လံာ်လူၤကၣ် 16:8 - Sgaw Karen Common Bible

⁸ ပှၤပၢၤတၢ်စုလီၢ်ခီၣ်ခိၣ်တဂၤအံၤအကစၢ်စံးထီၣ်ပတြၢၤအီၤလၢ အမၤတၢ်လၢအလၢပှဲၤဒီးတၢ်ကူၣ်ဘၣ်ဖးသ့ဒ်အံၤအသိးအဃိန့ၣ်လီၤ. အဂ့ၢ်ဒ်အံၤ, ဖဲလၢအဘၣ်ဃးဒီးတၢ်ကွၢ်ထွဲသုးကျဲၤတၢ်လၢ အတၢ်ဂ့ၢ်တၢ်ကျိၤတဖၣ်အဂ့ၢ်န့ၣ်ပှၤလၢဟီၣ်ခိၣ်တစိၤအံၤတဖၣ် ကူၣ်ဘၣ်ဖးသ့ဒိၣ်န့ၢ်ပှၤဘၣ်ဃးဒီးတၢ်ကပီၤတဖၣ်, တက့ၢ်လီၤ.”

လံာ်လူၤကၣ် 16:8 Iomraidhean Croise

လံာ်တၢ်ကဲထီၣ်အခီၣ်ထံး 3:1

ဒီးတၢ်လၢဂုၢ်န့ၣ်မ့ၢ်ဆၣ်ဖိကီၢ်ဖိလၢကူၣ်လီတၢ်အသ့ကတၢၢ်လၢ ယွၤ, ကစၢ်ယွၤတ့လီၤန့ၣ်လီၤ. ဒီးဂုၢ်န့ၣ်သံကွၢ်ပိာ်မုၣ်, “မ့ၢ်ကစၢ် ယွၤတဲဘၣ်သုသပှၢ်တၢၢ်လၢသုတဘၣ်အီၣ်သ့ၣ်သၣ်လၢသ့ၣ်တထံးလၢ်လၢ် လၢတၤသၣ်လီၢ်အပူၤန့ၣ်ဧါ.”

လံာ်စီၤၡမူၤအ့လးခံဘ့ၣ်တဘ့ၣ် 13:3

ဘၣ်ဆၣ်ဒီးအဝဲအိၣ်ဒီးအတံၤသကိးတဂၤလၢအဘူးဒီးအီၤ ဒီးအသးဒူမးလၢအမံၤမ့ၢ်ဝဲစီၤယိၤနဒာ်, စီၤဒၤဝံးအဒီပုၢ်ဝဲၢ်ခွါစီၤၡံမၤအဖိခွါန့ၣ်လီၤ.

လံာ်စီၤပၤခံဘ့ၣ်တဘ့ၣ် 10:19

ကိးဖှိၣ်ကယဲၢ်ဘဧၤလးအဝံခဲလၢာ်, ကယဲၢ်ပှၤတဖၣ်လၢဘူၣ်ထီၣ်ဘါ ထီၣ်အီၤ, ဒီးကယဲၢ်အပှၤလုၢ်တၢ်အခိၣ်ခဲလၢာ်တက့ၢ်. ပျဲပှၤအိၣ်တ့ၢ်နီတဂၤတဂ့ၤ. ယကလုၢ်ထီၣ်တၢ်လုၢ်ဖးဒိၣ်တမံၤ ဆူဘဧၤလးအအိၣ်ဒီးပှၤတဂၤလၢ်လၢ်လၢအတဟဲဘၣ်န့ၣ်, ကဘၣ်တၢ်မၤသံကွံာ်အီၤန့ၣ်လီၤ.” (အအံၤမ့ၢ်စီၤယ့ၤဟူအတၢ်ကူၣ်လီတမံၤလၢအဝဲတိာ်ပာ်ဝဲလၢကမၤ သံကယဲၢ်ပှၤဘူၣ်ထီၣ်ဘါထီၣ်ဘဧၤလးခဲလၢာ်န့ၣ်လီၤ.)

စံးထီၣ်ပတြၢၤ 17:14

ယွၤဧၢ, လၢနစုန့ၣ် မၤပူၤမၤဖျဲးယၤလၢပှၤဒ်သိးန့ၣ်တဖၣ် လၢအတၢ်အိၣ်မူအံၤ အတၢ်ကဲဘျုးမ့ၢ်ဒၣ်ဖဲ ဟီၣ်ခိၣ်အံၤန့ၣ်တက့ၢ်. စံၣ်ညီၣ်အဝဲသ့ၣ်လၢတၢ်နးတၢ်ဖှီၣ်တဖၣ် လၢနပာ်ဖှိၣ်တ့ၢ်လၢအဂီၢ်, ဒီးမ်ကလၢဝဲလၢ အဖိတဖၣ်အဂီၢ် ဒီးအိၣ်လီၤတဲာ်ဒံးတနီၤလၢ အဖိတဖၣ်အဖိအဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 1:10

ဒီးတၢ်ဒုးတၢ်ယၤမ့ၢ်အိၣ်ထီၣ်ဘၣ်ဖုးန့ၣ်, အဝဲသ့ၣ်ကပာ်ဖှိၣ် အသးဒီးပဒုၣ်ပဒါတဖၣ်ဒ်သိးကဒုးတၢ်ဒီးပှၤ, ဒီးဃ့ၢ်ပူၤဖျဲး ကွံာ်လၢထံကီၢ်အပူၤလီၤ. ပကဘၣ်ဃုကျဲလၢတၢ်တြီဆၢပှၤအံၣ်စရ့လးဖိတဖၣ် အါထီၣ်ဂီၢ်ထီၣ်အဂ့ၢ်န့ၣ်လီၤ.”

တၢ်ကတိၤဒိ. 12:8

နမ့မ့ၢ်ပှၤအိၣ်ဒီးတၢ်ကူၣ်တၢ်ဆးတဂၤဒီး, နကဘၣ်တၢ်စံးထီၣ် ပတြၢၤနၤလီၤ. နတၢ်သူၣ်ထံသးဆးမ့ၢ်တအိၣ်ဘၣ်ဒီး, ပှၤကကွၢ်တလီၤနၤလီၤ.

လံာ်မးသဲ 12:32

ပှၤတဂၤလၢ်လၢ်လၢအကတိၤထီဒါပှၤကညီဖိခွါန့ၣ်, ယွၤပျၢ်အတၢ်ကမၣ်သ့လီၤ. မ့မ့ၢ်ပှၤတဂၤလၢ်လၢ်လၢအကတိၤထီဒါကစၢ်ယွၤအသးစီဆှံန့ၣ်, အအံၤတဃၣ်မ့ၢ်ဂ့ၤ, ခဲကိာ်တဃၣ်မ့ၢ်ဂ့ၤ, ယွၤတပျၢ်အတၢ်ကမၣ်ဘၣ်.

လံာ်မးသဲ 17:26

စီၤပ့းတရူးစံးဆၢဝဲ, “လၢပှၤထံဂၤကီၢ်ဂၤဖိအအိၣ်လီၤ.” ယ့ၣ်ၡူးစံးဘၣ်အီၤ, “မ့မ့ၢ်ဒ်န့ၣ်ဒီး, ထံဖိကီၢ်ဖိတဖၣ်ပူၤဖျဲးဝဲလီၤ.

လံာ်လူၤကၣ် 16:10

ပှၤတဂၤလၢ်လၢ်လၢအတီဝဲလၢတၢ်ဂ့ၢ်အဆံးဖိတဖၣ်အပူၤန့ၣ်, ကတီစ့ၢ်ကီးဝဲလၢတၢ်ဂ့ၢ်အဒိၣ်တဖၣ်အပူၤလီၤ. ပှၤတဂၤလၢ်လၢ်လၢ အတတီလၢတၢ်ဂ့ၢ်အဆံးဖိတဖၣ်အပူၤန့ၣ်ကတတီစ့ၢ်ကီးဝဲလၢတၢ်ဂ့ၢ် အဒိၣ်တဖၣ်အပူၤလီၤ.

လံာ်လူၤကၣ် 16:4

ခဲကနံၣ်အံၤ, ယကဘၣ်မၤဒ်လဲၣ်န့ၣ်ယသ့ၣ်ညါလီၤ. ယမ့ၢ်မၤဒ်န့ၣ်ဒီး, ဖဲယတၢ်မၤတအိၣ်လၢၤအဆၢကတီၢ်န့ၣ်, ယကအိၣ်ဒီးတံၤသကိးတဖၣ်လၢ အကတူၢ်လိာ်ခီၣ်ဆၢယၤလၢအဝဲသ့ၣ်အဟံၣ်ပူၤဃီပူၤလီၤ.’

လံာ်လူၤကၣ် 16:7

အဝဲဒၣ်စံးဘၣ်ကဒီးပှၤအဂၤတဂၤ, ‘နဲဒၣ်တခီလဲၣ်. နဒ့ၣ်ကမၢ်လၢနကဘၣ်လိးက့ၤအိၣ်ဝဲဆံးအါလဲၣ်.’ အဝဲဒၣ်စံးဆၢအီၤ, ‘ဘုကၠူၣ်အကိၢ်တကယၤလီၤ.’ ပှၤပၢၤတၢ်စုလီၢ်ခီၣ်ခိၣ်စံးဘၣ်အီၤ, ‘နစရီအိၣ်လၢအံၤ, ဆ့ၣ်နီၤဒီးကွဲးလီၤဃိးဆံတက့ၢ်.’

လံာ်လူၤကၣ် 18:6

ဒီးကစၢ်စံးကဒီးဝဲ, “ဒိကနၣ်တၢ်လၢပှၤစံၣ်ညီၣ်ကွီၢ်တတီတလိၤတဂၤန့ၣ်စံးဝဲတက့ၢ်.

လံာ်လူၤကၣ် 20:34

ယ့ၣ်ၡူးစံးဆၢအဝဲသ့ၣ်, “ပှၤပိာ်ခွါဒီးပှၤပိာ်မုၣ်ဖဲစိၤတစိၤအံၤ န့ၢ်မါန့ၢ်ဝၤလီၤ.

လံာ်လူၤကၣ် 20:35

ဘၣ်ဆၣ်ဒီးပှၤလၢယွၤပာ်အီၤလၢအကြၢးဝဲလၢအကဂဲၤ ဆၢထၢၣ်သမူထီၣ်က့ၤလၢတၢ်သံတဖၣ်န့ၣ်, တန့ၢ်မါန့ၢ်ဝၤလၢစိၤလၢအကဟဲန့ၣ်ဘၣ်.

လံာ်ယိၤဟၣ် 12:36

လၢတၢ်န့ၣ်အဃိ, ဖဲသုအိၣ်ဒံးဒီးတၢ်ကပီၤန့ၣ်, စူၢ်က့ၤနာ်က့ၤတၢ် ကပီၤအံၤဒ်သိးသုကကဲထီၣ်ပှၤတၢ်ကပီၤဖိတဖၣ်အဂီၢ်န့ၣ်တက့ၢ်. ယ့ၣ်ၡူးစံးတၢ်အံၤဝံၤဒီး, အဝဲဟးထီၣ်ကွံာ်ဒီးပာ်သဒၢကွံာ်အသးလၢအဝဲသ့ၣ်န့ၣ်လီၤ.

1 ကရံၣ်သူး 3:18

မတၤတဂၤမးတကြၢးလီလီၤက့ၤအသးဒၣ်ဝဲဘၣ်. ပှၤလၢသုကျါတဂၤဂၤမ့ၢ်ဆိကမိၣ်လီၤအသးလၢအမ့ၢ် ပှၤကူၣ်ဘၣ်ကူၣ်သ့ခီဖျိဟီၣ်ခိၣ်တဘ့ၣ်အံၤအနီၣ်ထိၣ်ဒီး, အဝဲဒၣ်ကြၢးကဲထီၣ်ပှၤအသးတဆးတဂၤ, ဒ်သိးအဝဲဒၣ်ကကဲထီၣ်ပှၤကူၣ်ဘၣ်ကူၣ်သ့နီၢ်နီၢ်တဂၤအဂီၢ်န့ၣ်လီၤ.

အ့းဖ့းစူး 5:8

တဘျီန့ၣ်သုအိၣ်မူတ့ၢ်သုဝဲလၢတၢ်ခံးတၢ်နၤအပူၤဘၣ်ဆၣ် ဒီး, ဒ်သုကဲထီၣ်တ့ၢ်လံယွၤအပှၤတကလုာ်အသိးန့ၣ်, သုတုၤက့ၤလၢတၢ်ကပီၤအပူၤလီၤ. လၢတၢ်န့ၣ်အဃိ, အိၣ်မူဒ်ပှၤတၢ်ကပီၤဖိအသိးန့ၣ်တက့ၢ်.

ဖံလံးပံၤ 3:19

အဝဲသ့ၣ်အကျဲကကတၢၢ်လၢလရာ်အပူၤလီၤ. အဂ့ၢ်ဒ်အံၤ, အကစၢ်ယွၤမ့ၢ်အနီၢ်ခိအတၢ်သူၣ်လီသးကွံန့ၣ်လီၤ. အဝဲသ့ၣ်ပာ်ကဖၢလၢအသးလၢတၢ်လၢအကြၢးမဲာ်ဆှးဝဲ, ဒီးအဝဲသ့ၣ်ဆိကမိၣ်တၢ်ထဲလၢတၢ်လၢအဘၣ်ဃးဒီးဟီၣ်ခိၣ် အံၤန့ၣ်လီၤ.

၁ သ့းစၤလနံ 5:5

သုဝဲခဲလၢာ်သုမ့ၢ်ပှၤတဖၣ်လၢအဘၣ်ဃးဒီးတၢ်ကပီၤဒီးမုၢ် ဆါခီန့ၣ်လီၤ. ပတဘၣ်ဃးဒီးမုၢ်နၤခီမ့ၢ်ဂ့ၤ, တၢ်ခံးတၢ်နၤမ့ၢ်ဂ့ၤန့ၣ်ဘၣ်.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.

၁ ယိၤဟၣ် 3:10

အအံၤမ့ၢ်တၢ်လီၤဆီလၢအအိၣ်ဖျါဝဲလီၤတံၢ်လီၤဆဲးလၢ ကစၢ်ယွၤအဖိတဖၣ်ဒီးမုၣ်ကီၤလံၢ်အဖိတဖၣ်အဘၢၣ်စၢၤ န့ၣ်လီၤ. ပှၤတဂၤဂၤလၢအတမၤတၢ်လၢအဘၣ်, မ့တမ့ၢ် တအဲၣ်ဘၣ်အဒီပုၢ်ဝဲၢ်န့ၣ်, တမ့ၢ်ကစၢ်ယွၤအဖိဘၣ်.