လံာ်လူၤကၣ် 17:10 - Sgaw Karen Common Bible

¹⁰ သုဝဲစ့ၢ်ကီးမ့ၢ်တၢ်ဒ်န့ၣ်လီၤ. ဖဲသုမၤလံတၢ်လၢပှၤမၢသုခဲလၢာ်န့ၣ်, စံးသုဝဲ, ‘ပမ့ၢ်ဒၣ်တၢ်ခ့တၢ်ပှၤတဖၣ်လီၤ. မ့ၢ်ဒၣ်ပမၤပှဲၤပမူပဒါတဖၣ်လီၤ.’ ”

လံာ်လူၤကၣ် 17:10 Iomraidhean Croise

လံာ်ယၡါယၤ 6:5

ဒီးယစံး, “လၢယဂီၢ်တၢ်မုၢ်လၢ်တအိၣ်ဘၣ်. ယဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, တၢ်ကတိၤကိးထံၣ်ဒဲးလၢအဟဲထီၣ်လၢ ယထးခိၣ်န့ၣ်ပှဲၤဒီးတၢ်ဒဲးဘးလီၤ. ဒီးယအိၣ်ယဆိးလၢပှၤတကလုာ်လၢအတၢ်ကတိၤကိးထံၣ်ဒဲး ပှဲၤဒီးတၢ်ဒဲးဘးအကျါန့ၣ်လီၤ. ဒီးခဲကနံၣ်အံၤတခီ, ယထံၣ်ဘၣ်လံစီၤပၤ တဂၤ, ယွၤသ့တၢ်လၢာ်ကစၢ်လၢယမဲာ်ချံ ဒၣ်ယဲလီၤ.”

လံာ်ယၡါယၤ 64:6

ပဝဲခဲလၢာ်အံၤပပှဲၤတ့ၢ်ဒီးတၢ်ဒဲးဘးတုၤပတၢ်မၤအဂ့ၤကတၢၢ် တဖၣ်ဒၣ်လဲာ်ဘၣ်အၢဘၣ်သီဝဲလၢာ်လၢာ်ဆ့ဆ့လီၤ. လၢပတၢ်ဒဲးဘးတဖၣ်အဃိပလီၤဂာ်ဒ်သ့ၣ်လၣ်တဖၣ်လၢအလီၤ ညွံးကွံာ်ဝဲဒီးဘၣ်တၢ်အူဒံကွံာ်အီၤလၢကလံၤအသိးန့ၣ်လီၤ.

လံာ်ယံးရမံယၤ 32:23

ဘၣ်ဆၣ်, ဖဲအဝဲသ့ၣ်ဟဲနုာ်လီၤဆူ ထံကီၢ်အံၤဒီး မၤန့ၢ်အီၤဝံၤန့ၣ်တစူၢ်နတၢ်မၤလိာ်တဖၣ်မ့ၢ်ဂ့ၤ, တအိၣ်မူဒ် နသိၣ်က့ၤသီက့ၤအီၤ အသိးမ့ၢ်ဂ့ၤဘၣ်. တၢ်လၢနဟ့ၣ် လီၤနကလုၢ်လၢ ကမၤဝဲန့ၣ်, အဝဲသ့ၣ်တမၤဝဲနီတမံၤဘၣ်. လၢတၢ်န့ၣ်အဃိ, နဒုးလီၤဘၣ်တၢ်ဟးဂီၤခဲလၢာ်အံၤလၢ အဝဲသ့ၣ်အလိၤန့ၣ်လီၤ.

လံာ်မးသဲ 25:30

မ့မ့ၢ်တၢ်အခ့အပှၤလၢအဘျုးတအိၣ်တဂၤအံၤ, ဟီထီၣ်ကွံာ်အီၤဆူတၢ်ချၢလၢတၢ်ခံးကျါတက့ၢ်. ဖဲန့ၣ်ကဟီၣ်ကယၢၤတၢ် ဒီးကအ့ၣ်စဃံးအမဲလီၤ.’

လံာ်လူၤကၣ် 17:11

ဖဲယ့ၣ်ၡူးလဲၤဝဲဆူဝ့ၢ်ယရူၤၡလ့ၣ်န့ၣ်, အဝဲဒၣ်လဲၤကျဲလၢအခီဂာ် ကီၢ်ၡၤမရံဒီးကီၢ်ကၤလံၤလါအကီၢ်ဆၢန့ၣ်လီၤ.

လံာ်လူၤကၣ် 17:9

အလီၢ်တအိၣ်လၢတၢ်ခ့တၢ်ပှၤတဂၤကဘၣ်တၢ်စံးဘျုးစံးဖှိၣ်အီၤလၢ အစူၢ်တၢ်အကလုၢ်အဃိန့ၣ်ဘၣ်.

ရိမ့ၤ 11:35

မ့ၢ်မတၤအိၣ်တဂၤဂၤလၢအဟ့ၣ်အီၤတၢ်တမံၤမံၤ, ဒ်သိးယွၤကဘၣ်ဟ့ၣ်ကဒါက့ၤအီၤန့ၣ်လဲၣ်.”

ရိမ့ၤ 3:12

ပှၤကညီခဲလၢာ်ဃၣ်ကဒါကွံာ်အသးလၢကစၢ်ယွၤအအိၣ်, အဝဲသ့ၣ်ခဲလၢာ်လဲၤကမၣ်က့ၤကမၣ်လၢာ်လံ. ပှၤမၤတၢ်အဂ့ၤအဘၣ်တအိၣ်နီတဂၤဘၣ်, ထဲတဂၤဧိၤဒၣ်လဲာ်တအိၣ်ဘၣ်.

ဖံၤလ့မိၣ် 1:11

လၢအပူၤကွံာ်န့ၣ်အဝဲတကဲဘျုးလၢနဂီၢ်ဘၣ်. ဘၣ်ဆၣ်ဒီးအခဲအံၤအဝဲကဲဘျုးနီၢ်နီၢ်လၢနဂီၢ်ဒီးလၢ ယဂီၢ်လီၤ.