့ၣ်, ပှၤတဖၣ်အံၤတသ့ၣ်ညါတၢ်လၢအမၤသးန့ၣ်ဘၣ်. တၢ်ကမၤအသးဒ်သိးအံၤဖဲပှၤကညီဖိခွါဟဲဝဲန့ၣ်လီၤ.

လံာ်မးသဲ 26:64

ယ့ၣ်ၡူးစံးဆၢအီၤ, “နစံးတ့ၢ်လံနဲလံ. မ့မ့ၢ်ယတဲဘၣ်သုခဲလၢာ် လၢစးထီၣ်ခဲအံၤဒီးဆူညါသုကထံၣ်ပှၤကညီဖိခွါဆ့ၣ်နီၤလၢတၢ် သ့တၢ်လၢာ်တဂၤအစုထွဲဒီးဟဲဒိးဝဲမူခိၣ်အတၢ်အၢၣ်တဖၣ်လီၤ.”

လံာ်မၢ်ကူး 13:26

တုၤနုၤတစုပှၤကထံၣ်ဘၣ်ပှၤကညီဖိခွါဟဲလီၤဝဲလၢတၢ် အၢၣ်တဖၣ်အကျါ, အိၣ်ဒီးတၢ်စိဒိၣ်ကမီၤဒိၣ်ဒီးတၢ်လၤ တၢ်ကပီၤန့ၣ်လီၤ.

လံာ်လူၤကၣ် 17:24

ဒ်လီဝၢ်အဒံးလၢမူကပိာ်လိၤတကပၤမၤကပီၤထီၣ်မူခိၣ်ဒီဘ့ၣ်ညါတုၤလၢ အကတၢၢ်တကပၤအသိးန့ၣ်, ပှၤကညီဖိခွါကမ့ၢ်တၢ်ဒ်န့ၣ်အသိးဖဲအဝဲဒၣ်အမုၢ်နံၤတနံၤ န့ၣ်လီၤ.

လံာ်လူၤကၣ် 17:29

ဖဲမုၢ်တနံၤလၢစီၤလိာ်ဟးထီၣ်ကွံာ်လၢဝ့ၢ်စဒိၣ်န့ၣ်, တၢ်ဟဲစူၤလီၤလၢမ့ၣ်အူဒီးကးလၢမူခိၣ်, ဒီးမၤသံကွံာ်အဝဲသ့ၣ်ကိးဂၤဒဲးလီၤ.

လံာ်လူၤကၣ် 21:22

အဂ့ၢ်ဒ်အံၤ, တၢ်အံၤတဖၣ်မ့ၢ်ဝဲတၢ်စံၣ်ညီၣ်အမုၢ်နံၤမုၢ်သီတဖၣ် လၢအကမၤလၢထီၣ်ပှဲၤထီၣ်တၢ်ခဲလၢာ်ခဲဆ့လၢတၢ်ကွဲး အသးစီဆှံစံးဝဲလၢအဂ့ၢ်န့ၣ်လီၤ.

လံာ်လူၤကၣ် 21:27

တုၤနုၤတစု, ပှၤကညီဖိခွါကဟဲအိၣ်ဖျါထီၣ်လၢတၢ်အၢၣ်အပူၤ, အိၣ်ဒီးတၢ်စိတၢ်ကမီၤဒီးတၢ်လၤတၢ်ကပီၤအဒိၣ်အမုၢ်လီၤ.

1 ကရံၣ်သူး 1:7

ဖဲသုအိၣ်ခိးတၢ်ကလီၣ်ဖျါထီၣ်ပကစၢ်ယ့ၣ်ၡူးခရံာ်အဖၢမုၢ် န့ၣ်တၢ်ဆိၣ်ဂ့ၤဆိၣ်ဝါထဲတမံၤဒၣ်လဲာ်, သုတလီၤတိၢ်လၢသုကဒိး န့ၢ်အီၤန့ၣ်ဘၣ်.

1 ကရံၣ်သူး 1:8

အဝဲဒၣ်ကဒုးအိၣ်ဂၢၢ်အိၣ်ကျၢၤစ့ၢ်ကီးသုတုၤလၢအကတၢၢ်, ဒ်သိးဖဲပကစၢ်ယ့ၣ်ၡူးခရံာ်အမုၢ်တနံၤန့ၣ်, သုကအိၣ်ပူၤပူၤဖျဲးဖျဲးဒီးတၢ်သရူးကမၣ်အဂီၢ်န့ၣ်လီၤ.

ကလီးစဲ 3:4

သုတၢ်မူနီၢ်နီၢ်မ့ၢ်ခရံာ်ဒီးတုၤခရံာ်ဒုးနဲၣ်ဖျါကဒီးအသး အိၣ်ဒီးအစိကမီၤအလၤကပီၤန့ၣ်ဒီး, သုဝဲစ့ၢ်ကီးသုကအိၣ်ဖျါထီၣ်ဃုာ်ဒီးအီၤဒီးဒိးဃုာ်တၢ်လၤ ကပီၤဒီးအီၤန့ၣ်လီၤ.

၂ သ့းစၤလနံ 1:7

အဝဲဒၣ်ကမၤမုာ်ထီၣ်က့ၤသုဝဲလၢအတူၢ်ဘၣ်တၢ်နး တၢ်ဖှီၣ်, ဒီးပဝဲဒၣ်စ့ၢ်ကီးလီၤ. အဝဲဒၣ်ကမၤတၢ်အံၤဖဲကစၢ်ယ့ၣ်ၡူးအိၣ်ဖျါထီၣ်လၢမူခိၣ်ဃုာ် ဒီးအကလူးလၢအအိၣ်ဒီးအစိအကမီၤတဖၣ်,

၁ ပ့းတရူး 1:13

လၢတၢ်န့ၣ်အဃိ, ကတဲာ်ကတီၤသုသးလၢတၢ်မၤအဂီၢ် တက့ၢ်. ကီၤသုသးဒီးပာ်လီၤသုတၢ်မုၢ်လၢ်လၢာ်လၢာ်ဆ့ဆ့ လၢတၢ်ဘျုးတၢ်ဖှိၣ်အဖီခိၣ်, လၢတၢ်ကဟ့ၣ်လီၤသုဖဲယ့ၣ်ၡူးခရံာ်ဘၣ်တၢ်လီၣ်ဖျါထီၣ်အီၤ အဆၢကတီၢ်န့ၣ်တက့ၢ်.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.

၁ ပ့းတရူး 4:13

မ့မ့ၢ်သးခုသုဝဲလၢသုတူၢ်ဃုာ်ဘၣ်ခရံာ်အတၢ်နးတၢ်ဖှီၣ် တဖၣ်, ဒ်သိးသုကလၢပှဲၤဒီးတၢ်သးခုဖဲအဝဲဒၣ်အလၤကပီၤ ဘၣ်တၢ်လီၣ်ဖျါထီၣ်အီၤန့ၣ်တက့ၢ်.

၁ ယိၤဟၣ် 2:28

ဒီးခဲအံၤယဖိယလံၤသ့ၣ်ဧၢ, အိၣ်ဆိးလၢခရံာ်အပူၤဒ်သိး ပကလၢပှဲၤဒီးတၢ်သူၣ်ဒူသးဒူဖဲအဝဲအိၣ်ဖျါထီၣ်ဒီးဖဲအဟဲဝဲ အမုၢ်တနံၤန့ၣ်, ပသုတအိၣ်ခူသူၣ်ဘၣ်လၢတၢ်မဲာ်ဆှးအပူၤ တဂ့ၤန့ၣ်တက့ၢ်.

၁ ယိၤဟၣ် 3:2

ယတံၤသကိးသးဘိသ့ၣ်ဧၢ, ခဲအံၤပမ့ၢ်ကစၢ်ယွၤအဖိ တဖၣ်လီၤ. ဘၣ်ဆၣ်ဒီးပကမ့ၢ်တၢ်ဒ်လဲၣ်ဒ်လဲၣ်န့ၣ်, တၢ်တဒုးသ့ၣ်ညါပှၤဒံးဘၣ်. ဘၣ်ဆၣ်ဒီး, ပသ့ၣ်ညါလၢဖဲခရံာ်အိၣ်ဖျါထီၣ်န့ၣ်, ပကလီၤဂာ်ဒီးအီၤမ့ၢ်လၢ ပကထံၣ်အီၤဒ်အဝဲမ့ၢ်တၢ်နီၢ်နီၢ်အသိးအဃိန့ၣ်လီၤ.

လံာ်လီၣ်ဖျါ 1:7

ကွၢ်ကွၢ်အဝဲဒၣ်ဟဲဝဲလၢတၢ်အၢၣ်တဖၣ်အဖီခိၣ်လီၤ. ပှၤကိးဂၤဒဲးဃုာ်ဒီးပှၤလၢအဆဲးဖျိဒီးမၤသံအီၤ တဖၣ်ကထံၣ်ဘၣ်အီၤလီၤ. ပှၤလၢဟီၣ်ခိၣ်ချၢကိးကလုာ်ဒဲး ကဟီၣ်ကယၢၤလၢအဝဲဒၣ်အဃိန့ၣ်လီၤ. မ်တၢ်ကမၤဒၣ်ဝဲအသးဒ်န့ၣ်အသိးတက့ၢ်.