လံာ်လူၤကၣ် 17:14 - Sgaw Karen Common Bible

¹⁴ ယ့ၣ်ၡူးထံၣ်အဝဲသ့ၣ်ဒီးစံးဘၣ်အီၤ, “လဲၤဒီးဒုးနဲၣ်သုသးလၢပှၤလုၢ်တၢ်အခိၣ်တဖၣ်တက့ၢ်.” ဖဲအဝဲသ့ၣ်လဲၤလၢကျဲန့ၣ်, ကဆှီထီၣ်က့ၤဝဲလီၤ.

လံာ်လူၤကၣ် 17:14 Iomraidhean Croise

လံာ်စီၤပၤခံဘ့ၣ်တဘ့ၣ် 5:14

လၢတၢ်န့ၣ်အဃိ, စီၤနဧၤမၣ်လဲၤလီၤဆူထံကျိယၢ်ဒ့ၣ်အပူၤ, ဘျၢလီၤအသးလၢထံကျိအပူၤနွံဘျီ, ဒ်စီၤအလံၤၡါနဲၣ်တ့ၢ်အီၤကျဲအသိး, ဒီးအဝဲဘၣ်တၢ်မၤဘျါက့ၤအီၤလၢာ်လၢာ်ဆ့ဆ့န့ၣ်လီၤ. အဝဲအဖံးအညၣ်တဖၣ်ဂ့ၤထီၣ်ကဒါက့ၤဒီးကဆှီထီၣ်က့ၤဝဲဒ်ဖိသၣ် တဂၤအဖံးအညၣ်အသိးန့ၣ်လီၤ.

လံာ်ယၡါယၤ 65:24

တချုးဒံးဒၣ်လဲာ်လၢအဝဲသ့ၣ်ဘါထုကဖၣ်ဆူယအိၣ် ကတၢၢ်ဒံးဘၣ်န့ၣ်, ယကစံးဆၢအဝဲသ့ၣ်အတၢ်ထုက ဖၣ်တဖၣ်န့ၣ်လီၤ.

လံာ်မးသဲ 3:15

ဘၣ်ဆၣ်ဒီးယ့ၣ်ၡူးစံးဆၢအီၤ, “မ့မ့ၢ်ဘျီအဝဲအံၤ မ်နသုတဂ့ၢ်လိာ်ယၤတဂ့ၤ. အဂ့ၢ်ဒ်အံၤ, ခီဖျိတၢ်အံၤန့ၣ်ပကမၤလၢပှဲၤထီၣ်ကစၢ်ယွၤအတၢ် အဲၣ်ဒိးခဲလၢာ်လီၤ.” ဒီးစီၤယိၤဟၣ်အၢၣ်လီၤထွဲအခံလီၤ.

လံာ်လူၤကၣ် 5:14

ယ့ၣ်ၡူးခါလီၤအကလုၢ်ဒီးစံးဝဲ, “တဘၣ်စံးဘၣ်တဲဘၣ်ပှၤနီတဂၤတဂ့ၤ. မ့မ့ၢ်လဲၤတဘျီဃီဆူပှၤလုၢ်တၢ်အခိၣ်အအိၣ်ဒီးဒုးနဲၣ်နသးလၢအီၤတက့ၢ်. အန့ၣ်ဝံၤအလီၢ်ခံ, ဒ်သိးတၢ်အုၣ်အသးကအိၣ်လၢပှၤကိးဂၤဒဲးအမဲာ်ညါ လၢနဘၣ်တၢ်မၤဘျါနၤလံအဂီၢ်န့ၣ်, လုၢ်ထီၣ်ပာ်ထီၣ်တၢ်ဒ်စီၤမိၤၡ့မၤလိာ်တ့ၢ်ဝဲအသိးန့ၣ်တက့ၢ်.”

လံာ်ယိၤဟၣ် 11:10

ဘၣ်ဆၣ်အဝဲမ့ၢ်ဟးလၢမုၢ်နၤခီအဆၢကတီၢ်န့ၣ်, အခီၣ် ကဘၣ်တိၢ်ဘၣ်ထံး, မ့ၢ်လၢတၢ်ကပီၤတအိၣ်ဘၣ်လၢအပူၤဘၣ် အဃိလီၤ.”

လံာ်ယိၤဟၣ် 2:5

ယ့ၣ်ၡူးအမိၢ်စံးဘၣ်တၢ်ခ့တၢ်ပှၤတဖၣ်, “တၢ်လၢအဝဲကမၢသုတမံၤမံၤန့ၣ်မၤအီၤတက့ၢ်.”

လံာ်ယိၤဟၣ် 9:7

ဒီးစံးဘၣ်အီၤ, “လဲၤဒီးပျၢ်နမဲာ်လၢနိၣ်ၡံလိၤန့ၣ်တက့ၢ်.” (မံၤဝဲအံၤအခီပညီမ့ၢ်တၢ်မၢလီၤ) အန့ၣ်ဒီးပှၤတဂၤအံၤလဲၤဝဲဒီးပျၢ် အမဲာ်, ဒီးထံၣ်ထီၣ်က့ၤတၢ်ဒီးဟဲက့ၤဝဲလီၤ.