လံာ်လူၤကၣ် 17:2 - Sgaw Karen Common Bible

² ဆၢၣ်ဂူာ်လၢၢ်မ့ၢ်ဘၣ်တၢ်စၢဃာ်အီၤလၢအကိာ်လိၤဒီး တၢ်တ့ၢ်လီၤအီၤဆူပီၣ်လဲၣ်ပူၤန့ၣ်, ကဂ့ၤဒိၣ်န့ၢ်ဒံးအဝဲဒၣ်ကဒုးမၤပှၤအဆံးတဖၣ်အံၤအကျါတဂၤလၢ တၢ်ဒဲးဘးန့ၣ်တက့ၢ်လီၤ.

လံာ်လူၤကၣ် 17:2 Iomraidhean Croise

လံာ်ယၡါယၤ 40:11

အဝဲကဟုကယာ်အသိတဖုဒ်ပှၤကွၢ်သိတဂၤ အသိးလီၤ. ကပာ်ဖှိၣ်သိဖိတဖၣ်တပူၤဃီ ဒီးစိာ်ထီၣ်အီၤလၢအစုဒုၣ်စုတီၤအလိၤ ဒီးကဆှၢအသိအမိၢ်တဖၣ်ကယီကယီလီၤ.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်မးသဲ 17:27

ဘၣ်ဆၣ်ဒီး, ဒ်သိးပသုတမၤတမုာ်ဘၣ်အဝဲသ့ၣ်အသးတဂ့ၤအဂီၢ်န့ၣ်, လဲၤဆူပီၣ်လဲၣ်, ဒီးစဲၤလီၤနတခွဲဘိတက့ၢ်. ဟံးန့ၢ်ညၣ်အဆိကတၢၢ်လၢနတခွဲန့ၢ်အီၤတဘ့ၣ်, ဒီးအိးထီၣ်အကိာ်ပူၤ, ဒီးနကထံၣ်န့ၢ်စ့တဘ့ၣ်လၢအကလၢဝဲလၢတၢ်လုၢ်ဟံၣ်အခိအသွဲလၢနဂီၢ်, ဒီးလၢယဂီၢ်လီၤ. ဟံးန့ၢ်စ့အဝဲန့ၣ်ဒီး, ဟ့ၣ်လီၤတၢ်လုၢ်ဟံၣ်အခိအသွဲလၢယၤဒီးနၤအဂီၢ်တက့ၢ်.”

လံာ်မးသဲ 18:10

ပလီၢ်သုသးဒ်သိးသုသုတမၤတရီတပါဘၣ်ဖိသၣ်ဆံးဒ်အံၤတဖၣ်နီ တဂၤတဂ့ၤ. အဂ့ၢ်ဒ်အံၤ, ယစံးဘၣ်သု, အဝဲသ့ၣ်အမူခိၣ်ကလူးအိၣ်တထံၣ်ဃီလၢပၢ်အိၣ်လၢ မူခိၣ်အမဲာ်ညါလီၤ.

လံာ်မးသဲ 18:14

ဒ်န့ၣ်အသိး, သုပၢ်အိၣ်လၢမူခိၣ်တဘၣ်အသးလၢပှၤအဆံးလၢအနာ်ယၤတဖၣ် အကျါတဂၤ, ကလီၤမၢ်ဝဲန့ၣ်ဘၣ်.

လံာ်မးသဲ 26:24

ပှၤကညီဖိခွါအံၤကဘၣ်သံဝဲ ဒ်တၢ်ကွဲးအသးစီဆှံစံးတ့ၢ်ဝဲ အသိးလီၤ. ဘၣ်ဆၣ်ဒီး, ပှၤကညီလၢအဆါလီၤကွံာ်ပှၤကညီဖိခွါအံၤကဘၣ်အဖှီၣ်ဆံးဒိၣ် လဲၣ်. အဝဲမ့ၢ်တအိၣ်ဖျဲၣ်ထီၣ်ဘၣ်န့ၣ်, ကဂ့ၤဒိၣ်ဒၣ်တၢ်တက့ၢ်လၢအဂီၢ်လီၤ.”

လံာ်မၢ်ကူး 9:42

ပှၤတဂၤလၢ်လၢ်လၢအမၤဘၣ်ပှၤအဆံးလၢအနာ်က့ၤယၤ တဖၣ်အကျါတဂၤဂၤဒ်သိးအတၢ်နာ်လၢယပူၤကဟးဂီၤကွံာ်အဂီၢ်န့ၣ်, ဂ့ၤတက့ၢ်လၢတၢ်စၢထီၣ်ဆၢၣ်ဂူာ်လၢၢ်ဖးဒိၣ်လၢအကိာ်လိၤ ဒီးတ့ၢ်လီၤကွံာ်အီၤဆူပီၣ်လဲၣ်ပူၤလီၤ.

လံာ်ယိၤဟၣ် 21:15

အဝဲသ့ၣ်အီၣ်ဂီၤတၢ်အီၣ်ဝံၤဒီး, ယ့ၣ်ၡူးစံးဘၣ်စီၤၡံမိၣ် ပ့းတရူး, “စီၤယိၤနါအဖိခွါစီၤၡံမိၣ်ဧၢ, မ့ၢ်နအဲၣ်ယၤအါန့ၢ်ဒံးအဝဲသ့ၣ်တဖၣ်အဲၣ်ယၤန့ၣ်ဧါ.” အဝဲစံးဆၢဝဲ, “ကစၢ်ဧၢ, မ့ၢ်လီၤ, နသ့ၣ်ညါလၢယအဲၣ်နၤလီၤ.” ယ့ၣ်ၡူးစံးဘၣ်အီၤ “လုၢ်အီၣ်လုၢ်အီယသိဖိတဖၣ်တက့ၢ်.”

1 ကရံၣ်သူး 9:15

ဘၣ်ဆၣ်ဒီးယတသူတ့ၢ်ယဲတၢ်အခွဲးအယာ်တဖၣ်အံၤနီတခါ ဒံးဘၣ်. ဒီးယတကွဲးစ့ၢ်ကီးတၢ်ခဲအံၤဒ်သိး ယကဟံးန့ၢ်တၢ်အခွဲးအယာ်တဖၣ်အံၤလၢယနီၢ်ကစၢ်ဒၣ်ယဲ အဂီၢ်ဘၣ်. ယမ့ၢ်ဘၣ်သံ, ယကသံဒါခီလီၤ. မတၤတဂၤမးတဘၣ်လဲလိာ်ကွံာ်ယတၢ်ကတိၤပာ်ကဖၢလၢသး လၢအကြၢးအဘၣ်တမံၤန့ၣ်ဆူတၢ်ကတိၤအကလီကလီတဖၣ် ဘၣ်.

1 ကရံၣ်သူး 9:22

လၢပှၤတၢ်စူၢ်တၢ်နာ်အဂံၢ်အဘါစၢ်တဖၣ်အသိးအကျါန့ၣ်, ယကဲထီၣ်ပှၤဂံၢ်စၢ်ဘါစၢ်ဒ်အဝဲသ့ၣ်အကျါတဂၤအသိးဒ်သိး ယကမၤန့ၢ်က့ၤအဝဲသ့ၣ်လၢခရံာ်အဂီၢ်န့ၣ်လီၤ. လၢတၢ်န့ၣ်အဃိ, ယကဲထီၣ်တၢ်ကိးမံၤဒဲးလၢပှၤကိးဂၤဒဲးအသိး အကျါဒ်သိးယကအုၣ်က့ၤခီၣ်က့ၤအဝဲသ့ၣ်တနီၤ, ခီဖျိကျဲတဘိဘိလၢအအိးဟိထီၣ်အသးန့ၣ်လီၤ.