လံာ်လူၤကၣ် 15:3 - Sgaw Karen Common Bible

³ လၢတၢ်န့ၣ်အဃိ, ယ့ၣ်ၡူးစံးဘၣ်တဲဘၣ်အဝဲသ့ၣ်လၢတၢ်ကတိၤဒိတထံၣ်အံၤလီၤ.

လံာ်လူၤကၣ် 15:3 Iomraidhean Croise

လံာ်ယၡါယၤ 53:6

ပဝဲခဲလၢာ်ပလီၤဂာ်ဒီးသိတဖၣ်လၢအဟးဖျိးကျဲ, တဂၤလဲၤလၢအကျဲဒၣ်ဝဲစုာ်စုာ်လီၤ. ဘၣ်ဆၣ်ဒီးယွၤဒုးလီၤဘၣ်တၢ်စံၣ်ညီၣ်လၢအလိၤ, တၢ်စံၣ်ညီၣ်လၢပဝဲခဲလၢာ်ပကြၢးဒိးဘၣ်ဝဲန့ၣ်လီၤ.

လံာ်ယၡါယၤ 65:19

ယကစၢ်ဒၣ်ယဲယကပှဲၤဒီးတၢ်သးခုလၢဝ့ၢ်ယရူၤၡလ့ၣ်ဒီးအပှၤဂီၢ် မုၢ်အဃိလီၤ. ဖဲန့ၣ်တၢ်ဟီၣ်တၢ်ယၢၤ, တၢ်ကိးထီၣ်ဃ့ထီၣ်တၢ် မၤစၢၤတအိၣ်ဝဲဘၣ်.

လံာ်မးသဲ 10:6

မ့မ့ၢ်လဲၤသုဝဲဆူပှၤအံၣ်စရ့လးဖိလၢအမ့ၢ်သိလၢအဟါမၢ် တဖၣ်အအိၣ်န့ၣ်တက့ၢ်.

လံာ်မးသဲ 13:3

အဝဲစံးဘၣ်တဲဘၣ်အဝဲသ့ၣ်လၢတၢ်အါမံၤခီဖျိတၢ်ကတိၤဒိ တဖၣ်ဒီးစံးဝဲ, “တဘျီပှၤဖှံတၢ်ချံတဂၤလဲၤဒီးဖှံတၢ်ချံလီၤ.

လံာ်မးသဲ 9:13

လဲၤဒီးဃုနၢ်ပၢၢ်တၢ်ကွဲးအသးလၢအစံး, ‘ယအဲၣ်ဒိးတၢ်သူၣ် ကညီၤသးကညီၤဒီးတမ့ၢ်ဘၣ်တၢ်လုၢ်တၢ်ပာ်ဘၣ်’ အခီပညီတက့ၢ်. အဂ့ၢ်ဒ်အံၤ, ယဟဲလၢယကကိးန့ၢ် ပှၤတၢ်ဒဲးဘးဖိဒီးတမ့ၢ်ဘၣ်ပှၤတီပှၤလိၤတဖၣ်ဘၣ်.”

လံာ်လူၤကၣ် 15:2

ပှၤဖၤရံၤၡဲဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်စးထီၣ် ကဒူးကဒ့ၣ်တၢ်ဒီးစံးဝဲ, “ပှၤတဂၤအံၤတူၢ်လိာ်ပှၤတၢ်ဒဲးဘးဖိတဖၣ်, ဒီးအီၣ်သကိးအီသကိးဃုာ်တၢ်ဒီးအဝဲသ့ၣ်ဒၣ်လဲာ်န့ၣ်လီၤ.”

လံာ်လူၤကၣ် 15:4

ပစံးဒၣ်ကလိာ်, သုဝဲအကျါတဂၤအိၣ်ဒီးသိအဒုတကယၤ ဒီးလီၤမၢ်ကွံာ်န့ၢ်အီၤတဒုလီၤ. အဝဲဒၣ်ကမၤဒ်လဲၣ်. အဝဲဒၣ်ကပာ်တီၢ်သိအဂၤခွံဆံခွံဒုလၢအအီၣ်ဆၣ်အလီၢ်ဒီးလဲၤ လူၤဃုသိလၢအလီၤမၢ်ကွံာ်တဒုတုၤအထံၣ်န့ၢ်က့ၤဝဲတစုလီၤ.

လံာ်ယိၤဟၣ် 21:16

ယ့ၣ်ၡူးစံးဘၣ်အီၤခံဘျီတဘျီ, “စီၤယိၤနါအဖိခွါစီၤၡံမိၣ်ဧၢ, မ့ၢ်နအဲၣ်ယၤဧါ.” အဝဲစံးဆၢဝဲ, “ကစၢ်ဧၢ, မ့ၢ်လီၤ, နသ့ၣ်ညါလၢယအဲၣ်နၤလီၤ.” ယ့ၣ်ၡူးစံးဘၣ်အီၤ, “အံးက့ၤကွၢ်က့ၤယသိတက့ၢ်.”

မၤတၢ် 21:20

အဝဲသ့ၣ်နၢ်ဟူအဝဲအတၢ်စံးတၢ်ကတိၤဝံၤဒီး, စံးထီၣ်ပတြၢၤကစၢ်ယွၤကိးဂၤဒဲးလီၤ. အန့ၣ်ဝံၤဒီးစံးဝဲ, “ဒီပုၢ်ဝဲၢ်စီၤပီလူးဧၢ, နကထံၣ်လၢပှၤယူဒၤဖိလၢအကဲထီၣ် ပှၤစူၢ်က့ၤနာ်က့ၤတၢ်အိၣ်ဝဲလၢအကထိဒီးအကထိတဖၣ်, ဒီးအဝဲသ့ၣ်ခဲလၢာ်ပာ်ဒိၣ်ပှၤယူဒၤဖိအတၢ်သိၣ်တၢ်သီလီၤ.