လံာ်လူၤကၣ် 17:26 - Sgaw Karen Common Bible

²⁶ ဒ်တၢ်မၤအသးဖဲစီၤနိအၤအဆၢကတီၢ်အသိးန့ၣ်, တၢ်ကမၤအသးဒ်န့ၣ်အသိးဖဲပှၤကညီဖိခွါအမုၢ်နံၤမုၢ်သီတဖၣ်န့ၣ်လီၤ.

လံာ်လူၤကၣ် 17:26 Iomraidhean Croise

လံာ်တၢ်ကဲထီၣ်အခီၣ်ထံး 6:5

ဒီးတုၤယွၤထံၣ်ဝဲလၢပှၤကိးဂၤဒဲးလၢဟီၣ်ခိၣ်ချၢသ့ၣ်တဖၣ် အံၤတတီတလိၤနးမး, ဒီးအတၢ်ဆိကမိၣ်ဆိကမးလၢအသးပူၤတမံၤလၢ်လၢ်မ့ၢ်ထဲတၢ်အၢတၢ် သီန့ၣ်,

လံာ်တၢ်ကဲထီၣ်အခီၣ်ထံး 6:7

တုၤဒၣ်လဲာ်အစံးဝဲ, “ယကတြူာ်ကွံာ်ပှၤဂီၢ်မုၢ်အံၤလၢယတ့ လီၤတ့ၢ်အီၤ, ဒီးဆၣ်ဖိကီၢ်ဖိဒီးထိၣ်ဖိလံၣ်ဖိသ့ၣ်တဖၣ်စ့ၢ်ကီးန့ၣ်လီၤ. အဂ့ၢ်ဒ်အံၤ, ယသးအုးလၢယတ့လီၤအဝဲသ့ၣ်တဂၤလၢ်လၢ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 6:8

မ့မ့ၢ်ယွၤဘၣ်သူၣ်ဘၣ်သးလၢစီၤနိအၤန့ၣ်လီၤ.

လံာ်ယၡါယၤ 22:13

အခိၣ်တလိၣ်, သုနံၤသုအ့ဒီးမၤတ့ၢ်မူးသးခုလီၤ. သုမၤသံသိဒီးဂီၤဖံးလၢသုကအီၣ်တၢ်အဂီၢ်ဒီးသုအီစပံးထံန့ၣ်လီၤ. သုစံး, “ဂ့ၤပအီၣ်သကိးအီသကိးတခီလီၤ. ခဲဂီၤကိာ်န့ၣ်, ပကသံပဝဲလီၤ.”

လံာ်လူၤကၣ် 17:22

တုၤနုၤတစုအဝဲဒၣ်စံးဘၣ်အပျဲၢ်အဘီၣ်တဖၣ်, “ဆၢကတီၢ်ကတုၤအိၣ်ဝဲဖဲသုကဆၢထံၣ်ဘၣ်ပှၤကညီဖိခွါ အမုၢ်နံၤမုၢ်သီတဖၣ်အကျါတနံၤ, ဘၣ်ဆၣ်ဒီးသုတထံၣ်ဘၣ်သုဝဲဘၣ်.

လံာ်လူၤကၣ် 17:24

ဒ်လီဝၢ်အဒံးလၢမူကပိာ်လိၤတကပၤမၤကပီၤထီၣ်မူခိၣ်ဒီဘ့ၣ်ညါတုၤလၢ အကတၢၢ်တကပၤအသိးန့ၣ်, ပှၤကညီဖိခွါကမ့ၢ်တၢ်ဒ်န့ၣ်အသိးဖဲအဝဲဒၣ်အမုၢ်နံၤတနံၤ န့ၣ်လီၤ.

လံာ်လူၤကၣ် 17:27

ပှၤအီၣ်တၢ်ဒီးအီတၢ်, န့ၢ်မါန့ၢ်ဝၤတုၤလီၤမုၢ်တနံၤဖဲစီၤနိအၤလဲၤနုာ်လၢ ကဘီပူၤ, ဒီးထံဒိၣ်ထီၣ် ဒီးပှၤအိၣ်လၢခိတဖၣ်သံကွံာ်ဝဲဒၣ်ကိးဂၤ ဒဲးလီၤ.

လံာ်လူၤကၣ် 17:7

“ပစံးဒၣ်ကလိာ်, သုဝဲအကျါတဂၤအိၣ်ဒီးတၢ်ခ့တၢ်ပှၤတဂၤလၢအထူစံာ်, မ့တမ့ၢ်ကွၢ်သိန့ၣ်လီၤ. ဖဲအဝဲဒၣ်ဟဲက့ၤလၢစံာ်ပျီပူၤန့ၣ်, မ့ၢ်သုစံးဘၣ်အီၤ, ‘မၤချ့ချ့ဒီးအီၣ်တၢ်တက့ၢ်’ န့ၣ်ဧါ.

လံာ်လူၤကၣ် 18:8

ယစံးဘၣ်တဲဘၣ်သု, အဝဲဒၣ်ကစံၣ်ညီၣ်တီန့ၢ်တၢ်လၢအဝဲသ့ၣ်အဂီၢ်, ဒီးကမၤဝဲချ့ချ့ကလဲာ်လီၤ. ဘၣ်ဆၣ်ဒီးဖဲပှၤကညီဖိခွါဟဲဝဲန့ၣ်, မ့ၢ်အဝဲကထံၣ်ပှၤအိၣ်ဒီးတၢ်စူၢ်တၢ်နာ်လၢဟီၣ်ခိၣ်ချၢန့ၣ်ဧါ.”

ဧ့ၤဘြံၤ 11:7

လၢတၢ်စူၢ်တၢ်နာ်န့ၣ်စီၤနိအၤနၢ်ဟူကစၢ်ယွၤအတၢ်ဟ့ၣ် ပလီၢ်အီၤဘၣ်ဃးဒီးတၢ်ကမၤအသးလၢအတထံၣ်ဘၣ်ဒံးဝဲ တဖၣ်န့ၣ်လီၤ. အဝဲဒၣ်စူၢ်ကစၢ်ယွၤဒီးဘှီထီၣ်ကဘီတဘ့ၣ်လၢ အဝဲဒၣ်အပှၤဟံၣ်ဖိအတၢ်ပူၤဖျဲးအဂီၢ်န့ၣ်လီၤ. လၢတၢ်အံၤအဃိဟီၣ်ခိၣ်ဘၣ်တၢ်စံၢ်ၣ်ညီၣ်အီၤ, ဒီးစီၤနိအၤဒိးန့ၢ်ဘၣ်ကစၢ်ယွၤအတၢ်တီတၢ်လိၤလၢ အတၢ်စူၢ်တၢ်နာ်အီၤအဃိန့ၣ်လီၤ.

၂ ပ့းတရူး 2:5

ကစၢ်ယွၤတပျၢ်ဖျဲးပှၤဟီၣ်ခိၣ်ဖိလၢပျၢၤလၢကစၢၤတဖၣ်ဘၣ်, ဒီးဒုးလုၣ်ဘၢကွံာ်ဟီၣ်ခိၣ်လၢအပှဲၤဒီးပှၤတယူးတယီၣ် ကစၢ်ယွၤလၢထံန့ၣ်လီၤ. ပှၤလၢအအုၣ်က့ၤခီၣ်က့ၤဝဲတဖၣ် မ့ၢ်ဒၣ်ထဲစီၤနိအၤလၢအစံၣ်တဲၤတဲလီၤတၢ်တီတၢ်လိၤ, ဒီးပှၤအဂၤနွံဂၤန့ၣ်လီၤ.

၂ ပ့းတရူး 3:6

ထံလၢအလုၣ်ဘၢဟီၣ်ခိၣ်အံၤန့ၣ်, ဟီၣ်ခိၣ်အလီၢ်လံၤဘၣ်တၢ်မၤဟးဂီၤကွံာ်အီၤလီၤ.