လံာ်လူၤကၣ် 15:32 - Sgaw Karen Common Bible

³² ဘၣ်ဆၣ်, ပဂ့ၤအိၣ်ဒီးတၢ်အီၣ်တၢ်အီအမူးဒီးသူၣ်ခုသးခုလီၤ. အဂ့ၢ်ဒ်အံၤ, နပုၢ်သံတ့ၢ်ဝဲ, မ့မ့ၢ်ခဲကနံၣ်အံၤအဝဲဒၣ်မူဝဲလီၤ. အဝဲဒၣ်လီၤမၢ်တ့ၢ်, ဘၣ်ဆၣ်ဒီးခဲကနံၣ်အံၤဘၣ်တၢ်ထံၣ်န့ၢ်က့ၤလံအီၤလံ.’ ”

လံာ်လူၤကၣ် 15:32 Iomraidhean Croise

စံးထီၣ်ပတြၢၤ 51:8

ဒုးနၢ်ဟူယၤလၢတၢ်သူၣ်ဖှံသးညီ, ဒီးတၢ်သူၣ်ခုသးခုတက့ၢ်. မ်တၢ်ဃံတၢ်ကွဲလၢနမၤကၢ်အီၤန့ၣ် သူၣ်ဖှံသးညီကဒီးတက့ၢ်.

လံာ်ယၡါယၤ 35:10

အဝဲသ့ၣ်ကလဲၤတုၤဆူဝ့ၢ်ယရူၤၡလ့ၣ် လၢတၢ်သူၣ်ဖှံသးညီ, ကသူၣ်ဝံၣ်သးဆၢဒီးကကိးထီၣ်လၢအတၢ်သးခုဒိၣ်ဝဲအဃိလီၤ. အဝဲသ့ၣ်ကသူၣ်ဖှံသးညီအစိၤစိၤအဃၣ်ဃၣ်, အစိၤစိၤအဃၣ်ဃၣ်န့ၣ်ပူၤဖျဲးဝဲလၢတၢ်သူၣ်အုးသးအုးဒီး တၢ်ဘၣ်မိၣ်ဘၣ်မးလီၤ.

လံာ်ဟိၤၡ့ 14:9

မ်ပှၤလၢအကူၣ်သ့ကိးဂၤဒဲးနၢ်ပၢၢ်တၢ်လၢအကွဲးအသးဖဲအံၤ ဒီးမ်အတိၢ်န့ၢ်ဝဲလၢအသးပူၤန့ၣ်တက့ၢ်. ယွၤအကျဲန့ၣ်မ့ၢ်အဘၣ်ဒီးပှၤဂီၢ်မုၢ်လၢအတီဝဲလိၤဝဲကမူလၢ တၢ်ပိာ်ထွဲအီၤအဃိ, မ့မ့ၢ်ပှၤတၢ်ဒဲးဘးဖိတဖၣ်အခီၣ် ကဘၣ်တိၢ်ဒီးကလီၤဃံၤဝဲမ့ၢ်လၢအဝဲသ့ၣ်လဲၤကပာ်အီၤအဃိန့ၣ် လီၤ.

လံာ်မးသဲ 18:11

(အဂ့ၢ်ဒ်အံၤ, ပှၤကညီဖိခွါဟဲတ့ၢ်ဝဲ, ဒ်သိးအကအုၣ်က့ၤခီၣ်က့ၤပှၤလၢအလီၤမၢ်တဖၣ်လီၤ.)

လံာ်လူၤကၣ် 15:24

အဂ့ၢ်ဒ်အံၤယဖိခွါတဂၤအံၤသံတ့ၢ်ဝဲ, ဘၣ်ဆၣ်ဒီးခဲကနံၣ်အံၤအဝဲဒၣ်မူထီၣ်က့ၤလံ. အဝဲဒၣ်လီၤမၢ်, ဘၣ်ဆၣ်ဒီးခဲကနံၣ်အံၤဘၣ်တၢ်ထံၣ်န့ၢ်က့ၤအီၤလံ.’ မၤသးဒ်န့ၣ်ဒီး တၢ်အီၣ်တၢ်အီအမူးစးထီၣ်ဝဲဒၣ်လီၤ.

လံာ်လူၤကၣ် 15:31

ပၢ်စံးဆၢအီၤ, ‘ယဖိခွါဧၢ, နအိၣ်ဒီးယၤဖဲအံၤထီဘိဒီးတၢ်ခဲလၢာ်ခဲဆ့ လၢအအိၣ်ဒီးယၤန့ၣ်မ့ၢ်နတၢ်လီၤ.

လံာ်လူၤကၣ် 7:34

ပှၤကညီဖိခွါဟဲဝဲ, အီၣ်တၢ်ဒီးအီတၢ်ဒီးသုစံး, ‘ကွၢ်ပှၤတဂၤအံၤတက့ၢ်. အဝဲမ့ၢ်ပှၤအီၣ်လုၣ်ကိတၢ်ဒီးပှၤအီစပံးထံ, ပှၤဃ့သွဲဒီးပှၤတၢ်ဒဲးဘးဖိတဖၣ်အတံၤသကိးလီၤ.’

ရိမ့ၤ 11:15

အဂ့ၢ်ဒ်အံၤဖဲအဝဲသ့ၣ်ဘၣ်တၢ်ညိကွံာ်အီၤအဆၢကတီၢ်န့ၣ်, ကစၢ်ယွၤဒုးကဲထီၣ်ပှၤဟီၣ်ခိၣ်ဖိအဂၤတဖၣ်လၢအဒုၣ်အဒါဆူ အတံၤသကိးန့ၣ်လီၤ. မ့မ့ၢ်ဒ်န့ၣ်ဒီး, ဖဲအဝဲသ့ၣ်ဘၣ်တၢ်တူၢ်လိာ်အီၤ ဒီးတၢ်ကကဲထီၣ်အသးဒ်လဲၣ်. ကမ့ၢ်တၢ်ဂဲၤဆၢထၢၣ်သမူထီၣ်က့ၤ လၢတၢ်သံန့ၣ်လီၤ.

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.

ရိမ့ၤ 3:4

တမ့ၢ်ဒ်န့ၣ်ဘၣ်. ပှၤကညီကိးဂၤဒဲးမ့မ့ၢ်ပှၤလီတၢ်သနာ်က့, ကစၢ်ယွၤတီဝဲလိၤဝဲလီၤ. ဒ်တၢ်ကွဲးအသးစံးဝဲအသိး, “နကဘၣ်တၢ်ပာ်တီပာ်လိၤနၤလၢ နတၢ်ကတိၤတဖၣ်အပူၤ, ဒီးနကမၤနၢၤတၢ်ဖဲ နဘၣ်တၢ်လိာ်ကွီၢ်နၤန့ၣ်လီၤ.”