လံာ်လူၤကၣ် 17:20 - Sgaw Karen Common Bible

²⁰ ပှၤဖၤရံၤၡဲတနီၤသံကွၢ်ယ့ၣ်ၡူးလၢကစၢ်ယွၤအဘီအမုၢ်ကဟဲဝဲဒၣ် ဖဲဆၢကတီၢ်မတၤလဲၣ်န့ၣ်လီၤ. အဝဲဒၣ်အတၢ်စံးဆၢမ့ၢ်ဝဲ, “ကစၢ်ယွၤအဘီအမုၢ်တဟဲဝဲလၢကျဲလၢ ပှၤထံၣ်အီၤသ့အပူၤန့ၣ်ဘၣ်.

လံာ်လူၤကၣ် 17:20 Iomraidhean Croise

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်စကၤရယၤ 4:6

ကလူးမၢယတဲဘၣ်စီၤစရူၤဘၤဘ့လးလၢယွၤ အတၢ်ကစီၣ်ဒ်အံၤ, “နကမၤနၢၤတၢ်, ဘၣ်ဆၣ်ဒီးတမ့ၢ်ဘၣ်လၢသုးမုၢ်သံၣ်ဘိအစိ ကမီၤဒီးနဂံၢ်နဘါဒၣ်နဲဘၣ်. မ့မ့ၢ်တခီမ့ၢ်လၢယသးလီၤ.

လံာ်လူၤကၣ် 10:11

‘ဖၣ်ကမူၣ်ဖၣ်ဆါလၢသုဝ့ၢ်ပူၤလၢအအိၣ်ထီဝဲလၢပခီၣ်လၣ် အလိၤတဖၣ်ဒၣ်လဲာ်န့ၣ်, ပတြူာ်ကွံာ်ပဝဲထီဒါသုလီၤ. ဘၣ်ဆၣ်ဒီး, သ့ၣ်နီၣ်ထီၣ်တၢ်အဝဲအံၤတက့ၢ်. ကစၢ်ယွၤအဘီအမုၢ်ဟဲဘူးဒီးသုလံ.’

လံာ်လူၤကၣ် 14:1

တဘျီဖဲမုၢ်အိၣ်ဘှံးအနံၤတနံၤန့ၣ်, ယ့ၣ်ၡူးလဲၤဆူပှၤဖၤရံၤၡဲအခိၣ်အနၢ်အကျါတဂၤအဟံၣ် ဒ်သိးအကအီၣ်တၢ်, ဒီးပှၤဂီၢ်မုၢ်တဖၣ်ကွၢ်ဟုၣ်ကွၢ်စုာ်အီၤလီၤ.

လံာ်လူၤကၣ် 16:16

စီၤမိၤၡ့အတၢ်သိၣ်တၢ်သီဒီးဝံအတၢ်ကွဲးတဖၣ်အိၣ်ဝဲဒၣ်တုၤလၢ ပှၤဘျၢတၢ်စီၤယိၤဟၣ်အဆၢကတီၢ်လီၤ. စးထီၣ်ဖဲန့ၣ် တၢ်သးခု အကစီၣ်ဘၣ်ဃးဒီးကစၢ်ယွၤအဘီအမုၢ်ဘၣ်တၢ်စံၣ်တဲၤတဲလီၤအီၤ, ဒီးပှၤကိးဂၤဒဲးဂုာ်လဲၤနုာ်ဝဲဆူကစၢ်ယွၤအဘီအမုၢ်အပူၤလီၤ.

လံာ်လူၤကၣ် 19:11

ဖဲပှၤဂီၢ်မုၢ်တဖၣ်ဒိကနၣ်တၢ်ကတိၤအဝဲအံၤန့ၣ်, ယ့ၣ်ၡူးကတိၤတၢ်, ဒီးစံးဘၣ်တဲဘၣ်အဝဲသ့ၣ်လၢတၢ်ကတိၤဒိတထံၣ်လီၤ. ဖဲဆၢ ကတီၢ်အဝဲအံၤန့ၣ်, အဝဲဒၣ်လဲၤဘူးအကတုၤဝ့ၢ်ယရူၤၡလ့ၣ်, ဒီးအဝဲသ့ၣ်ဆိကမိၣ်ဝဲလၢ ကစၢ်ယွၤအဘီအမုၢ်ကအိၣ်ဖျါထီၣ်ဝဲတကီၢ်ခါန့ၣ်လီၤ.

လံာ်ယိၤဟၣ် 18:36

ယ့ၣ်ၡူးစံးဆၢတၢ်ဒီးစံးဝဲ, “ယဘီယမုၢ်တဘၣ်ဃးဒီးဟီၣ်ခိၣ် အံၤဘၣ်. ယဘီယမုၢ်မ့ၢ်ဘၣ်ဃးဒီးဟီၣ်ခိၣ်အံၤဒီး, ပှၤလၢအပိာ်ယခံတဖၣ်ကဒုးတၢ်ဒ်သိးတၢ်သုတဟ့ၣ်လီၤ ကွံာ်ယၤဆူပှၤယူဒၤဖိအခိၣ်အနၢ်တဖၣ်အစုပူၤတဂ့ၤအဂီၢ် န့ၣ်လီၤ. ယဘီယမုၢ်တမ့ၢ်တၢ်ဒ်သိးဒီးဟီၣ်ခိၣ်အဘီအမုၢ် န့ၣ်ဘၣ်.”