လံာ်လူၤကၣ် 16:3 - Sgaw Karen Common Bible

³ တုၤနုၤတစု, ပှၤကွၢ်ထွဲတၢ်ဖိတၢ်လံၤဆိကမိၣ်ဝဲလၢအသးပူၤ, ‘ယကစၢ်ကထုးထီၣ်ကွံာ်ယၤလၢယတၢ်မၤအလီၢ်လီၤ. မ့ၢ်ယကမၤ ဘၣ်ဒ်လဲၣ်. ယကခူၣ်တၢ်ပူၤအဂီၢ်ယဂံၢ်ယဘါတလၢတပှဲၤဘၣ်. ဒီးယကဃ့အီၣ်ယဆၣ်အဂီၢ်ယမဲာ်ဆှးလီၤ.

လံာ်လူၤကၣ် 16:3 Iomraidhean Croise

လံာ်နီၢ်အ့ၤစတၢ် 6:6

အန့ၣ်ဒီးစီၤဟၤမၣ်ဟဲနုာ်ဝဲ, ဒီးစီၤပၤစံးဘၣ်အီၤ, “ပှၤအိၣ်ဝဲတဂၤလၢယအဲၣ်ဒိးမၤလၤကပီၤအီၤဒိၣ်မးလီၤ. ယကဘၣ်မၤတၢ်မနုၤလၢပှၤတဂၤအံၤအဂီၢ်န့ၣ်လဲၣ်.” စီၤဟၤမၣ်ဆိကမိၣ်လၢအသးပူၤ, “ခဲအံၤပှၤလၢစီၤပၤအဲၣ်ဒိးမၤလၤကပီၤအီၤဒိၣ်မးန့ၣ် ကမ့ၢ်မတၤလဲၣ်. ကမ့ၢ်ဒၣ်ယၤလီၤ.”

တၢ်ကတိၤဒိ. 13:4

ပှၤအကၢၣ်တဂၤအသးဆၢန့ၢ်တၢ်တမံၤမံၤထဲအံၤထဲနုၤနာ်က့, မၤဝဲတန့ၢ်ဘၣ်. မ့မ့ၢ်ပှၤလၢအမၤတၢ်ဆူၣ်ဆူၣ်တဂၤကမၤန့ၢ်တၢ်ခဲ လၢာ်လၢအဆၢန့ၢ်ဘၣ်ဝဲလီၤ.

တၢ်ကတိၤဒိ. 15:19

နမ့ၢ်ကၢၣ်ဒီးနကထံၣ်လိာ်တၢ်ကီတၢ်ခဲလၢတၢ်လီၢ်ကိးပူၤဒဲးလီၤ. ဘၣ်ဆၣ်နမ့ၢ်တီမ့ၢ်လိၤဒီးတၢ်ကီတၢ်ခဲတအိၣ်လၢနဂီၢ်ဘၣ်.

တၢ်ကတိၤဒိ. 18:9

ပှၤအကၢၣ်တဂၤန့ၣ်အၢထဲသိးသိးပှၤတဂၤလၢအမၤဟးဂီၤတၢ်န့ၣ် လီၤ.

တၢ်ကတိၤဒိ. 19:15

နမ့ၢ်အဲၣ်ဒိးကၢၣ်န့ၣ်မၤကွၢ်ကွၢ်တက့ၢ်. မံဆူၣ်ဆူၣ်တက့ၢ်. ဒီးနကသၣ်ဝံၤလီၤဒိလီၤ.

တၢ်ကတိၤဒိ. 20:4

ပှၤထူစံာ်ဖိတဂၤလၢအကၢၣ်မးတုၤကထဲၣ်လီၤအစံာ်ပျီတဖၣ်ဘၣ်ဆၢ ဘၣ်ကတီၢ်န့ၣ်, တအိၣ်ဒီးတၢ်နီတမံၤလၢကကူးက့ၤဝဲအဂီၢ်န့ၣ်ဘၣ်.

တၢ်ကတိၤဒိ. 29:21

စးထီၣ်လၢအမ့ၢ်ဖိသၣ်လံၤလံၤန့ၣ်, နမ့ၢ်ဟ့ၣ်လီၤနခ့နပှၤလၢတၢ်ခဲလၢာ်ဒ်အသးလီဝဲအသိးန့ၣ်ဒီး, မုၢ်ကအိၣ်ဝဲတနံၤလၢအဝဲကဟံးန့ၢ်ကယဲၢ်တၢ်လၢအမ့ၢ် နတၢ်ခဲလၢာ်န့ၣ်လီၤ.

လံာ်ယၡါယၤ 10:3

ယွၤမ့ၢ်စံၣ်ညီၣ်သုဒီးသုကမၤဒ်လဲၣ်. ယွၤမ့ၢ်ဒုးဘၣ်သုလၢတၢ် နးတၢ်ဖှီၣ်ဖးဒိၣ်လၢအဟဲလၢထံကီၢ်လၢအယံၤတဘ့ၣ်ဒီး, သုကမၤဒ်လဲၣ်. လၢတၢ်မၤစၢၤအဂီၢ်, သုကဃ့ၢ်ဆူ လဲၣ်ခီလဲၣ်. သုတၢ်ထူးတၢ်တီၤတဖၣ်, သုကပာ်ခူသူၣ်အီၤဖဲလဲၣ်.

လံာ်ယံးရမံယၤ 5:31

ဝံတဖၣ်တကတိၤတၢ်အဂၤဘၣ်မ့ၢ်ဒၣ်ထဲတၢ်လီတၢ်ဝ့ၤ, ပှၤလုၢ်တၢ်အခိၣ်တဖၣ်ပၢတၢ်ဒ်ဝံတဖၣ်အံၤဟ့ၣ်လီၤအကလုၢ်အသိး, ဒီးယပှၤဂီၢ်မုၢ်တဒုးနဲၣ်ဘၣ်အတၢ်သးတလီၤပလိာ်လၢတၢ်ဂ့ၢ်တဖၣ် အံၤအဖီခိၣ်နီတမံၤဘၣ်. ဘၣ်ဆၣ်, ဖဲတၢ်အံၤခဲလၢာ်အကတၢၢ် ဟဲတုၤလံန့ၣ်အဝဲသ့ၣ်ကမၤတၢ်မနုၤလဲၣ်.”

လံာ်ဟိၤၡ့ 9:5

ဒီးဖဲတၢ်ဆၢကတီၢ်တုၤဝဲလၢဘူၣ်တဖၣ်လၢတၢ်ပာ်လီၤအီၤလၢတၢ် မၤလၤကပီၤယွၤအဂီၢ်တုၤဝဲန့ၣ်အဝဲသ့ၣ်ကမၤဒ်လဲၣ်.

လံာ်မးသဲ 20:8

တုၤမုၢ်ဟါလီၤဒီး, စပံးလီၢ်အကစၢ်စံးဘၣ်အပှၤကွၢ်ထွဲတၢ်မၤအခိၣ် တဂၤဒီးစံး, ‘ကိးန့ၢ်ပှၤမၤတၢ်ဖိတဖၣ်, ဒီးဟ့ၣ်လီၤအီၤလၢအဘူးအလဲ, စးထီၣ်လၢပှၤဟဲတုၤလၢခံကတၢၢ်တဂၤ, တုၤလီၤလၢပှၤဟဲတုၤလၢညါကတၢၢ်တဂၤတက့ၢ်.’

လံာ်မၢ်ကူး 10:46

ယ့ၣ်ၡူးဒီးအပျဲၢ်အဘီၣ်တဖၣ်ဟဲတုၤလၢဝ့ၢ်ယရံၤဃိ, ဒီးဖဲအဝဲသ့ၣ်ဟးထီၣ်လၢဝ့ၢ်န့ၣ်အပူၤအိၣ်ဃုာ်ဒီးပှၤဂီၢ် မုၢ်ဖးဒိၣ်အဖၢမုၢ်န့ၣ်, စီၤတံၤမဲအဖိခွါစီၤဘၣ်တံၤမဲလၢအမဲာ် တထံၣ်တၢ်တဂၤဆ့ၣ်နီၤဃ့အီၣ်တၢ်ဖဲကျဲကပၤထံးန့ၣ်လီၤ.

လံာ်လူၤကၣ် 12:17

အဝဲဒၣ်ဆိကမိၣ်ထီၣ်လၢအသးပူၤ, ‘ယတၤသူတၤသၣ်ခဲလၢာ်အံၤ, ယကဂၢ်ဖှိၣ်ပာ်အီၤအဂီၢ်တၢ်လီၢ်တၢ်ကျဲတအိၣ်ဘၣ်. မ့ၢ်ယကမၤဘၣ်ဒ်လဲၣ်.’

လံာ်လူၤကၣ် 16:2

ပှၤထူးပှၤတီၤကိးဃီၤအပှၤကွၢ်ထွဲတၢ်စုလီၢ်ခီၣ်ခိၣ်အဝဲန့ၣ်ဒီးစံးဘၣ်အီၤ, ‘နဂ့ၢ်နကျိၤလၢယနၢ်ဟူဘၣ်အီၤတမံၤအံၤမ့ၢ်တၢ်ဒ်လဲၣ်. ဟ့ၣ်ထီၣ်တၢ်ပာ်ဖျါအလၢအပှဲၤဘၣ်ဃးဒီးနတၢ်ကွၢ်ထွဲပၢဆှၢ ယတၢ်စုလီၢ်ခီၣ်ခိၣ်တက့ၢ်. အဂ့ၢ်ဒ်အံၤ, နကဲယပှၤကွၢ်ထွဲတၢ်စုလီၢ်ခီၣ်ခိၣ်တသ့လၢၤဘၣ်.’

လံာ်လူၤကၣ် 16:20

ပှၤဖှီၣ်ဖိယာ်ဖိအိၣ်စ့ၢ်ကီးဝဲတဂၤလၢအမံၤမ့ၢ်စီၤလါစရူး, လၢအအိၣ်ပှဲၤဒီးအပူၤလီၢ်ပူၤကျဲ, ဒီးဘၣ်တၢ်ဟဲစိာ်ညီနုၢ်အီၤဆူ ပှၤထူးပှၤတီၤတဂၤန့ၣ်အတြဲၤခီၣ်ထံး,

လံာ်လူၤကၣ် 16:22

ပှၤဖှီၣ်ဖိယာ်ဖိတဂၤအံၤသံဝဲ, ဒီးဘၣ်တၢ်စိာ်ထီၣ်အီၤလၢကလူး တဖၣ်ဆူ စီၤအၤဘြၤဟၣ်အကပၤ, ဖဲတၢ်အီၣ်အမူးလၢမူခိၣ်န့ၣ်လီၤ. ပှၤထူးပှၤတီၤစ့ၢ်ကီးသံဝဲ, ဒီးဘၣ်တၢ်ခူၣ်လီၤအီၤလီၤ.

လံာ်လူၤကၣ် 16:4

ခဲကနံၣ်အံၤ, ယကဘၣ်မၤဒ်လဲၣ်န့ၣ်ယသ့ၣ်ညါလီၤ. ယမ့ၢ်မၤဒ်န့ၣ်ဒီး, ဖဲယတၢ်မၤတအိၣ်လၢၤအဆၢကတီၢ်န့ၣ်, ယကအိၣ်ဒီးတံၤသကိးတဖၣ်လၢ အကတူၢ်လိာ်ခီၣ်ဆၢယၤလၢအဝဲသ့ၣ်အဟံၣ်ပူၤဃီပူၤလီၤ.’

လံာ်လူၤကၣ် 18:4

ပှၤစံၣ်ညီၣ်ကွီၢ်ဂ့ၢ်လိာ်မုၣ်ကမဲတဂၤအံၤအတၢ်ဃ့ဖးယံာ်ညါလီၤ. ဘၣ်ဆၣ်ဒီးလၢခံကတၢၢ်န့ၣ်အဝဲဒၣ်စံးလီၤက့ၤအသး, ‘ယမ့ၢ်တပျံၤယွၤ, ဒီးယူးယီၣ်ပာ်ကဲပှၤကညီသနာ်က့,

လံာ်ယိၤဟၣ် 9:8

ထဲန့ၣ်ဒီး, ပှၤလၢအဃၢၤတဖၣ်ဒီးပှၤအဂၤလၢအထံၣ်တ့ၢ် အဝဲဃ့အီၣ်တၢ်လၢညါတဖၣ်သံကွၢ်တၢ်ဒီးစံးဝဲ, “အဝဲအံၤတမ့ၢ်ပှၤတဂၤဃီလၢအညီနုၢ်ဆ့ၣ်နီၤဒီးဃ့အီၣ်တၢ် န့ၣ်ဘၣ်ဧါ.”

မၤတၢ် 3:2

ဖဲန့ၣ်ပှၤအခီၣ်ဟးဂီၤလၢအအိၣ်ဖျဲၣ်ထီၣ်လံၤလံၤတဂၤဘၣ် တၢ်ဟဲစိာ်အီၤဆူတၢ်လုၢ်ဟံၣ်အတြဲၤ, လၢတၢ်ကိးန့ၢ်အမံၤလၢတြဲၤဃံလၤအခီၣ်ထံးန့ၣ်လီၤ. ကိးမုၢ်နံၤဒဲးအဝဲဒၣ်ဘၣ်တၢ်ဟဲစိာ်အီၤဒီးတၢ်ပာ်လီၤအီၤဖဲ တြဲၤခိၣ်ထိးန့ၣ်, ဒ်သိးအကဃ့အီၣ်တၢ်လၢပှၤလၢအလဲၤနုာ်ဆူတၢ်လုၢ်ဟံၣ်ပူၤ တဖၣ်အအိၣ်အဂီၢ်န့ၣ်လီၤ.

မၤတၢ် 9:6

ဘၣ်ဆၣ်ဒီးဂဲၤဆၢထၢၣ်ဒီးလဲၤနုာ်ဆူဝ့ၢ်ပူၤတက့ၢ်. ဖဲန့ၣ်နကဘၣ်မၤတၢ်မနုၤတမံၤလဲၣ်န့ၣ်, တၢ်ကစံးဘၣ်တဲဘၣ်နၤလီၤ.”

၂ သ့းစၤလနံ 3:11

ပစံးတၢ်အံၤအဂ့ၢ်မ့ၢ်လၢပနၢ်ဟူလၢပှၤအိၣ်လၢသုကျါတနီၤ အိၣ်မူလၢတၢ်ကၢၣ်တၢ်ကျူအပူၤဒီးတမၤတၢ်နီတမံၤဘၣ်. မ့မ့ၢ်အိၣ်ထဲအမၤတံာ်တာ်တၢ်လၢပှၤဂၤအတၢ်ဂ့ၢ်တၢ်ကျိၤ အပူၤန့ၣ်လီၤ.