လံာ်လူၤကၣ် 15:8 - Sgaw Karen Common Bible

⁸ မ့တမ့ၢ်, ပစံးဒၣ်ကလိာ်ပိာ်မုၣ်တဂၤလၢအအိၣ်ဒီးစ့အဘ့ၣ်တဆံ အတၢ်လီၤမၢ်န့ၢ်အီၤတဘ့ၣ်လီၤ. အဝဲဒၣ်ကမၤဒ်လဲၣ်. အဝဲဒၣ်ကဒွဲၣ်ထီၣ်မ့ၣ်အူဒၢတဖျၢၣ်, ခွဲသိၣ်ခွဲပျီအဟံၣ်, ဒီးကွၢ်ဝဲလီၤတံၢ်လီၤဆဲးလၢတၢ်လီၢ်ကိးပူၤဒဲး တုၤလၢအထံၣ်န့ၢ်က့ၤဝဲတစုလီၤ.

လံာ်လူၤကၣ် 15:8 Iomraidhean Croise

လံာ်ယဃ့းစက့လး 34:12

ဒ်ကျဲတဘိဃီလၢပှၤကွၢ်သိတဂၤအံးထွဲကွၢ်ထွဲအသိတဖၣ်လၢ အလီၤပြံလီၤပြါဒီးဟဲက့ၤစိာ်ကဒါက့ၤကဒီးအဝဲသ့ၣ်တပူၤဃီ အသိးန့ၣ်လီၤ. ယကဟဲက့ၤစိာ်ကဒါက့ၤအဝဲသ့ၣ်လၢကယဲၢ် တၢ်လီၢ်တဖၣ်လၢအဝဲသ့ၣ်လီၤပြံလီၤပြါတ့ၢ်ဖဲမုၢ်တနံၤလၢ အခံးသူဒီးပှဲၤဒီးတၢ်တတၢးတနါန့ၣ်လီၤ.

လံာ်မးသဲ 5:15

ပှၤဒွဲၣ်ထီၣ်မ့ၣ်အူဒၢဒီးပာ်အီၤလၢနာ်အဖီလာ်န့ၣ်တအိၣ်ဘၣ် နီတဂၤဘၣ်. မ့မ့ၢ်ပာ်ဝဲလၢမ့ၣ်အူဒၢအလီၢ်အဖီခိၣ်ဒီးမ့ၣ်အူန့ၣ်ဟ့ၣ်ထီၣ်တၢ် ကပီၤလၢပှၤအိၣ်လၢဟံၣ်ပူၤခဲလၢာ်အဂီၢ်လီၤ.

လံာ်လူၤကၣ် 15:7

ဒ်န့ၣ်အသိး, ယစံးဘၣ်တဲဘၣ်သု, လၢမူခိၣ်န့ၣ်, တၢ်သးခုကအိၣ်ဝဲလၢပှၤတၢ်ဒဲးဘးဖိတဂၤ လၢအပီၢ်ယၢ်လီၤက့ၤအသးအဃိအါန့ၢ်ပှၤတီပှၤလိၤခွံဆံခွံဂၤ လၢအပီၢ်ယၢ်လီၤက့ၤအသးအလီၢ်တအိၣ်ဘၣ်တဖၣ်အဃိ တက့ၢ်လီၤ.

လံာ်လူၤကၣ် 15:9

ဖဲအဝဲဒၣ်ထံၣ်န့ၢ်က့ၤဝဲန့ၣ်, ကကိးဖှိၣ်အတံၤသကိးဒီးပှၤလၢအဃၢၤတဖၣ်တပူၤဃီဒီးစံးဘၣ်အဝဲသ့ၣ်, ‘ယသးခုဒိၣ်မးလၢယထံၣ်န့ၢ်က့ၤစ့လၢအလီၤမၢ်န့ၢ်ယၤတဘ့ၣ်အဃိန့ၣ်လီၤ. မ်ပသူၣ်ခုသးခုသကိးလၢအဃိတက့ၢ်.’

လံာ်လူၤကၣ် 19:10

အဂ့ၢ်ဒ်အံၤ, ပှၤကညီဖိခွါဟဲဒ်သိးအကဃုန့ၢ်ဒီးအုၣ်က့ၤခီၣ်က့ၤ ပှၤလီၤမၢ်တဖၣ်လီၤ.”

လံာ်ယိၤဟၣ် 10:16

သိအိၣ်ဝဲအဂၤတဖၣ်လၢအဘၣ်ဃးဒီးယၤလၢ အတအိၣ်လၢသိကရၢၢ်အဝဲအံၤအပူၤဘၣ်. ဘၣ်ဆၣ်ဒီးယကဘၣ်ဆှၢအီၤစ့ၢ်ကီးလီၤ. ဒီးအဝဲသ့ၣ်ကဒိကနၣ်ယကလုၢ်ဒီးကကဲထီၣ်သိ တဖုဃီအိၣ်ဒီးပှၤကွၢ်သိတဂၤဃီလီၤ.

လံာ်ယိၤဟၣ် 11:52

ဒီးတမ့ၢ်ထဲပှၤတကလုာ်ဧိၤန့ၣ်အဂီၢ်ဘၣ်. မ့ၢ်စ့ၢ်ကီးလၢအကထုးဖှိၣ်ပာ်ဖှိၣ်က့ၤကစၢ်ယွၤအပှၤဂီၢ်မုၢ် လၢအလီၤပြံလီၤပြါတဖၣ်ဒ်သိးအကကဲထီၣ်က့ၤပှၤတဖုဃီ အဂီၢ်န့ၣ်လီၤ.

မၤတၢ် 19:19

ပှၤအါဒံအါဂၤလၢအမၤတ့ၢ်တၢ်မၤကဒါမဲာ်အတၢ်ဖံးတၢ်မၤ ဟဲစိာ်ပာ်ဖှိၣ်အလံာ်လၢအသိၣ်လိအီၤဘၣ်ဃးတၢ်မၤတမံၤအံၤ အဂ့ၢ်တဖၣ်တပူၤဃီဒီးဒွဲၣ်အူကွံာ်ဝဲလၢကမျၢၢ်အမဲာ်ညါလီၤ. အဝဲသ့ၣ်ဂံၢ်ကွၢ်ဒွးကွၢ်လံာ်သ့ၣ်တဖၣ်အံၤခဲလၢာ်အပှ့ၤ, ဒီးလီၤလၢဝဲစ့အဘ့ၣ်ယဲၢ်ကလးန့ၣ်လီၤ.

အ့းဖ့းစူး 2:17

ခရံာ်ဟဲဝဲဒီးစံၣ်တဲၤတဲလီၤတၢ်သးခုအကစီၣ်ဘၣ်ဃးဒီးတၢ်ဃူ တၢ်ဖိးဆူပှၤခဲလၢာ်အအိၣ်, သုဝဲပှၤကလုာ်ဂၤတဖၣ်လၢအအိၣ်ယံၤဒီးကစၢ်ယွၤဒီးပှၤယူဒၤဖိ တဖၣ်လၢအမ့ၢ်ပှၤအိၣ်ဘူးဒီးကစၢ်ယွၤအအိၣ်န့ၣ်လီၤ.