လံာ်လူၤကၣ် 15:25 - Sgaw Karen Common Bible

²⁵ ဖဲဆၢကတီၢ်အဝဲန့ၣ်, ဖိခွါအဒိၣ်တဂၤအိၣ်ဝဲဒၣ်လၢစံာ်ပျီပူၤလီၤ. ဖဲအဝဲဒၣ်ဟဲက့ၤဒီးဘူးထီၣ်ဝဲလၢဟံၣ်န့ၣ်, နၢ်ဟူဘၣ်ဝဲတၢ်သးဝံၣ်ဒီးတၢ်ဂဲၤကလံၣ်အသီၣ်လီၤ.

လံာ်လူၤကၣ် 15:25 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:14

စီၤဒၤဝံးကူဒၣ်ထဲတၢ်ကံးယာ်လုၣ်ဖီဝါကဆှၣ်ဖိတဘ့ၣ်လၢအယီၢ် ဒ့လိၤဒီးဂဲၤကလံာ်လၢာ်သူၣ်လၢာ်သးလၢတၢ်မၤလၤကပီၤယွၤအဂီၢ် န့ၣ်လီၤ.

စံးထီၣ်ပတြၢၤ 126:1

တုၤယွၤဃၣ်ကဒါက့ၤစံယိၣ်အတၢ်ကဲကုၢ်ဒီး, ပမၤပသးဒ်ပှၤလၢအမံမီၢ်တၢ်အသိးန့ၣ်လီၤ.

စံးထီၣ်ပတြၢၤ 149:3

မ်အဝဲသ့ၣ်စံးထီၣ်ပတြၢၤအမံၤလၢတၢ်ဂဲၤကလံၣ်, သးဝံၣ်ထီၣ်အီၤလၢဒၢဖိဒီးတနၢ်တက့ၢ်.

စံးထီၣ်ပတြၢၤ 150:4

စံးထီၣ်ပတြၢၤအီၤလၢဒၢ, ဒီးတၢ်ဂဲၤကလံၣ်တက့ၢ်. စံးထီၣ်ပတြၢၤအီၤလၢတၢ်လၢပှၤဒ့ဝဲဒီး တၢ်လၢပှၤအူဝဲန့ၣ်တက့ၢ်.

စံးထီၣ်ပတြၢၤ 30:11

ယတၢ်မိၣ်တၢ်မးန့ၣ်နဒုးကဲထီၣ်အီၤဆူ တၢ်ဂဲၤကလံၣ်လၢယဂီၢ်, နဟံးထီၣ်ကွံာ်ယတၢ်သူၣ်အုးသးအုး ဒီးဘိၣ်ဘံယၤလၢတၢ်သူၣ်ခုသးခု,

လံာ်တၢ်ဟးထီၣ်ကွံာ် 15:20

ဝံမုၣ်နီၢ်မံးရယၣ်လၢအမ့ၢ်စီၤအၤဟရိၣ်အဒီပုၢ်ဝဲၢ်မုၣ်ဟံး ထီၣ်အဒၢတြုၤလၢအစုပူၤဒီးကယဲၢ်ပိာ်မုၣ်ခဲလၢာ်, ပိာ်ထီၣ်အခံအိၣ်ဒီးဒၢတြုၤတဖၣ်ဒီးဂဲၤကလံာ်ဝဲလီၤ.

လံာ်ပှၤစံၣ်တဲၤတဲလီၤတၢ် 3:4

အဝဲပာ်လီၤဝဲတၢ်အကတီၢ်လၢတၢ်သးအုးအဂီၢ်ဒီးတၢ် အကတီၢ်လၢတၢ်သးခုအဂီၢ်, တၢ်အကတီၢ်လၢတၢ်ဟီၣ်တၢ်ယၢၤအဂီၢ်, ဒီးတၢ်အကတီၢ်လၢတၢ်ဂဲၤကလံၣ်အဂီၢ်,

လံာ်ယံးရမံယၤ 31:4

ယကမၤထီၣ်က့ၤ ကဒီး သုတဘျီန့ၣ်လီၤ. သုကဟံးထီၣ်ကဒီး ဒၢတဖၣ်ဒီး ဂဲၤကလံာ်လၢတၢ် သးခုအပူၤန့ၣ်လီၤ.

လံာ်လူၤကၣ် 15:24

အဂ့ၢ်ဒ်အံၤယဖိခွါတဂၤအံၤသံတ့ၢ်ဝဲ, ဘၣ်ဆၣ်ဒီးခဲကနံၣ်အံၤအဝဲဒၣ်မူထီၣ်က့ၤလံ. အဝဲဒၣ်လီၤမၢ်, ဘၣ်ဆၣ်ဒီးခဲကနံၣ်အံၤဘၣ်တၢ်ထံၣ်န့ၢ်က့ၤအီၤလံ.’ မၤသးဒ်န့ၣ်ဒီး တၢ်အီၣ်တၢ်အီအမူးစးထီၣ်ဝဲဒၣ်လီၤ.

လံာ်လူၤကၣ် 15:26

လၢတၢ်န့ၣ်အဃိအဝဲဒၣ်ကိးဃီၤတၢ်ခ့တၢ်ပှၤအကျါတဂၤ, ဒီးသံကွၢ်အီၤ, ‘တၢ်သီၣ်တၢ်သဲအဝဲအံၤ မ့ၢ်ပှၤမၤတၢ်မနုၤလဲၣ်.’

လံာ်လူၤကၣ် 7:32

အဝဲသ့ၣ်လီၤဂာ်ဒီးပှၤဖိသၣ်တဖၣ်လၢအဆ့ၣ်နီၤလၢဖၠါပူၤန့ၣ်လီၤ. အဝဲတဖုကိးပသူဃီၤဝဲဆူအဂၤတဖုအအိၣ်, ‘ပအူတၢ်ဖျီအတၢ်သးဝံၣ်လၢသုဂီၢ်, ဘၣ်ဆၣ်ဒီးသုတဂဲၤကလံၣ်ဘၣ်. ပသးဝံၣ်တၢ်သံအတၢ်သးဝံၣ်, ဘၣ်ဆၣ်ဒီးသုတဟီၣ်တယၢၤဘၣ်.’