လံာ်လူၤကၣ် 16:1 - Sgaw Karen Common Bible

¹ ယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပှၤထူးပှၤတီၤအိၣ်ဝဲဒၣ်တဂၤလၢ အအိၣ်ဒီးပှၤအံးထွဲကွၢ်ထွဲအတၢ်ဖိတၢ်လံၤတဂၤလီၤ. အဝဲဘၣ်တၢ်တဲဘၣ်အီၤလၢအပှၤကွၢ်ထွဲတၢ်ဖိတၢ်လံၤတဂၤအံၤ မၤလၢာ်ဂီၤကလီအကျိၣ်အစ့လီၤ.

လံာ်လူၤကၣ် 16:1 Iomraidhean Croise

လံာ်တၢ်ကဲထီၣ်အခီၣ်ထံး 15:2

ဘၣ်ဆၣ်စီၤအၤဘြၣ်စံးဆၢဝဲဒၣ်, “ယွၤပၢဘၣ်တၢ်ခဲလၢာ်ကစၢ်ဧၢ, နတၢ်ဟ့ၣ်ဘျုးကမၤဂ့ၤယၤမနုၤတမံၤလဲၣ်. အဂ့ၢ်ဒ်အံၤ, ယဖိတအိၣ်နီတဂၤဘၣ်. ပှၤလၢကန့ၢ်သါတၢ်ဘၣ်ဃးဒီး ယၤန့ၣ်မ့ၢ်ဒၣ်ပှၤဝ့ၢ်ဒၤမ့ၤစ့းဖိစီၤအလံၤဧ့စ့ၢ်တဂၤဧိၤ န့ၣ်လီၤ.

လံာ်တၢ်ကဲထီၣ်အခီၣ်ထံး 43:19

လၢတၢ်န့ၣ်အဃိဖဲဟံၣ်အတြဲၤန့ၣ်, အဝဲသ့ၣ်စံးဘၣ်တၢ်ခ့တၢ်ပှၤ အခိၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 28:1

စီၤပၤစီၤဒၤဝံးမၤလိာ်ကယဲၢ်အံၣ်စရ့လးအပဒိၣ်ပပှၢ်ခဲလၢာ်လၢ ကဟဲအိၣ်ဖှိၣ်ရိဖှိၣ်ဖဲဝ့ၢ်ယရူၤရှလ့ၣ်အပူၤန့ၣ်လီၤ. လၢတၢ်န့ၣ်အဃိ, ကယဲၢ်ဒူၣ်တဖၣ်အခိၣ်အနၢ်ခဲလၢာ်, ခိၣ်နၢ်တဖၣ်လၢအပၢဆှၢတ့ၢ်ဘီမုၢ်အတၢ်မၤ, ခိၣ်နၢ်တဖၣ်လၢဒူၣ်ထၢတဖၣ်အပူၤ, ပှၤတဖၣ်လၢအပၢဆှၢသုးကျဲၤ တၢ်စုလီၢ်ခီၣ်ခိၣ်ဒီးဆၣ်ဖိကီၢ်ဖိတဖၣ်လၢအဘၣ်ထွဲ ဆူစီၤပၤဒီးအဝဲအဖိခွါတဖၣ်, သပှၢ်ကတၢၢ်ပှၤလၢအမ့ၢ်ကယဲၢ် ပဒိၣ်ပပှၢ်တဖၣ်လၢနီပူၤ, ပှၤသုးဖိတဖၣ်လၢအလဲၤလၢညါ, ဒီးပှၤအကါဒိၣ်တဖၣ်, ဟဲပာ်ဖှိၣ်အသးလၢဝ့ၢ်ယရူၤရှလ့ၣ်အပူၤ န့ၣ်လီၤ.

တၢ်ကတိၤဒိ. 18:9

ပှၤအကၢၣ်တဂၤန့ၣ်အၢထဲသိးသိးပှၤတဂၤလၢအမၤဟးဂီၤတၢ်န့ၣ် လီၤ.

လံာ်ဟိၤၡ့ 2:8

အဝဲတအၢၣ်လီၤသ့ၣ်ညါဝဲနီတစုလၢယမ့ၢ်ပှၤတဂၤ လၢအဟ့ၣ်တ့ၢ်အီၤဘုဧိၤဟုဧိၤ, စပံးထံ, သိဧိၤချါဧိၤဒီး ကယဲၢ်စ့ဒီးထူလၢအသူတ့ၢ်ဝဲလၢတၢ်သူၣ်ထီၣ်ဘါထီၣ်ဘၤဧလး အပူၤန့ၣ်ဘၣ်.

လံာ်မးသဲ 20:8

တုၤမုၢ်ဟါလီၤဒီး, စပံးလီၢ်အကစၢ်စံးဘၣ်အပှၤကွၢ်ထွဲတၢ်မၤအခိၣ် တဂၤဒီးစံး, ‘ကိးန့ၢ်ပှၤမၤတၢ်ဖိတဖၣ်, ဒီးဟ့ၣ်လီၤအီၤလၢအဘူးအလဲ, စးထီၣ်လၢပှၤဟဲတုၤလၢခံကတၢၢ်တဂၤ, တုၤလီၤလၢပှၤဟဲတုၤလၢညါကတၢၢ်တဂၤတက့ၢ်.’

လံာ်လူၤကၣ် 12:42

ကစၢ်စံးဆၢဝဲ, “မ့မ့ၢ်ဒ်န့ၣ်ဒီး, မ့ၢ်မတၤမ့ၢ်တၢ်ခ့တၢ်ပှၤလၢအသးတီဒီး အကူၣ်ဘၣ်ကူၣ်သ့တဂၤလဲၣ်. အဝဲဒၣ်မ့ၢ်ပှၤတဂၤလၢအကစၢ်ကဟ့ၣ်စိဟ့ၣ်ကမီၤအီၤလၢ အကကွၢ်ထွဲဟံၣ်ဃီဒီးဒုးအီၣ်ဒုးအီတၢ်ခ့တၢ်ပှၤအဂၤတဖၣ် ဖဲအဆၢကတီၢ်ဘၣ်တဘျီဘၣ်တဘျီန့ၣ်လီၤ.

လံာ်လူၤကၣ် 15:13

စှၤသီအလီၢ်ခံန့ၣ်, ဖိခွါလၢအသးစၢ်တဂၤဆါကွံာ်အတၢ်စုလီၢ်ခီၣ်ခိၣ် လၢအန့ၢ်ဘၣ်သါဝဲတဖၣ်, ဒီးစိာ်ထီၣ်စ့လၢအဒိးန့ၢ်ဝဲဒီးဟးထီၣ်ကွံာ်လၢအဟံၣ်လီၤ. အဝဲဒၣ်လဲၤဆူထံကီၢ်လၢအစီၤစုၤယံၤတဘ့ၣ်, ဒီးဖဲန့ၣ်အဝဲဒၣ်မၤလၢာ်ဂီၤကွံာ်အကျိၣ်အစ့လၢတၢ်လုၣ်ကိလုၣ် ကပာ်အပူၤလီၤ.

လံာ်လူၤကၣ် 15:30

မ့မ့ၢ်နဖိခွါတဂၤအံၤမၤလၢာ်ဂီၤနတၢ်စုလီၢ်ခီၣ်ခိၣ်ခဲလၢာ်လၢတၢ်ဂဲၤ ဃုာ်ဒီးဃဲသဲမုၣ်, ဒီးဖဲအဝဲဒၣ်ဟဲက့ၤတုၤဟံၣ်န့ၣ်နမၤသံဂီၤဖံးဖိအဘီၣ်ကတၢၢ် တဒုလၢအဝဲဒၣ်အဂီၢ်လီၤ.’

လံာ်လူၤကၣ် 16:19

“တဘျီန့ၣ်, ပှၤထူးပှၤတီၤအိၣ်ဝဲတဂၤလၢအကူအသိးတၢ်ကူတၢ်ကၤအပှ့ၤဒိၣ်ကတၢၢ် တဖၣ်ဒီးမုာ်လၤဝဲလၢတၢ်အီၣ်အမူးဖးဒိၣ်အပူၤကိးနံၤဒဲးလီၤ.

လံာ်လူၤကၣ် 16:2

ပှၤထူးပှၤတီၤကိးဃီၤအပှၤကွၢ်ထွဲတၢ်စုလီၢ်ခီၣ်ခိၣ်အဝဲန့ၣ်ဒီးစံးဘၣ်အီၤ, ‘နဂ့ၢ်နကျိၤလၢယနၢ်ဟူဘၣ်အီၤတမံၤအံၤမ့ၢ်တၢ်ဒ်လဲၣ်. ဟ့ၣ်ထီၣ်တၢ်ပာ်ဖျါအလၢအပှဲၤဘၣ်ဃးဒီးနတၢ်ကွၢ်ထွဲပၢဆှၢ ယတၢ်စုလီၢ်ခီၣ်ခိၣ်တက့ၢ်. အဂ့ၢ်ဒ်အံၤ, နကဲယပှၤကွၢ်ထွဲတၢ်စုလီၢ်ခီၣ်ခိၣ်တသ့လၢၤဘၣ်.’

လံာ်လူၤကၣ် 19:20

တၢ်ခ့တၢ်ပှၤအဂၤတဂၤဟဲဝဲဒီးစံး, ‘ကစၢ်ဧၢ, နထူဘ့ၣ်ဘၣ်အိၣ်လၢအံၤလီၤ. ယပာ်ခူသူၣ်တ့ၢ်အီၤလၢတၢ်ကံးယာ်ထွါစုတဘ့ၣ်အပူၤလီၤ.

လံာ်လူၤကၣ် 8:3

စီၤဃူၤစါလၢအကွၢ်ထွဲစီၤပၤအတၢ်ဖိတၢ်လံၤလၢ စီၤပၤဟ့ၤရိာ်အနီပူၤတဂၤအမါနီၢ်ယိၤအၣ်နၣ်, ဒီးနီၢ်စူၤစၣ်နၤဒီးပိာ်မုၣ်အဂၤအါဒံအါဂၤလၢ အသူအတၢ်စုလီၢ်ခီၣ်ခိၣ်ဒၣ်ဝဲလၢအကမၤစၢၤယ့ၣ်ၡူးဒီး အပျဲၢ်အဘီၣ်တဖၣ်, ပိာ်အဝဲဒၣ်အခံစ့ၢ်ကီးလီၤ.

တံတူး 1:7

မ့ၢ်လၢတၢ်အိၣ်ဖှိၣ်အခိၣ်အနၢ်တဂၤအံၤအမူအဒါအိၣ်လၢ ကစၢ်ယွၤတၢ်မၤအဂီၢ်အဃိ, အတၢ်ကမၣ်တကြၢးအိၣ်ဘၣ်. အဝဲတဘၣ်ပာ်ဒိၣ်ပာ်ထီအသး, မ့တမ့ၢ်သးထီၣ်ချ့, မ့တမ့ၢ်အီမူၤအီဘှီးအသး, မ့တမ့ၢ်မၤတၢ်လၢတၢ်စုဆူၣ်ခီၣ် တကးအပူၤ, မ့တမ့ၢ်သးကွံစ့န့ၣ်ဘၣ်.

ယၤကိာ် 4:3

ဒီးဖဲသုဃ့တၢ်န့ၣ်သုတဒိးန့ၢ်အီၤဘၣ်, အဂ့ၢ်မ့ၢ်လၢသုတၢ်တိာ်တဖၣ်အၢဝဲသီဝဲအဃိလီၤ. သုဃ့တၢ်လၢသုကသူအီၤလၢသုတၢ်မုာ်လၤသးဖှံဒၣ်ဝဲ အဂီၢ်အဃိန့ၣ်လီၤ.

၁ ပ့းတရူး 4:10

ပှၤတဂၤဒီးတဂၤ, ဒ်ကစၢ်ယွၤအပှၤပၢၤတၢ်လၢအဂ့ၤလၢအပၢၤ ကစၢ်ယွၤအတၢ်ဟ့ၣ်လၢအလီၤဆီတဖၣ်အသိး, ကဘၣ်သူ အတၢ်ဟ့ၣ်လီၤဆီလၢအဒိးန့ၢ်ဝဲလၢကစၢ်ယွၤအအိၣ် လၢပှၤဂၤတဖၣ်အတၢ်ဂ့ၤအဂီၢ်န့ၣ်လီၤ.