လံာ်လူၤကၣ် 17:27 - Sgaw Karen Common Bible

²⁷ ပှၤအီၣ်တၢ်ဒီးအီတၢ်, န့ၢ်မါန့ၢ်ဝၤတုၤလီၤမုၢ်တနံၤဖဲစီၤနိအၤလဲၤနုာ်လၢ ကဘီပူၤ, ဒီးထံဒိၣ်ထီၣ် ဒီးပှၤအိၣ်လၢခိတဖၣ်သံကွံာ်ဝဲဒၣ်ကိးဂၤ ဒဲးလီၤ.

လံာ်လူၤကၣ် 17:27 Iomraidhean Croise

လံာ်တၢ်ကဲထီၣ်အခီၣ်ထံး 7:23

ယွၤမၤဟးဂီၤကွံာ်ကယဲၢ်တၢ်လၢအမူအသါခဲလၢာ်လၢဟီၣ်ခိၣ်ဖီ ခိၣ်, ပှၤကညီတဖၣ်, ဆၣ်ဖိကီၢ်ဖိတဖၣ်ဒီးထိၣ်ဖိလံၣ်ဖိ တဖၣ်န့ၣ်လီၤ. ပှၤအိၣ်လီၤတဲာ်ဒၣ်ထဲစီၤနိအၤဒီးပှၤအိၣ်ဒီး အီၤတဖၣ်လၢကဘီပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 7:7

ဒီးစီၤနိအၤဒီးအမါ, အဖိခွါတဖၣ်ဒီးအမါတဖၣ်လဲၤနုာ်ဆူ ကဘီပူၤဒ်သိးကပူၤဖျဲးဝဲလၢထံလုၣ်ဘၢတၢ်န့ၣ်လီၤ.

လံာ်ယၡါယၤ 21:4

ယခိၣ်တရံးအသးဒီးယကနိးကစုာ်လၢတၢ်ပျံၤတၢ်ဖုးအဃိလီၤ. ယဆၢတ့ၢ်မးလၢမုၢ်ဟါကဟဲတုၤအိၣ်ဝဲ, ဘၣ်ဆၣ်တၢ်လၢ အဟဲတုၤအိၣ်ဝဲမ့ၢ်ဒၣ်ထဲတၢ်ပျံၤတၢ်ဖုးလီၤ.

လံာ်ယၡါယၤ 47:11

တၢ်တတၢးတနါကဟဲတုၤအိၣ်နၤ ဒီးနတၢ်မၤကဒါပှၤအမဲာ်တမံၤဂ့ၤတမံၤဂ့ၤ, ဆိကတီၢ်အီၤတန့ၢ်ဘၣ်. တၢ်ဟးဂီၤကလီၤဘၣ်နၤသတူၢ်ကလာ်, တၢ်ဟးဂီၤလၢနတမံမီၢ်တ့ၢ်နီတစုဘၣ်န့ၣ်လီၤ.

လံာ်မးသဲ 22:30

အဂ့ၢ်ဒ်အံၤ, လၢတၢ်ဂဲၤဆၢထၢၣ်သမူထီၣ်က့ၤလၢတၢ်သံအမုၢ် တနံၤန့ၣ်, ပှၤကညီတဖၣ်ကလီၤဂာ်ဒီးကလူးလၢမူခိၣ်တဖၣ်, ဒီးတန့ၢ်မါန့ၢ်ဝၤလၢၤဘၣ်.

လံာ်လူၤကၣ် 17:26

ဒ်တၢ်မၤအသးဖဲစီၤနိအၤအဆၢကတီၢ်အသိးန့ၣ်, တၢ်ကမၤအသးဒ်န့ၣ်အသိးဖဲပှၤကညီဖိခွါအမုၢ်နံၤမုၢ်သီတဖၣ်န့ၣ်လီၤ.

လံာ်လူၤကၣ် 17:28

တၢ်ကမၤအသးဒ်တၢ်မၤတ့ၢ်အသးဖဲစီၤလိာ်အဆၢကတီၢ်အသိးန့ၣ်လီၤ. ပှၤအီၣ်တၢ်ဒီးအီတၢ်, ပှ့ၤတၢ်ဒီးဆါတၢ်, သူၣ်လီၤတၢ်ဒီးဘှီထီၣ်တၢ်ကွ့ၢ်ကွ့ၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:16

ဒီးအဝဲဆှၢစီၤဒၤဝံးဆူအဝဲသ့ၣ်အအိၣ်လီၤ. ပှၤဂုာ်ဆူၣ်ပျိဆူၣ်တၢ်တဖၣ်ရၤလီၤအသးသကုၤတၢ်လီၢ်ကိးပူၤဒဲး, အီၣ်တၢ်အီတၢ်ဒီးမၤမူးလၢအဂုာ်န့ၢ်တၢ်အါအါကလဲာ်လၢကီၢ်ဖလ့ၡသး ဒီးကီၢ်ယူဒၤအဃိန့ၣ်လီၤ.