လံာ်လူၤကၣ် 15:29 - Sgaw Karen Common Bible

²⁹ အဝဲဒၣ်စံးဆၢအပၢ်, ‘ကွၢ်လၢအံၤ, လၢအနံၣ်အလါတဖၣ်အံၤအပူၤ, ယမၤတ့ၢ်တၢ်လၢနဂီၢ်ဒ်ကုၢ်တဂၤအသိး ဒီးယတလုၣ်သ့ၣ်ခါပတာ်နကလုၢ်နီတစုဘၣ်. နဟ့ၣ်တ့ၢ်လံယၤတၢ်မနုၤ တမံၤလဲၣ်. လၢယကမၤတၢ်အီၣ်သကိးအီသကိးအမူး ဒီးယတံၤသကိးတဖၣ်အဂီၢ်မဲာ်တဲးလဲးတဒုဒၣ်လဲာ်နတဟ့ၣ်ယၤဘၣ်.

လံာ်လူၤကၣ် 15:29 Iomraidhean Croise

လံာ်ယၡါယၤ 65:5

ဝံၤဒီးအဝဲသ့ၣ်စံးဘၣ်ပှၤဂၤတဖၣ်အိၣ်ယံၤဒီးပှၤတက့ၢ်. အဂ့ၢ်ဒ်အံၤ, ပစီဆှံကဲၣ်ဆိးလၢသုကထိးဘၣ်ပှၤအဂီၢ်လီၤ. ပှၤဂီၢ်မုၢ်ဒ်သိးအံၤတဖၣ်ယကွၢ်အီၤတလိၤဘၣ်. ယတၢ်သးဒိၣ်ထီဒါအဝဲသ့ၣ်အံၤလီၤဂာ်ဒ်မ့ၣ်အူ တခါလၢအတလီၤပံာ်နီတစုဘၣ်အသိးန့ၣ်လီၤ.

လံာ်စကၤရယၤ 7:3

ဒီးကသံကွၢ်ပှၤလုၢ်တၢ်အခိၣ်တဖၣ်ဒီးဝံတဖၣ်လၢတၢ်သံကွၢ်အံၤ, “မ့ၢ်လၢတၢ်လုၢ်ဟံၣ်ဘၣ်တၢ်ဟးဂီၤကွံာ်အီၤလံ အဃိဒီးမ့ၢ်ပကဘၣ်ဟီၣ်ယၢၤဒံးတၢ်ခီဖျိတၢ်ဒုၣ် တၢ်အီၣ်တၢ်အီလၢလါယဲၢ်လါတလါဒ်ပမၤတ့ၢ်လံလၢအါနံၣ်အါလါ အတီၢ်ပူၤအသိးန့ၣ်ဒံးဧါ.”

လံာ်မၤလကံ 3:14

သုစံးတ့ၢ်သုဝဲ, “ပမၤယွၤအတၢ်န့ၣ်အဘျုးတအိၣ်ဘၣ်. တၢ်မၤထွဲတၢ်လၢအဝဲစံးမ့ၢ်ဂ့ၤ, ကျဲးစၢးပာ်ဖျါဆူယွၤသ့တၢ်လၢာ်လၢပသးအုးလၢတၢ်လၢပမၤဘၣ် တ့ၢ်အီၤအဃိန့ၣ်အဘျုးမနုၤကအိၣ်န့ၣ်လဲၣ်.

လံာ်မးသဲ 20:12

ဒီးစံး, ‘ပှၤလၢအဘၣ်တၢ်မၢလဲအီၤလၢခံကတၢၢ်တဖၣ်အံၤ, မၤတၢ်ထဲတနၣ်ရံၣ်ဧိၤလီၤ. ဒီးနပာ်ပှၤတဖၣ်အံၤထဲသိးဒီးပဝဲလၢအမၤဘၣ်တၢ်ဒီတနံၤ ညါလၢတၢ်ကိၢ်ကျါတဖၣ်မးလဲၣ်.’

လံာ်လူၤကၣ် 15:28

ဒီပုၢ်ဝဲၢ်ပိာ်ခွါအဒိၣ်တဂၤအံၤအသးဒိၣ်ထီၣ်တုၤဒၣ်လဲာ်တက့ၤ နုာ်ဝဲဆူဟံၣ်ပူၤဘၣ်. လၢတၢ်န့ၣ်အဃိအပၢ်ဟဲထီၣ်လၢခိဒီးဃ့ ကညးအီၤဒ်သိးအကနုာ်လီၤဆူဟံၣ်ပူၤလီၤ.

လံာ်လူၤကၣ် 15:30

မ့မ့ၢ်နဖိခွါတဂၤအံၤမၤလၢာ်ဂီၤနတၢ်စုလီၢ်ခီၣ်ခိၣ်ခဲလၢာ်လၢတၢ်ဂဲၤ ဃုာ်ဒီးဃဲသဲမုၣ်, ဒီးဖဲအဝဲဒၣ်ဟဲက့ၤတုၤဟံၣ်န့ၣ်နမၤသံဂီၤဖံးဖိအဘီၣ်ကတၢၢ် တဒုလၢအဝဲဒၣ်အဂီၢ်လီၤ.’

လံာ်လူၤကၣ် 15:7

ဒ်န့ၣ်အသိး, ယစံးဘၣ်တဲဘၣ်သု, လၢမူခိၣ်န့ၣ်, တၢ်သးခုကအိၣ်ဝဲလၢပှၤတၢ်ဒဲးဘးဖိတဂၤ လၢအပီၢ်ယၢ်လီၤက့ၤအသးအဃိအါန့ၢ်ပှၤတီပှၤလိၤခွံဆံခွံဂၤ လၢအပီၢ်ယၢ်လီၤက့ၤအသးအလီၢ်တအိၣ်ဘၣ်တဖၣ်အဃိ တက့ၢ်လီၤ.

လံာ်လူၤကၣ် 17:10

သုဝဲစ့ၢ်ကီးမ့ၢ်တၢ်ဒ်န့ၣ်လီၤ. ဖဲသုမၤလံတၢ်လၢပှၤမၢသုခဲလၢာ်န့ၣ်, စံးသုဝဲ, ‘ပမ့ၢ်ဒၣ်တၢ်ခ့တၢ်ပှၤတဖၣ်လီၤ. မ့ၢ်ဒၣ်ပမၤပှဲၤပမူပဒါတဖၣ်လီၤ.’ ”

လံာ်လူၤကၣ် 18:9

ပှၤလၢအနာ်န့ၢ်လီၤအသးလၢအဂ့ၤဝဲဝါဝဲ, ဒီးကွၢ်တလီၤပှၤကိးဂၤဒဲးန့ၣ်, ယ့ၣ်ၡူးစံးဘၣ်တဲဘၣ်စ့ၢ်ကီးအဝဲသ့ၣ်လၢတၢ်ကတိၤဒိအဝဲအံၤလီၤ.

လံာ်လူၤကၣ် 19:21

ယပျံၤနၤ, မ့ၢ်လၢနမ့ၢ်ပှၤအကီတဂၤအဃိလီၤ. နဟံးန့ၢ်တၢ်လၢအတမ့ၢ်နတၢ်ဘၣ်, ဒီးတၢ်လၢနတဖှံလီၤသူၣ်လီၤန့ၣ်, နကူးနဲလီၤ.’

ရိမ့ၤ 10:3

အဝဲသ့ၣ်တသ့ၣ်ညါကစၢ်ယွၤအတၢ်ပာ်တီပာ်လိၤပှၤ အကျဲဘၣ်ဒီးကျဲးစၢးဒုးအိၣ်ထီၣ်အကျဲဒၣ်ဝဲ, သတးဒီးအဝဲသ့ၣ်တဟ့ၣ်လီၤအသးဆူကစၢ်ယွၤအကျဲလၢ အပာ်တီပာ်လိၤတၢ်အပူၤန့ၣ်ဘၣ်.

ရိမ့ၤ 3:20

မ့ၢ်အဂ့ၢ်ဒ်လဲၣ်န့ၣ်, ပှၤကညီတဘၣ်တၢ်ပာ်တီပာ်လိၤအီၤလၢ ကစၢ်ယွၤအမဲာ်ညါလၢအမၤထွဲတၢ်သိၣ်တၢ်သီအခံအဃိနီ တဂၤဘၣ်. မ့မ့ၢ်တၢ်လၢတၢ်သိၣ်တၢ်သီမၤဝဲန့ၣ်, မ့ၢ်တၢ်ဒုးသ့ၣ်ညါပှၤဟီၣ်ခိၣ်ဖိလၢအဝဲမၤတၢ်ဒဲးဘးလံန့ၣ်လီၤ.

ရိမ့ၤ 3:27

မ့မ့ၢ်ဒ်န့ၣ်ဒီး, ပကပာ်ကဖၢလၢပသးလၢ မနုၤတမံၤအဃိလဲၣ်. တၢ်တအိၣ်နီတမံၤဘၣ်. ဒီးတၢ်အံၤမ့ၢ်လၢမနုၤအဃိန့ၣ်လဲၣ်. မ့ၢ်လၢပဒိကနၣ်တၢ်သိၣ်တၢ်သီအဃိဧါ. တမ့ၢ်ဘၣ်, မ့ၢ်လၢပစူၢ်က့ၤနာ်က့ၤတၢ်အဃိလီၤ.

ရိမ့ၤ 7:9

တဘျီဖဲတၢ်သိၣ်တၢ်သီတအိၣ်ဒံးဘၣ်န့ၣ်, ယမူယဲလီၤ. ဘၣ်ဆၣ်ဖဲတၢ်မၤလိာ်ဟဲအိၣ်ထီၣ်န့ၣ်, တၢ်ဒဲးဘးမူထီၣ်ဝဲဒီး ယသံယဲလီၤ.

လံာ်လီၣ်ဖျါ 2:17

မၤသးဒ်န့ၣ်ဒီး, နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ဆူပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်လီၤအီၤကိၣ်မၤနၤခူသူၣ်တနီၤလီၤ. ယကဟ့ၣ်စ့ၢ်ကီးအဝဲသ့ၣ်တဂၤဘၣ်တဂၤလၢလၢၢ်ဝါ တဖျၢၣ်လၢမံၤသီတဖျၢၣ်အိၣ်ကွဲးအသးလၢအလိၤ, မံၤသီတဖျၢၣ်လၢပှၤတသ့ၣ်ညါဝဲနီတဂၤ, သ့ၣ်ညါထဲပှၤတဂၤလၢအဒိးန့ၢ်ဘၣ်အီၤန့ၣ်လီၤ.”

လံာ်လီၣ်ဖျါ 3:17

နစံးနဲ, ‘ယထူးယတီၤဒီးယတၢ်စုလီၢ်ခီၣ်ခိၣ်တဖၣ် အါထီၣ်ဂီၢ်ထီၣ်ဝဲဒၣ်ဒိၣ်ဒိၣ်အါအါလီၤ. ယအိၣ်ဒီးတၢ်လၢယလိၣ်ဘၣ်အီၤခဲလၢာ်လံ.’ ဘၣ်ဆၣ်ဒီး, နဘၣ်ဖှီၣ်ဘၣ်ယာ်, ဒီးနလီၤသးကညီၤနဲဆံးအါန့ၣ်နတသ့ၣ်ညါ နဲဘၣ်. နဖှီၣ်နယာ်, နအိၣ်ဘ့ၣ်ဆ့ဒီးနမဲာ်ဘျီၣ်လီၤ.