လံာ်လူၤကၣ် 16:2 - Sgaw Karen Common Bible

² ပှၤထူးပှၤတီၤကိးဃီၤအပှၤကွၢ်ထွဲတၢ်စုလီၢ်ခီၣ်ခိၣ်အဝဲန့ၣ်ဒီးစံးဘၣ်အီၤ, ‘နဂ့ၢ်နကျိၤလၢယနၢ်ဟူဘၣ်အီၤတမံၤအံၤမ့ၢ်တၢ်ဒ်လဲၣ်. ဟ့ၣ်ထီၣ်တၢ်ပာ်ဖျါအလၢအပှဲၤဘၣ်ဃးဒီးနတၢ်ကွၢ်ထွဲပၢဆှၢ ယတၢ်စုလီၢ်ခီၣ်ခိၣ်တက့ၢ်. အဂ့ၢ်ဒ်အံၤ, နကဲယပှၤကွၢ်ထွဲတၢ်စုလီၢ်ခီၣ်ခိၣ်တသ့လၢၤဘၣ်.’

လံာ်လူၤကၣ် 16:2 Iomraidhean Croise

လံာ်ပှၤစံၣ်တဲၤတဲလီၤတၢ် 12:14

ကစၢ်ယွၤကစံၣ်ညီၣ်တၢ်ခဲလၢာ်လၢပမၤအီၤ, ဂ့ၤမ့ၢ်ဂ့ၤ, အၢမ့ၢ်ဂ့ၤ, တုၤဒၣ်လဲာ်လၢတၢ်တဖၣ်လၢပမၤအီၤလၢတၢ်ခူသူၣ်အပူၤန့ၣ်လီၤ.

လံာ်မးသဲ 12:36

နာ်ယၤတက့ၢ်. လၢတၢ်စံၣ်ညီၣ်အမုၢ်တနံၤန့ၣ်, ပှၤကိးဂၤဒဲးကဘၣ်စံးဆၢတၢ်လၢကယဲၢ်အတၢ်ကတိၤကလီ ကလီကိးဘီဒဲးအဂီၢ်လီၤ.

လံာ်မးသဲ 20:8

တုၤမုၢ်ဟါလီၤဒီး, စပံးလီၢ်အကစၢ်စံးဘၣ်အပှၤကွၢ်ထွဲတၢ်မၤအခိၣ် တဂၤဒီးစံး, ‘ကိးန့ၢ်ပှၤမၤတၢ်ဖိတဖၣ်, ဒီးဟ့ၣ်လီၤအီၤလၢအဘူးအလဲ, စးထီၣ်လၢပှၤဟဲတုၤလၢခံကတၢၢ်တဂၤ, တုၤလီၤလၢပှၤဟဲတုၤလၢညါကတၢၢ်တဂၤတက့ၢ်.’

လံာ်လူၤကၣ် 12:20

ဘၣ်ဆၣ်ဒီး, ကစၢ်ယွၤစံးဘၣ်အီၤ, ‘ပှၤအသးတဆးနၤဧၢ, မုၢ်တနၤဃီအံၤန့ၣ်, နကဘၣ်ဟ့ၣ်လီၤကွံာ်နသးသမူလီၤ. တုၤနုၤတစု, တၢ်လၢနပာ်ဃာ်အီၤလၢနနီၢ်ကစၢ်ဒၣ်နဲအဂီၢ်ခဲလၢာ်န့ၣ်, မတၤကဒိးန့ၢ်ဘၣ်လဲၣ်.’ ”

လံာ်လူၤကၣ် 12:42

ကစၢ်စံးဆၢဝဲ, “မ့မ့ၢ်ဒ်န့ၣ်ဒီး, မ့ၢ်မတၤမ့ၢ်တၢ်ခ့တၢ်ပှၤလၢအသးတီဒီး အကူၣ်ဘၣ်ကူၣ်သ့တဂၤလဲၣ်. အဝဲဒၣ်မ့ၢ်ပှၤတဂၤလၢအကစၢ်ကဟ့ၣ်စိဟ့ၣ်ကမီၤအီၤလၢ အကကွၢ်ထွဲဟံၣ်ဃီဒီးဒုးအီၣ်ဒုးအီတၢ်ခ့တၢ်ပှၤအဂၤတဖၣ် ဖဲအဆၢကတီၢ်ဘၣ်တဘျီဘၣ်တဘျီန့ၣ်လီၤ.

လံာ်လူၤကၣ် 16:1

ယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပှၤထူးပှၤတီၤအိၣ်ဝဲဒၣ်တဂၤလၢ အအိၣ်ဒီးပှၤအံးထွဲကွၢ်ထွဲအတၢ်ဖိတၢ်လံၤတဂၤလီၤ. အဝဲဘၣ်တၢ်တဲဘၣ်အီၤလၢအပှၤကွၢ်ထွဲတၢ်ဖိတၢ်လံၤတဂၤအံၤ မၤလၢာ်ဂီၤကလီအကျိၣ်အစ့လီၤ.

လံာ်လူၤကၣ် 16:3

တုၤနုၤတစု, ပှၤကွၢ်ထွဲတၢ်ဖိတၢ်လံၤဆိကမိၣ်ဝဲလၢအသးပူၤ, ‘ယကစၢ်ကထုးထီၣ်ကွံာ်ယၤလၢယတၢ်မၤအလီၢ်လီၤ. မ့ၢ်ယကမၤ ဘၣ်ဒ်လဲၣ်. ယကခူၣ်တၢ်ပူၤအဂီၢ်ယဂံၢ်ယဘါတလၢတပှဲၤဘၣ်. ဒီးယကဃ့အီၣ်ယဆၣ်အဂီၢ်ယမဲာ်ဆှးလီၤ.

ရိမ့ၤ 14:12

မ့မ့ၢ်ဒ်န့ၣ်ဒီး, ပဝဲကိးဂၤဒဲးပကဘၣ်ဟ့ၣ်တၢ်စံးဆၢလၢ ကစၢ်ယွၤလၢပကစၢ်ဒၣ်ပဝဲအဂ့ၢ်န့ၣ်လီၤ.

1 ကရံၣ်သူး 1:11

အဂ့ၢ်ဒ်အံၤ, ပှၤလၢနီၢ်ကျိးအ့ၤအဒူၣ်ဖိထၢဖိအပူၤတနီၤ စံးဘၣ်တဲဘၣ်တ့ၢ်ယၤဖျါဖျါလၢ တၢ်အ့ၣ်လိာ်ဆိးက့အိၣ်ဝဲဒၣ်လၢသုသိးသုကျါလီၤ. ယဒီပုၢ်ဝဲၢ်သ့ၣ်ဧၢ,

1 ကရံၣ်သူး 4:2

တၢ်လၢအလီၢ်အိၣ်ဝဲတမံၤဘၣ်ဃးဒီးတၢ်ခ့တၢ်ပှၤဒ်န့ၣ်အသိး တဂၤန့ၣ်, မ့ၢ်အဝဲအသးကဘၣ်တီဒီးအကစၢ်န့ၣ်လီၤ.

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.

၂ ကရံၣ်သူး 5:10

အဂ့ၢ်ဒ်အံၤ, ပဝဲကိးဂၤဒဲးပကဘၣ်အိၣ်ဖျါထီၣ်လၢခရံာ် အမဲာ်ညါ, ဒ်သိးပကဒိးတၢ်စံၣ်ညီၣ်လၢအီၤအဂီၢ်န့ၣ် လီၤ. ပှၤတဂၤဘၣ်တဂၤကဒိးန့ၢ်တၢ်လၢအကြၢးဒီး အီၤ, ဒ်အကြၢးအဘၣ်ဒီးတၢ်လၢအဝဲဒၣ်မၤတ့ၢ်ဝဲ ခဲလၢာ်, ဂ့ၤမ့ၢ်ဂ့ၤ, အၢမ့ၢ်ဂ့ၤ, လၢအဝဲဒၣ်အနီၢ်ခိအတၢ်အိၣ်မူ အပူၤန့ၣ်လီၤ.

၁ တံၤမသ့း 4:14

သးအတၢ်ဟ့ၣ်လၢအအိၣ်လၢနပူၤ, လၢအဘၣ်တၢ်ဟ့ၣ်လီၤနၤဖဲဝံတဖၣ်ကတိၤတၢ်ဒီးပှၤသူၣ်က့သးပှၢ် တဖၣ်ပာ်ထီၣ်အစုလၢနလိၤအခါန့ၣ်, ပာ်ကဲဒီးသူအီၤထီဘိတက့ၢ်.

၁ တံၤမသ့း 5:24

ပှၤတနီၤနီၤအတၢ်ဒဲးဘးတဖၣ်တၢ်ထံၣ်ဘၣ်အီၤဖျါဖျါ, ဒီးအတၢ်ဒဲးဘးတဖၣ်လဲၤလၢအမဲာ်ညါလၢတၢ်စံၣ်ညီၣ် အဂီၢ်န့ၣ်လီၤ. မ့မ့ၢ်, ပှၤအဂၤတဖၣ်အတၢ်ဒဲးဘးတဖၣ်န့ၣ်, ဘၣ်တၢ်ထံၣ်န့ၢ်ဒၣ်အီၤလၢခံန့ၣ်လီၤ.

၁ ပ့းတရူး 4:10

ပှၤတဂၤဒီးတဂၤ, ဒ်ကစၢ်ယွၤအပှၤပၢၤတၢ်လၢအဂ့ၤလၢအပၢၤ ကစၢ်ယွၤအတၢ်ဟ့ၣ်လၢအလီၤဆီတဖၣ်အသိး, ကဘၣ်သူ အတၢ်ဟ့ၣ်လီၤဆီလၢအဒိးန့ၢ်ဝဲလၢကစၢ်ယွၤအအိၣ် လၢပှၤဂၤတဖၣ်အတၢ်ဂ့ၤအဂီၢ်န့ၣ်လီၤ.

၁ ပ့းတရူး 4:5

ဘၣ်ဆၣ်ဒီး, အဝဲသ့ၣ်ကဘၣ်ဟ့ၣ်တၢ်စံးဆၢဘၣ်ဃးဒီးအကစၢ်ဒၣ်ဝဲဆူ ကစၢ်ယွၤအအိၣ်, ယွၤလၢအအိၣ်ကတဲာ်ကတီၤအသးလၢအကစံၣ်ညီၣ် ပှၤအမူဒီးပှၤအသံန့ၣ်လီၤ.

လံာ်လီၣ်ဖျါ 20:12

ဒီးယထံၣ်ဘၣ်ပှၤသံတဖၣ်, အဒိၣ်ဒီးအဆံးစ့ၢ်ကီး, အိၣ်ဆၢထၢၣ်လၢလီၢ်ပစိာ်အမဲာ်ညါန့ၣ်လီၤ. လံာ်တဖၣ် ဘၣ်တၢ်အိးထီၣ်အီၤ, ဒီးအန့ၣ်ဝံၤအလီၢ်ခံလံာ်အဂၤ တဘ့ၣ်ဘၣ်တၢ်အိးထီၣ်အီၤ, လၢအမ့ၢ်လံာ်မူတဘ့ၣ်န့ၣ်လီၤ. ပှၤသံတဖၣ်ဘၣ်တၢ်စံၣ်ညီၣ်အီၤဒ်တၢ်လၢအဝဲသ့ၣ် မၤတ့ၢ်ဝဲ, ဒ်အဘၣ်တၢ်ကွဲးနီၣ်တ့ၢ်အီၤလၢလံာ်တဖၣ် အပူၤအသိးန့ၣ်လီၤ.