လံာ်လူၤကၣ် 16:15 - Sgaw Karen Common Bible

¹⁵ ယ့ၣ်ၡူးစံးဘၣ်အဝဲသ့ၣ်, “သုမ့ၢ်ပှၤတဖၣ်လၢအမၤဖျါအသးဒ် အတီဝဲလိၤဝဲ, လၢပှၤကညီအမဲာ်ညါ, ဘၣ်ဆၣ်ဒီးကစၢ်ယွၤသ့ၣ်ညါသုသူၣ်သုသးလီၤ. အဂ့ၢ်ဒ်အံၤ, တၢ်လၢပှၤကညီဆိကမိၣ်လၢ အအိၣ်ဒီးအလုၢ်အပှ့ၤဖးဒိၣ်န့ၣ်, လၢကစၢ်ယွၤအမဲာ်ညါ မ့ၢ်တၢ်လၢအလီၤသးဘၣ်အၢန့ၣ်လီၤ.

လံာ်လူၤကၣ် 16:15 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 29:17

ယသ့ၣ်ညါလၢနမၤကွၢ်ပှၤခဲလၢာ်အသး, ဒီးနမုာ်သူၣ်မုာ်သးတ့ၢ် ဒီးပှၤဂီၢ်မုၢ်လၢအသူၣ်တီသးရၤန့ၣ်လီၤ. ဒီးလၢတၢ်သူၣ်တီသးလိၤနီၢ်နီၢ်အပူၤန့ၣ်, ယဟ့ၣ်လီၤတၢ်သ့ၣ်တဖၣ်အံၤခဲလၢာ်ဆူနၤ, လၢတၢ်သူၣ်အိၣ်သးအိၣ်အပူၤ, ဒီးယထံၣ်တ့ၢ်နပှၤဂီၢ်မုၢ်လၢအဟဲပာ်ဖှိၣ်အသးဖဲအံၤတဖၣ်သူၣ် ဖှံသးညီတ့ၢ်ဒ်လဲၣ်, လၢကဟဲစိာ်တၢ်မၤဘူၣ်တဖၣ်ဆူနအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:30

ဒိကနၣ်လၢ်အဝဲသ့ၣ်အတၢ်ထုကဖၣ်တက့ၢ်. ဒိကနၣ်လၢ်အဝဲသ့ၣ်လၢနဟံၣ်အိၣ်လၢမူခိၣ်ဒီးပျၢ်လၢ်အဝဲသ့ၣ် အတၢ်ကမၣ်တက့ၢ်. နမ့ၢ်ပှၤထဲတဂၤဧိၤလၢအသ့ၣ်ညါပှၤကညီအသးအတၢ်ဆိကမိၣ်တဖၣ် န့ၣ်လီၤ. မၤဘၣ်ပှၤတဂၤဘၣ်တဂၤစုာ်စုာ်ဒ်တၢ်လၢအကြၢးဒီးအီၤအသိး,

စံးထီၣ်ပတြၢၤ 10:3

အဂ့ၢ်ဒ်အံၤ, ပှၤတတီတလိၤန့ၣ်ပာ်ကဖိအသးလၢအသးအတၢ်ဆၢ န့ၢ်အအၢအသီတဖၣ်အဃိ, ဒီးပှၤလၢအသူၣ်လီသးကွံတၢ်အါန့ၣ်, ဆိၣ်အၢတၢ်ဒီးညိကွံာ်ယွၤလီၤ.

စံးထီၣ်ပတြၢၤ 49:13

အဝဲအံၤမ့ၢ်တၢ်ဟဲဝံလၢ ပှၤအသးတဆးအတၢ်နာ်န့ၢ်လီၤအသးအဂီၢ်, ပှၤတဖၣ်လၢအဘၣ်သူၣ်ဘၣ်သးလၢ အတၢ်ဒိးန့ၢ်ဘၣ်န့ၣ်လီၤ. စ့လၤ

စံးထီၣ်ပတြၢၤ 49:18

ပှၤတဂၤမ့ၢ်သးမံလီၤက့ၤအသး ဒီးဘၣ်တၢ်စံးထီၣ်ပတြၢၤအီၤလၢ အဝဲမၤတၢ်ကဲထီၣ်လိၣ်ထီၣ်ဒၣ်လဲာ်,

စံးထီၣ်ပတြၢၤ 7:9

ကစၢ်ယွၤလၢအတီအလိၤ ဒီးမၤကွၢ် ပှၤကညီအသးအတၢ်ဆိကမိၣ်နၤဧၢ, ဒုးကတၢၢ်ကွံာ်ပှၤတတီတလိၤအတၢ်အၢတၢ်သီ, ဘၣ်ဆၣ်ပှၤတီပှၤလိၤန့ၣ် ဒုးအိၣ်ဂၢၢ်ဆိးကျၢၤအီၤတက့ၢ်.

တၢ်ကတိၤဒိ. 16:5

ယွၤသးဟ့ပှၤကိးဂၤဒဲးလၢအပာ်ထီၣ်ထီအသးဒီးတပျဲပူၤကွံာ် အဝဲသ့ၣ်လၢတၢ်စံၣ်ညီၣ်နီတစုဘၣ်.

တၢ်ကတိၤဒိ. 20:6

ပှၤကိးဂၤကတိၤတၢ်ဘၣ်ဃးအဝဲမ့ၢ်ပှၤအသးတီဒီးတၢ်နာ်န့ၢ်အီၤ သ့ထဲလဲၣ်ထဲလဲၣ်အဂ့ၢ်လီၤ. ဘၣ်ဆၣ်ကျဲးစၢးဃုကွၢ်ဒၣ်ကလိာ်ပှၤတဂၤဂၤလၢအမ့ၢ်တၢ်ဒ်အစံးဝဲ အံၤအသိးန့ၣ်တက့ၢ်.

တၢ်ကတိၤဒိ. 21:2

နကဆိကမိၣ်လၢတၢ်လၢနမၤနဲကိးမံၤဒဲးန့ၣ်ဘၣ်လီၤ. ဘၣ်ဆၣ်ဒီးသ့ၣ်နီၣ်ထီၣ်က့ၤလၢယွၤစံၣ်ညီၣ်နတၢ်တိာ်သူၣ်ပာ်သး လၢအမၢန့ၢ်ဆီၣ်ခံနၤတဖၣ်တက့ၢ်.

လံာ်ယံးရမံယၤ 17:10

ယၤ, ယွၤအံၤ, ယဃုသ့ၣ်ညါပှၤကညီအတၢ်ဆိကမိၣ်တဖၣ် ဒီးမၤကွၢ်ပှၤကညီတဖၣ်အသးန့ၣ်လီၤ. ယမၤဘၣ်အဝဲသ့ၣ်တဂၤစုာ်စုာ်ဒ်အအိၣ်မူဝဲ အကျဲအသိး, ဒီးဒ်တၢ်လၢအဝဲမၤဝဲအသိးန့ၣ်လီၤ.”

လံာ်မၤလကံ 3:15

ဒ်ပထံၣ်တ့ၢ်လံအသိးန့ၣ်, ပှၤလၢအပာ်ထီၣ်ထီအသးတဖၣ်န့ၣ်မ့ၢ်ပှၤ လၢအဘၣ်ဆိၣ်ဂ့ၤန့ၣ်လီၤ. ပှၤတတီတလိၤတဖၣ်တမ့ၢ်ထဲအဘီၣ် ထီၣ်ညီထီၣ်ဘၣ်. မ့မ့ၢ်, အဝဲသ့ၣ်မၤကွၢ်ကစၢ်ယွၤအတၢ်သးစူၤလၢအတၢ်မၤအအၢ အသီတဖၣ်ဒီးလူၤပိာ်ထွဲဝဲအခံန့ၣ်လီၤ.”

လံာ်မးသဲ 23:5

အဝဲသ့ၣ်မၤတၢ်ခဲလၢာ်ဒ်သိးဒီးပှၤကညီကထံၣ်အီၤအဂီၢ်လီၤ. လံာ်စီဆှံအဆၢဖိတဖၣ်အဒၢလၢအစၢဃာ်ဝဲလၢအခိၣ်တိသၣ်ဒီး အစုတီၤလိၤတဖၣ်န့ၣ်, မၤဒိၣ်လီၤဆီဝဲ, ဒီးအဆ့ကၤအနွံတဖၣ်စ့ၢ်ကီးမၤထီလီၤဆီဝဲလီၤ.

လံာ်မးသဲ 6:16

တုၤသုဒုၣ်တၢ်အီၣ်တၢ်အီဒီး, တဘၣ်မၤအုၣ်သပှီၤသုမဲာ်သၣ်ဒ် ပှၤပာ်မၤအသးတဖၣ်မၤဝဲအသိးန့ၣ်တဂ့ၤ. အဝဲသ့ၣ်မၤအုၣ်သပှီၤအမဲာ်သၣ်ဒ်သိးပှၤကညီကထံၣ်သ့ၣ်ညါလၢ အဒုၣ်တၢ်အီၣ်အဂီၢ်လီၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

လံာ်မးသဲ 6:2

လၢတၢ်န့ၣ်အဃိ, ဖဲသုဟ့ၣ်သးကညီၤတၢ်န့ၣ်, တဘၣ်မၤအီၤဒ်သိးပှၤအါဂၤကထံၣ်သ့ၣ်ညါအဂီၢ်, ဒ်ပှၤပာ်မၤအသးတဖၣ်မၤဝဲလၢဘူၣ်ဘျီၣ်လၢအမ့ၢ်တၢ်ဘါလီၢ် အပူၤဒီးလၢကျဲအပူၤလၢပှၤကညီကစံးထီၣ်ပတြၢၤအီၤအဂီၢ် အသိးန့ၣ်တဂ့ၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

လံာ်မးသဲ 6:5

တဘျီလၢ်လၢ်ဖဲသုဃ့ထုကဖၣ်ယွၤန့ၣ်, တဘၣ်မၤသုသးဒ်ပှၤပာ်မၤအသးတဖၣ်မၤဝဲအသိးန့ၣ်တဂ့ၤ. အဝဲသ့ၣ်အဲၣ်ဒိးဂဲၤဆၢထၢၣ်ဒီးဘါထုကဖၣ်ယွၤလၢဘူၣ်ဘျီၣ် လၢအမ့ၢ်တၢ်ဘါလီၢ်အပူၤဒီးလၢကျဲသဂၢၢ်လိာ်သးအလီၢ်တဖၣ် ဒ်သိးပှၤကထံၣ်ဘၣ်အီၤကိးဂၤဒဲးအဂီၢ်လီၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

လံာ်လူၤကၣ် 10:29

ဘၣ်ဆၣ်ဒီး, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဂၤအံၤသးအိၣ် ပာ်တီပာ်လိၤအသးသတးဒီးသံကွၢ်ယ့ၣ်ၡူး, “ပှၤလၢယဃၢၤမ့ၢ်မတၤတဂၤလဲၣ်.”

လံာ်လူၤကၣ် 11:39

လၢတၢ်န့ၣ်အဃိကစၢ်ယ့ၣ်ၡူးစံးဘၣ်အီၤ, “ခဲကနံၣ်အံၤ, သုဝဲပှၤဖၤရံၤၡဲတဖၣ်သုမၤကဆှီလီခီလၢအချၢတကပၤလီၤ. မ့မ့ၢ်လၢသုပူၤတခီန့ၣ်သုလၢပှဲၤဒီးတၢ်စုဆူၣ်ခီၣ်တကးဒီးတၢ် အၢတၢ်သီလီၤ.

လံာ်လူၤကၣ် 18:11

ပှၤဖၤရံၤၡဲအိၣ်ဆၢထၢၣ်ဝဲတပူၤဒၣ်ဒီးဃ့ဘါထုကဖၣ်တၢ်ဒီးစံး, ‘ယစံးဘျုးနၤလီၤကစၢ်ယွၤဧၢ, လၢယတမ့ၢ်ပှၤဂုာ်ဆူၣ်ပျိဆူၣ်တၢ်, ပှၤမၤတၢ်အၢတၢ်သီ, ပှၤအဲၣ်ဘၢတၢ်ဒ်ပှၤဂၤအသိးဘၣ်အဃိန့ၣ်လီၤ. ယစံးဘျုးနၤလၢယတလီၤဂာ်ဒီးပှၤဃ့သွဲတဂၤန့ၣ်အဃိလီၤ.

လံာ်လူၤကၣ် 18:14

ယ့ၣ်ၡူးစံးဝဲ, “ယစံးဘၣ်တဲဘၣ်သု, ပှၤဃ့သွဲတဂၤအံၤ, ဒီးတမ့ၢ်ပှၤဖၤရံၤၡဲတဂၤဘၣ်န့ၣ်, တီဝဲလိၤဝဲလၢကစၢ်ယွၤအမဲာ်ညါဖဲအဝဲဒၣ်က့ၤဆူဟံၣ်န့ၣ်လီၤ. အဂ့ၢ်ဒ်အံၤ, ကယဲၢ်ပှၤလၢအပာ်ထီၣ်ထီအသးတဂၤလၢ်လၢ်န့ၣ်, ကဘၣ်တၢ်ဆီၣ်လီၤအီၤဒီးကယဲၢ်ပှၤလၢအဆီၣ်လီၤအသးတဂၤ လၢ်လၢ်န့ၣ်, ကဘၣ်တၢ်ပာ်ထီၣ်ထီအီၤလီၤ.”

လံာ်လူၤကၣ် 18:21

ပှၤတဂၤန့ၣ်စံးဆၢဝဲ, “တၢ်သ့ၣ်တဖၣ်အံၤခဲလၢာ်န့ၣ်, ယတိၢ်န့ၢ်ဒီးစူၢ်ယဲလၢယသးစၢ်လံၤလံၤလီၤ.”

လံာ်လူၤကၣ် 18:9

ပှၤလၢအနာ်န့ၢ်လီၤအသးလၢအဂ့ၤဝဲဝါဝဲ, ဒီးကွၢ်တလီၤပှၤကိးဂၤဒဲးန့ၣ်, ယ့ၣ်ၡူးစံးဘၣ်တဲဘၣ်စ့ၢ်ကီးအဝဲသ့ၣ်လၢတၢ်ကတိၤဒိအဝဲအံၤလီၤ.

လံာ်လူၤကၣ် 20:20

လၢတၢ်န့ၣ်အဃိ, အဝဲသ့ၣ်အိၣ်ခိးကွၢ်တၢ်ဆၢကတီၢ်လၢ အကြၢးဝဲဘၣ်ဝဲလီၤ. အဝဲသ့ၣ်ဟ့ၣ်ပှၤတနီၤစ့ဒ်သိးအကပာ်မၤအသးလၢအမ့ၢ်ပှၤ အသးဘျၢ, ဒီးဆှၢလီၤအဝဲသ့ၣ်လၢအကသံကွၢ်သံဒိးယ့ၣ်ၡူး ဒီးဖီၣ်န့ၢ်အီၤလၢအတၢ်ကတိၤဒ်သိးအဝဲသ့ၣ်ဟ့ၣ်လီၤကွံာ်အီၤ ဆူရိမ့ၤအပဒိၣ်ဖးဒိၣ်အတၢ်စိတၢ်ကမီၤအပူၤကသ့ဝဲအဂီၢ် န့ၣ်လီၤ.

လံာ်လူၤကၣ် 20:47

တၢ်လီၢ်အဂ့ၤကတၢၢ်ဖဲဘူၣ်အဆၢကတီၢ်, ပှၤလၢအဟံးန့ၢ်တၢ်အခွဲးအယာ်လၢ မုၣ်ကမဲတဖၣ်အဖီခိၣ်ဒီးဂုာ်န့ၢ်ဝာ်န့ၢ်အဟံၣ်အဃီတဖၣ်, ဒီးအန့ၣ်ဝံၤအလီၢ်ခံပာ်မၤအသးခီဖျိအဃ့ဘါထု ကဖၣ်တၢ်ထီထီကလဲာ်တဖၣ်န့ၣ်တက့ၢ်. တၢ်စံၣ်ညီၣ်လၢအဝဲသ့ၣ်အဂီၢ်ကမ့ၢ်တၢ်အအၢကတၢၢ်လီၤ.”

လံာ်ယိၤဟၣ် 2:25

ဒီးအလီၢ်တအိၣ်လၢပှၤတဂၤဂ့ၤတဂၤဂ့ၤကစံးဘၣ်တဲဘၣ် အီၤလၢပှၤကညီအဂ့ၢ်န့ၣ်ဘၣ်. အဂ့ၢ်ဒ်အံၤ, အနီၢ်ကစၢ်ဒၣ်ဝဲသ့ၣ်ညါတၢ်လၢအအိၣ်လၢ ပှၤကညီအသးကံၢ်ပူၤန့ၣ်လီၤ.

လံာ်ယိၤဟၣ် 21:17

ယ့ၣ်ၡူးစံးဘၣ်အီၤပှဲၤထီၣ်သၢဘျီတဘျီ, “စီၤယိၤနါအဖိခွါ စီၤၡံမိၣ်ဧၢ, မ့ၢ်နအဲၣ်ယၤဧါ.” ယ့ၣ်ၡူးသံကွၢ်အီၤ, မ့ၢ်နအဲၣ် ယၤဧါ. ပှဲၤထီၣ်သၢဘျီတဘျီအဃိဒီး, စီၤပ့းတရူးအသးတမုာ်ဝဲဘၣ်ဒီးစံးဘၣ်ယ့ၣ်ၡူး, “ကစၢ်ဧၢ, နသ့ၣ်ညါတၢ်ခဲလၢာ်လီၤ. နသ့ၣ်ညါလၢယအဲၣ်နၤလီၤ.” ယ့ၣ်ၡူးစံးဘၣ်အီၤ, “လုၢ်အီၣ်လုၢ်အီယသိတက့ၢ်.

မၤတၢ် 1:18

(စ့လၢစီၤယူဒၤမၤန့ၢ်ဝဲခီဖျိအမၤတၢ်လၢအအၢတမံၤန့ၣ်, အဝဲဒၣ်ပှ့ၤန့ၢ်ဟီၣ်ခိၣ်တကဝီၤ, ဒီးလီၤတဲာ်ဆှိခိၣ်လၢအပူၤန့ၣ်လီၤ. အဟၢဖၢပိၢ်ဖးဒီးအပှံာ်အကဖုတဖၣ်လီၤလဲာ်ကွံာ်ခဲလၢာ်လီၤ.

မၤတၢ် 1:24

အန့ၣ်ဝံၤအဝဲသ့ၣ်ဃ့ဘါထုကဖၣ်တၢ်ဒီးစံးဝဲ, “ကစၢ်ဧၢ, ပှၤကိးဂၤဒဲးအသးအတၢ်ဆိကမိၣ်န့ၣ်နသ့ၣ်ညါနဲလီၤ. သတးဒီး, ဒုးနဲၣ်ပဝဲဒၣ်တဖၣ်အံၤလၢပှၤခံဂၤအံၤအကျါနဃုထၢတ့ၢ်နဲ ဖဲလဲၣ်တဂၤ

မၤတၢ် 15:8

ဒီးကစၢ်ယွၤလၢအထံၣ်သ့ၣ်ညါပှၤကိးဂၤအသးန့ၣ်, ပာ်ဖျါအတၢ်ဘၣ်သူၣ်ဘၣ်သးပှၤကလုာ်ဂၤတဖၣ်, ခီဖျိအဟ့ၣ်အဝဲသ့ၣ်လၢသးစီဆှံဒ်အဟ့ၣ်တ့ၢ်ပှၤအသိး န့ၣ်လီၤ.

ရိမ့ၤ 3:20

မ့ၢ်အဂ့ၢ်ဒ်လဲၣ်န့ၣ်, ပှၤကညီတဘၣ်တၢ်ပာ်တီပာ်လိၤအီၤလၢ ကစၢ်ယွၤအမဲာ်ညါလၢအမၤထွဲတၢ်သိၣ်တၢ်သီအခံအဃိနီ တဂၤဘၣ်. မ့မ့ၢ်တၢ်လၢတၢ်သိၣ်တၢ်သီမၤဝဲန့ၣ်, မ့ၢ်တၢ်ဒုးသ့ၣ်ညါပှၤဟီၣ်ခိၣ်ဖိလၢအဝဲမၤတၢ်ဒဲးဘးလံန့ၣ်လီၤ.

ရိမ့ၤ 8:27

ဒီးကစၢ်ယွၤလၢအထံၣ်တုာ်ကွၢ်ဖျါပှၤကညီအသးကံၢ်ပူၤ န့ၣ်, သ့ၣ်ညါယွၤအသးအတၢ်ဆိကမိၣ်မ့ၢ်တၢ်မနုၤလဲၣ် န့ၣ်လီၤ. အဂ့ၢ်ဒ်အံၤ, ကစၢ်ယွၤအသးဃ့သကွံၢ်ကညးတၢ်ဒီး ကစၢ်ယွၤလၢအပှၤဂီၢ်မုၢ်တဖၣ်အဂီၢ်, ဒီးဒ်အတၢ်ဘၣ် အသးအသိးန့ၣ်လီၤ.

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.

၁ ပ့းတရူး 3:4

မ့မ့ၢ်, သုတၢ်ဃံတၢ်လၤကြၢးမ့ၢ်တၢ်လၢအအိၣ်လၢ သုသူၣ်ကံၢ်သးလဲပူၤနီၢ်နီၢ်, သးလၢအဂ့ၤအဝါဒီးတၢ်ပာ်သးကစုဒုအတၢ်ဃံတၢ်လၤလၢ အပှၢ်ထီၣ်တသ့ဘၣ်, လၢအမ့ၢ်တၢ်လုၢ်ဒိၣ်ပှ့ၤဒိၣ်ကတၢၢ်လၢ ကစၢ်ယွၤအမဲာ်အတၢ်ထံၣ်အပူၤန့ၣ်လီၤ.

၁ ပ့းတရူး 5:5

လၢကျဲဒ်န့ၣ်အသိး, သုဝဲလၢအသးစၢ်တဖၣ်သုကဘၣ်ဆီၣ်လီၤသုသးလၢပှၤ သးပှၢ်သ့ၣ်တဖၣ်အဖီလာ်န့ၣ်လီၤ. ဒီးသုဝဲသ့ၣ်ခဲလၢာ်သုကဘၣ်ကူထီၣ်သိးထီၣ်တၢ်ဆီၣ်လီၤသး အဆ့ကၤလၢသုကမၤစၢၤလိာ်သုသးတဂၤဒီးတဂၤအဂီၢ် န့ၣ်လီၤ. အဂ့ၢ်ဒ်အံၤ, တၢ်ကွဲးအသးစံးဝဲ, “ကစၢ်ယွၤထီဒါ ပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသး တဖၣ်န့ၣ်လီၤ” (ကူၣ်သ့ ၃:၃၄),

လံာ်လီၣ်ဖျါ 2:23

ယကမၤသံစ့ၢ်ကီးအဝဲဒၣ်အပျဲၢ်အဘီၣ်တဖၣ်, ဒီးတုၤနုၤတစု, တၢ်အိၣ်ဖှိၣ်ကိးဖုဒဲးကသ့ၣ်ညါလၢယမ့ၢ်ပှၤတဂၤလၢအသ့ၣ် ညါပှၤကိးဂၤဒဲးအတၢ်ဆိကမိၣ်ဆိကမးဒီးအတၢ်ဆၢမိၣ်န့ၢ် သးလီတဖၣ်န့ၣ်လီၤ. ယကဟ့ၣ်ကၣ်သုဝဲတဂၤဘၣ်တဂၤ, ဒ်တၢ်ဖံးတၢ်မၤလၢအမၤဝဲအသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:7

ဘၣ်ဆၣ်ဒီးယွၤစံးဘၣ်အီၤ, “ကနၣ်ဃုာ်အဂီၤထီဒီးဒိၣ်တၢ်ဂ့ၤ ဆံးအါဆံးအါန့ၣ်တဂ့ၤ. ယညိကွံာ်အီၤလီၤ. အဂ့ၢ်ဒ်အံၤ, ယတစံၣ်ညီၣ်တၢ်ဒ်ပှၤကညီစံၣ်ညီၣ်တၢ်အသိးဘၣ်. ပှၤကညီကွၢ်တၢ်အက့ၢ်အဂီၤလၢခိလီၤ. မ့မ့ၢ်ယကွၢ်အသူၣ်အသးန့ၣ်လီၤ.”